1. Introdución
1.1. Datos básicos do centro
CIFP FRAGA DO EUME - Avda. Ricardo Sánchez, 3. 15600 Pontedeume – A Coruña. Telf. 881 930 448 – cifp.fraga.eume@edu.xunta.gal - Web: https://www.cifpfragadoeume.gal/
No CIFP Fraga do Eume impartimos ciclos formativos de formación profesional das familias de hostalaría, turismo e industrias alimentarias, en grao básico, medio e superior, e nas modalidades de ordinario, adultos e dual. Os ciclos neste curso escolar son os seguintes:
FAMILIA HOSTALARÍA E TURISMO: - CB Cociña e restauración - CM Cociña e gastronomía - ZM Cociña e gastronomía - CM Servizos en restauración - CS Dirección de servizos - CS Dirección de cociña - CS Xestión de aloxamentos turísticos (presencial e dual) - CS Axencias de viaxes e xestión de eventos
FAMILIA DE INDUSTRIAS ALIMENTARIAS: - CM Pastelaría, repostaría e confeitaría
O número de alumnado que cursa estudos no centro é de 350, con un claustro, contando a dirección, de 35.
1.2. Contextualización do Plan Dixital no centro. Contribución ao Proxecto Educativo do Centro
Con data 14 de xullo de 2021, publícase no DOGA o DECRETO 107/2, onde, no art.1 establécese que o IES Fraga do Eume se trasforma en CIFP pasando a formar parte de rede de centros integrados de FP de Galicia no curso 2021-2022. O recentemente incorporado CIFP Fraga do Eume é atípico en canto a súa contorna, como poderemos ver na contextualización feita ao longo deste apartado. A maioría dos 23 CIFPs da rede de centros integrados de FP Galicia, están ubicados, ben nas 7 cidades galegas (19 deles) ou ben en pobos con importantes núcleos de habitantes (Ribeira, Ponteares, Ribadeo...), mentres que no caso de Pontedeume ronda so as 7000 persoas pero debemos entender que o contexto do CIFP, no tocante ao seu ámbito económico, social e laboral de referencia, abarca toda a comarca do Eume, Ferrolterra e Ortegal, xa que non hai ningún outro centro ata chegar a Foz que teña as familias profesionais do noso CIFP.
Características territoriais básicas : A área de influencia do CIFP Fraga do Eume está integrada por tres comarcas e vinte concellos, atendendo á configuración do territorio que podemos considerar como área de mercado e de actividade socioeconómica que xira en torno á cidade de Ferrol, que constitúe o concello de cabeceira. As tres comarcas son a de Ferrol, a do Eume e a de Ortegal.
Dinámica demográfica : A característica básica da dinámica da poboación na área de influencia de Ferrol nas últimas décadas é o declive demográfico. Analizados os datos de estrutura por idades da poboación en comparación con Galicia pódese resumir en que, ao declive demográfico, hai que engadir un maior grao de envellecemento, unha porcentaxe de poboación en idade de traballar menor e un menor porcentaxe de menores de 16 anos.
Contribución ao Proxecto Educativo do Centro : O plan dixital do centro pretende dar un primeiro paso no camiño da dixitalización efectiva e con efecto permanente no centro, adoptando dinámicas que axilicen os procesos documentais, melloren a calidade do proceso de ensino-aprendizaxe e favorezan o coidado mediambiental reducindo o uso de papel. Baixo estos tres pilares edificamos un plan dixital dende e para o noso centro, tendo en conta a situación e a casuística da comunidade educativa e as suas infraestructuras. Sendo conscientes da dificultade que supón adaptarse aos cambios, e sobre todo no eido dixital, entendemos que o cambio ten que ser paulatino e coa aceptación e a convicción da comunidade educativa de que é unha mellora na calidade educativa. O noso centro leva varios anos participando na innovación educativa solicitando proxectos de FPInnova, tales como “Elaboración da cervexa artesá baixo a marca “Quilómetro cero” ou “Cafe 5.0. Brazo robótico colaborativo e impresora alimentaria”. Temos concedido un novo proxecto de innovación educativa para o curso 23-24 así como a aula tecnolóxica. O CIFP Fraga do Eume aposta claramente pola innovación e a dixitalización na educación, dando como resultado un entorno que favorece e promove a formación dixital, ademáis dos proxectos da aula virtual, a web do centro, e no futuro coa implementación deste plan dixital. O plan dixital do centro pretende axudar en todo o proceso de ensino-aprendizaxe de xeito cualitativo e cuantitativo e de xeito directo e indirecto. Con isto queremos dicir que o plan dixital ten accións que se abordan para unha mellora directa dentro da aula para o alumnado e o profesorado, accións que xestionan a parte documental xerada no centro con accións de dixitalización a través dunha sede electrónica de centro, accións que mellorarán a comunicación a través de redes sociais con unha extratexia clara e estudada mostrando o traballo realizado no centro e que o público, alumnado potencial, teña en nós un centro de referencia para a formación. Todos os obxectivos plantexados están pensados para axudar a acadar dun xeito o outro varios dos obxetivos do plan anual.
1.3. Breve xustificación do mesmo
-Art.111 bis, 121 e 132 da LOE
-Disposición adicional 5ª da Resolución do 17/06/2021 da Secretaría Xeral de Educación e FP, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
-Disp. adicional 3ª da Resolución do 18/06/2021 da Secretaría Xeral de Educación e FP, pola que se ditan instrucións para o desenvolvemento dos ciclos formativos de FP do sistema educativo no curso académico 2021-2022.
-Resolución do 03/09/2021 da Secretaría Xeral de Educación e FP, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da CA de Galicia para o curso 2021-2022.
1.4. Proceso de elaboración
Este proceso foi guiado pola Secretaría xeral de Eduación e Formación Profesional a través do ADIX (asesores dixitais).
O procedemento seguíu os seguintes pasos:
-Análise da situación do centro: Informe SELFIE e Test de competencia dixital docente (CDD).
-Realización da diagnose da situación do centro a partir dos informes anteriores.
-Temporalización dos pasos a realizar (DAFO-PLAN DE ACCIÓN-PLAN DIXITAL).
-Redacción do plan dixital de centro e aprobación por parte do centro para a súa implantación.
