Plan do centro

Datos do plan

Vixencia

 
 
 

Introdución

Introdución

O CEIP de Maciñeira ubícase no Concello de Neda. É un centro con 161 alumnos/as atendidos por dezasete mestres e mestras (dous compartidos) e distribuidos en Educación Infantil e Educación primaria do seguinte xeito: 55 alumnos/as en Educación Infantil e 106 en Educación Primaria.

Contextualización do Plan Dixital no centro e contribución ao Proxecto Educativo de Centro

O plan dixital é un instrumento de planificación integrado no Proxecto Educativo de Centro que persegue fundamentalmente o desenvolvemento do tratamento da información e competencia dixital e as integración das TIC como ferramenta didáctica nos procesos de ensino-aprendizaxe co fin de que sexa un proxecto compartido para os membros da comunidade educativa que dea coherencia e guíe o uso das tecnoloxías e tamén formará parte da Programación Xeral Anual (PXA). Este documento, está concebido como un documento vivo que contén os acordos acadados no centro con respecto aos obxectivos xenerales do plan, as estratexias de dinamización e xestión dos recursos tecnolóxicos e a inclusión das TIC nas diferentes concrecións curriculares. Supón un compromiso por parte de toda a comunidade educativa, cada un na medida das súas posibilidades e o seu nivel actual de formación.

Xustificación do Plan:

Os centros educativos forman parte dun mundo en cambio permanente e dunha sociedade e mercado laboral cada vez maís dixitalizado e por esa razón, deben dar resposta a esas necesidades e demandas para poder formar cidadáns do futuro coas competencias necesarias para desenvolverse nun entorno dixitalizado.

Mediante o presente plan, preténdese:

  • Avaliar a situación do centro con relación ao uso da innovación e as TIC para poder deseñar e emprender un proceso de transformación no mesmo.

  • Recoñecer o Plan dixital anual como un recurso clave para a planificación da estratexia dixital dunha organización educativa.

  • Transformar o centro nunha organización que aprende, convertíndoo nunha organización dixitalmente competente.

  • Valorar as implicacións de toda a comunidade educativa para desenvolver unha cultura dixital na mesma.

Proceso de elaboración:

Para a súa realización tívose en conta a seguinte normativa:

  • Art. 111 bis, Art. 121 e Art. 132 da LO 2/2006, de 3 de maio, de Educación

  • Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022

  • Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022

  • Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022

Primero analizáronse os resultados obtidos no informe SELFIE, no Test de Competencia Dixital Docente, o DAFO e a situación actual do centro e a continuación recolléronse as ideas principais, determináronse as prioridades e establecéronse os niveis de planificación (programas, proxectos e/ou accións) que van a marcar o plan de traballo do centro escolar no seu proceso de cambio e mellora.

A participación do equipo directivo no proceso de deseño foi clave, pola visión global que desde a súa responsabilidade aportou nesta fase e tamén será primordial na fase de implementación pola súa capacidade para movilizar recursos da organización que permitan o cambio

Contexto DAFO

Instrumentos de recollida de información previa

Para a elaboración do DAFO tivéronse en conta os seguintes instrumentos de recollida de información previa:

- Informe SELFIE

- Test CDD ( Test de competencia dixital do profesorado)

- Análise da infraestructura, recursos e estado do centro.

Interno
19 elementos atopados, amosando todos os elementos.
Resultados da busca
DAFO Descrición Categoria Obxectivos
Debilidade Escaso coñecemento para a creación de contidos dixitais. Alumnado Si
Debilidade Escaseza de dispositivos dixitais para que o alumnado poda levar a casa cando sexa necesario. Infraestruturas Non
Debilidade Falta de avaliación dos progresos en materia de ensino e aprendizaxe con tecnoloxías dixitais. Organización de centro Si
Debilidade Pouca colaboración do centro con outros centros ou organizacións para apoiar o uso de tecnoloxías dixitais. Organización de centro Si
Debilidade Pouco uso de entornos virtuais de aprendizaxe e de tecnoloxías dixitais para a avaliación, fomentar a creatividade, e a colaboración entre o alumnado. Persoal docente Si
Debilidade Escaso fomento da participación do alumnado en proxectos interdisciplinares Persoal docente Non
Fortaleza Actuación de forma segura e responsable en Internet. Alumnado Non
Fortaleza Sistemas de protección de datos. Infraestruturas Non
Fortaleza Número axeitado de dispositivos dixitais para o ensino e a aprendizaxe. Infraestruturas Non
Fortaleza Espacios físicos facilitadores do ensino e a aprendizaxe con tecnoloxías dixitais Infraestruturas Non
Fortaleza Servizo de madrugadores e comedor Oferta Non
Fortaleza Actividades extraescolares Oferta Non
Fortaleza Invernadoiro e horto escolar Oferta Non
Fortaleza Utilización de recursos dixitais para a comunicación coa comunidade educativa. Organización de centro Si
Fortaleza Axuda ao profesorado a intercambiar experiencias dentro do ensino con tecnoloxías dixitais. Organización de centro Si
Fortaleza Apoio á exploración de novas formas de ensino con tecnoloxías dixitais. Organización de centro Si
Fortaleza Búsqueda e utilización de recursos educativos abertos. Persoal docente Non
Fortaleza Coñecemento das normas sobre dereitos de autor e licencias de uso. Persoal docente Non
Fortaleza Acceso a posibilidades de DPC no relativo o ensino e a aprendizaxe con tecnoloxías dixitais. Persoal docente Si
19 elementos atopados, amosando todos os elementos.
Externo 8 elementos atopados, amosando todos os elementos.
Resultados da busca
DAFO Descrición Categoria Obxectivos
Ameaza Falta de Internet e ordenadores nos fogares dunha terceira parte do alumnado Administración educativa Non
Ameaza Falta de tempo para que o profesorado poda explorar o ensino dixital. Administración educativa Si
Ameaza Falta de formación dixital das familias. ANPA Non
Ameaza A lexislación inclúe o fomento e uso dos recursos tecnolóxicos pero non soluciona o problema das familias que non teñen acceso a ordenadores. Lexislación Non
Oportunidade Alto grao de apoio e implicación no proceso de Ensino-Aprendizaxe. ANPA Non
Oportunidade A elaboración e seguimento do Plan Dixital para resolver as debilidades e ameazas do centro por basearse na súa realidade. Outras Non
Oportunidade A maioría da plantilla é definitiva no centro polo que o Plan Dixital pode ter continuidade Outras Si
Oportunidade Posibilidade de formación no centro ao contar con profesorado cun nivel de competencia dixital B1 Outras Si
8 elementos atopados, amosando todos os elementos.
Análise

A partir do Informe SELFIE, o TCDD, a análise da infraestructura, recursos e estado do centro e a análise da situación actual, o centro xenerou unha análise DAFO que permitiu o coñecemento da realidade do centro no eido dixital e facilitou a elaboración das liñas fundamentais do Plan Dixital en termos de obxectivos e accións a desenvolver.

Obxectivos

Datos obxectivo
Listaxe de obxectivos
Código Obxectivo Opcións
001PD Proporcionar aos mestres tempo para explorar como mellorar o seu ensino con tecnoloxías dixitais. (A4)
002PD Aumentar a colaboración con outras entidades para desenvolver a competencia dixital (B3
003PD Mellorar a retroalimentación e coevaluación co alumnado utilizando os foros da Aula Virtual (G3 e G6)
004PD Promover o uso da Aula Virtual do centro por parte do profesorado e o alumnado a partir de segundo de EP (E3)
005PD Promover a creación de recursos dixitais sinxelos por parte do alumnado de terceiro ciclo de primaria(H7)

Seguimento

Procedemento

O seguimento do plan será trimestral e avaliarase tanto os logros dos alumnos, o profesorado, o persoal non docente e as familias como o Plan en si (obxectivos, contidos, actividades, metodoloxía, temporalización ...).Valorarase o estado de execución das accións, a análise e valoración dos resultados e, de ser o caso, as posibles modificacións das acción e as propostas de mellora.

1º Trimestre

Neste primeiro trimestre estívose a colaborar con outras entidades para mellorar a competencia dixital e a utilizar a aula virtual sobre todo a partir de terceiro de educación primaria. Ao longo dos dous trimestres que quedan comezaremos a elaborar materiais sinxelos co alumnado do terceiro ciclo así como a utilizar os foros da aula virtual.

Non foi posible dotar ao profesorado dunha hora de preparación de materiais pero procurouse que tivesen algunha garda na que poder facelo cando non haxa substitución.

Cremos que ata agora os resultados obtidos son bastante positivos.

2º Trimestre

Neste segundo trimestre seguimos a  colaboración con outras entidades  como o Concello de Neda, o Plan Director,...para mellorar a competencia dixital. Utilizousee a aula virtual co alumnado do segundo e terceiro ciclo.O alumnado de terceiro ciclo está aprendendo a elaborar presentacións, documentos en word, pasar de word a pdf, ..

 

3º Trimestre

Comtionuouse a colaboración con outras entidades para mellorar a competencia dixital tanto do alumnado como do profesorado. O alumnado de terceiro ciclo utilizou a aula virtual e seguiu aprendendo a elaborar recursos dixitais: mapas conceptuais.

Avaliación

Procedemento para a avaliación

A avaliación basearase no grao de desenvolvemento dos obxectivos e na eficacia das actuacións. Teranse en conta dous aspectos fundamentais:

-  A adquisición e logro dos obxectivos principais por parte de todos os sectores implicados (profesorado, alumnado, familias)

- o interese, a participación e o esforzo levado a cabo, constituindo estes tres aspectos os referentes da nosa avaliación.

Para iso levaremos a cabo dous tipos de avaliación, a parcial e a final.

AVALIACIÓN PARCIAL:

Farase alomenos unha vez por trimestre. Os aspectos a avaliar incluirán  o estado da execución das accións,  a análise e valoración dos resultados e de ser o caso as posibles modificacións das accións e as propostas de mellora.

AVALIACIÓN FINAL:

As avaliacións parciais complementaranse cunha avaliación final na que se valorarán os resultados obtidos, as posibles melloras, erros cometidos, necesidades e grao de satisfacción coa experiencia. Para todo iso, empregaranse entre outros, os seguintes criterios de avaliación:

- O nivel de implicación do profesorado do centro

- O grao de consecución dos obxectivos establecidos.

- A análise das causas que expliquen os resultados

- A revisión das actividades realizadas

- A idoniedade das actuacións programadas e dos recursos previstos para alcanzar os obxectivos

- A eficacia dos mecanismos de coordinación

 

Valoración xeral

En xeral agás o obxectivo de dotar ao profesorado dunha hora semanal para preparación de material que non foi acadado, o resto dos obxectivos foron acadados de forma total ou parcial polo que podemos dicir que a valoración xeral é bastante positiva.

Proposta de mellora

- Traballar máis co alumnado do ciclo superior a creación de recursos dixitais

- Implicar máis ao profesorado no uso da Aula Virtual do centro.

 

 

Comunicación e difusión

Comunicacion e difusión

Una vez aprobado, o plan difundarase a toda a Comunidade Educativa mediante a súa publicación na web do centro e a súa inclusión no Proxecto Educativo de Centro.

LIGAZÓN:

http://www.edu.xunta.gal/centros/ceipmacineira/system/files/15022577_CEIPdeMaciñeira_PD12052022.pdf

Volver