Plan do centro
Vixencia
Introdución
Contexto DAFO
Obxectivos
Seguimento
A frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
Neste primeiro trimestre as accións levadas a cabo foron as previstas, cumprindo co planificado ao comezar o curso tanto cualitativa como cuantitativamente. Os novos equipos instalados nas aulas están sendo de gran axuda para a docencia. De cara ao futuro, poderíamos plantexarnos como obxectivo a formación do profesorado para o traballo en rede ou na intranet do centro, así como aprender a xestionar e vincular as contas dos distintos PCs de aula.
As accións levadas a cabo durante o segundo trimestre foron, na súa maior parte, tarefas de mantemento e pequenos cambios nos equipos derivados das necesidades diarias do centro.
Ademais, apareceron algúns problemas imprevistos coa conexión a internet do centro. Polo momento están solucionados, pero poderíamos plantexarnos como obxectivo para o futuro mellorar a conectividade no centro e solucionar algúns problemas de base na instalación da rede.
Igual que no segundo trimestre, as accións levadas a cabo neste final de curso foron, na súa maior parte, tarefas de mantemento e pequenos cambios nos equipos derivados das necesidades diarias do centro.
Ademais, realizáronse enquisas para o seguimento do plan e púxose en conxunto co resto do claustro os avances e proxectos de cara ao futuro relacionados co PD.
Avaliación
A valoración xeral da aplicación do PD é moi positiva. Os obxectivos plantexados a principio de curso foron acadados con éxito e o camiño a seguir en cursos futuros parece claro.
Continuar coa mellora dos equipos e infraestructura dixital do centro así como potenciar a formación do profesorado en novas tecnoloxías.
Comunicación e difusión
Para a elaboración e coordinación do Plan TIC distinguimos tres fases ou momentos no desenvolvemento do mesmo:
- 1ª Fase: Análise. Completando e detectando as necesidades, debilidades e problemas que necesitan accións concretas no centro. Fase en constante evolución.
- 2ª Fase: Desenvolvemento. Posta en práctica das diferentes accións susceptibles de ser realizadas. Toda a comunidade educativa e os axentes específicos, levarán a cabo os aspectos recollidos neste documento de acordo á súa función.
- 3ª Fase: Avaliación. Como base para unha mellora continua, recompilaranse resultados, e a avaliación das accións e procesos que se levaron a cabo mediante a ferramenta SELFIE. Co claustro preceptivo de final de curso presentaranse os resultados.
Unha vez aprobado publicarase o Plan TIC na web do centro, e no apartado en rede correspondente dos computadores locais do centro. A sección creada aloxarase no espazo de “Documentos Institucionais”