Xustificación do PD en relación coa normativa vixente

A elaboración deste plan de acción pretende consolidar que somos como centro e sobre todo que queremos e en que cremos. É dicir, este plan debería consolidar o carácter tecnolóxico, innovador, comprometido, promotor e integrador que xa ten o Centro, á vez que conseguir levar a cabo a cooperación, a difusión, investigación, o aprendizaxe servizo, todo iso dentro dun espírito de mellora continua. A realización deste plan de acción a tres anos baséase nunha serie de valores que deben sistematizarse no Centro: solidariedade, pensamento crítico, formación continua, experimentación e inclusión. Este plan de acción debe ser unha guía que explique o que queremos facer, como o imos a facer e cando o imos a implantar. O obxectivo de fondo deste plan de acción é usar a tecnoloxías da información e a comunicación como un instrumento para mellorar o proceso de ensino-aprendizaxe, feito que seguro repercutirá positivamente na mellora de resultados e na creación dunha identidade propia.

As áreas nas que queremos actuar son:

• Prácticas de ensino-aprendizaxe (aumento da competencia dixital de estudantes e profesores, reconsideración de roles e modelos pedagóxicos).
• Colaboración e networking (desenvolvemento de asociacións, modelo estratéxico da comunicación e promoción do networking e a compartición). 
• Infraestrutura dixital (desenvolvemento de espazos físicos e virtuais de aprendizaxe)

Lexislación:

• Art. 111 bis, Art. 121 e Art. 132 da LO 2/2006, de 3 de maio, de Educación.
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
• Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
• Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece aordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
• Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
• Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a
  ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.

Contextualización do Plan Dixital no centro. Contribución ao Proxecto Educativo do Centro

- Características socioeconómicas e culturais do contexto do centro

O Colexio Concertado Luís Vives Sociedade Cooperativa Limitada está situado na comarca do Eume, no Concello de Pontedeume, provincia de A Coruña. Na capital municipal, Pontedeume, o comercio, o turismo e a pesca son as principais actividades económicas. A pobación total do Concello e de 8.619 habitantes, dos cales 1,80 % é pobación estranxeira.A idade dos pais dos nosos alumnos esta comprendida entre os 22 e os 55 anos. O nivel cultural xeral é de estudos primarios.A relixión máis practicada é a católica, mais existe unha importante comunidade musulmá.A actitude dos pais ante a educación impartida no centro é positiva.Máis do 50% dos pais emprega o castelán como lingua cotiá. As actividades extraescolares máis demandadas son as TIC, idiomas e deportes. O rendemento escolar é máis satisfactorio na educación infantil e primaria ca en secundaria.O centro esta adaptado para acoller alumnos con discapacidade física.

- Incardinación e contribución do PD ao Proxecto Educativo e á Programación Xeral Anual

O obxectivo da posta en marcha do PD é mellorar o desenvolvemento da competencia dixital do alumnado e o uso das tecnoloxías dixitais na aprendizaxe a través do desenvolvemento da competencia dixital do profesorado -tanto individual como colexiada- e da transformación do colexio nunha organización educativa dixitalmente competente. Por tanto, o PD afecta transversalmente ao Proxecto Educativo do centro e potenciará dixitalmente a Programación Xeral Anual.

A valoración xeral da aplicación do PD é moi positiva. Os obxectivos plantexados a principio de curso foron acadados con éxito e o camiño a seguir en cursos futuros parece claro.

Continuar coa mellora dos equipos e infraestructura dixital do centro así como potenciar a formación do profesorado en novas tecnoloxías.

Para a elaboración e coordinación do Plan TIC distinguimos tres fases ou momentos no desenvolvemento do mesmo:

• 1ª Fase: Análise. Completando e detectando as necesidades, debilidades e problemas que necesitan accións concretas no centro. Fase en constante evolución.
• 2ª Fase: Desenvolvemento. Posta en práctica das diferentes accións susceptibles de ser realizadas. Toda a comunidade educativa e os axentes específicos, levarán a cabo os aspectos recollidos neste documento de acordo á súa función.
• 3ª Fase: Avaliación. Como base para unha mellora continua, recompilaranse resultados, e a avaliación das accións e procesos que se levaron a cabo mediante a ferramenta SELFIE. Co claustro preceptivo de final de curso presentaranse os resultados.

Unha vez aprobado publicarase o Plan TIC na web do centro, e no apartado en rede correspondente dos computadores locais do centro. A sección creada aloxarase no espazo de “Documentos Institucionais”