1. Contextualización normativa en relación co Plan Dixital do noso centro:

· Art. 111 bis, Art. 121 e Art. 132 da LO 2/2006, de 3 de maio, de Educación

· Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022

· Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022

· Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022

· ORDE do 21 de abril de 2022 pola que se crea o programa de innovación educativa Polos creativos e se establece o procedemento para a participación dos centros docentes públicos dependentes desta consellería.

 2. Contextualización do Plan Dixital no centro. Contribución ao Proxecto Educativo do Centro

2.1 .  Contorna 

O CEIP A Gándara atópase situado no concello de Narón, nunha zona urbana, con bastantes servizos preto e unha densidade de poboación bastante elevada e concentrada. O barrio medrou dende os anos 80,  pasando dun monte de Piñeiros a un barrio urbano con múltiples servizos A poboación que se aasentiu foi principalmente de traballadores do sector naval do concello de Ferrol e progresivamente persoas con traballos e oficios máis dispares dando lugar a unha importante diversidade de núcleos familiares. Aínda que o concello conta con partes rurais subdivididas en parroquias, a meirande parte das familias e do alumnado do noso centro pertencen á zona urbana.

2.2  Familias

As familias do alumnado do CEIP A Gándara pertencen a unha heteroxeneidade en canto a situación socioeconómica se refire. Aínda que a maior parte pertencen a unha clase media con traballos ben remunerados e contan cun nivel de estudios axeitados, tamén existe unha porcentaxe de familias con moi escasos recursos que precisan de axudas/becas para poder acceder á educación en termos de calidade. Os ambientes familiares son polo xeral estruturados pero tamén contamos con certa porcentaxe do alumnado con ambientes familiares desestruturados e conflitivos. Dende este escenario socio económico enmarcamos o noso Plan Dixital. Hai anos que buscamos a formación do profesorado e a integración das tics procurando dotar ao centro de material tecnolóxico na medida das nosas posibilidades para que a ensinanza vaia acorde cos tempos que vivimos, promocionando o emprego das TIC en tódalas esferas e momentos educativos. No curso 2020-21 comezamos o plan eDixgal en 5º de Ed. Primaria, e no presente 2021-22 continúa empregándose tanto en 5º como en 6º de Primaria.

3. Algún dos obxectivos que recolle o noso Proxecto educativo, en relación a este tema son:

· Difundir na comunidade escolar toda a información sobre materiais didácticos, lingüísticos (lexicográficos e terminolóxicos) e pedagóxicos que poidan contribuír a unha mellora na docencia, prestándolle especial atención aos relacionados coas TIC.

· Utilizar as TIC como medio para a inclusión do galego en tódalas actividades

· Dende o EDLG trataremos de atopar recursos para profesores e alumnos e facer un uso didáctico deles, aparte de servirlles como divertimento e motivación.

·  Emprego de Novas Tecnoloxías, as TIC, onde os alumnos e alumnas poñan en marcha estratexias de busca, filtración, selección e estudo crítico de páxinas web en galego.

·  Utilizar as TIC para buscar información e poder elaborar eles mesmos os seus traballos.

4. Proceso de elaboración

- 1er trimestre do curso 2021-22: acercamento do noso mentor ADIX e realización test SELFIE por parte do alumnado de 5º e 6º de Ed. Primaria e profesorado do centro

.- 2º trimestre: realización do test CDD  entre o profesorado do centro, e a súa análise e relación co SELFIE realzado no trimestre anterior. Tamén análise DAFO.

- 3º trimestre: elaboración, con todos eses datos, do Plan Dixital , para a súa aprobación por parte do Consello escolar e posterior posta en marcha para o curso 2022-23.

Ao final de cada trimestre do curso 2023-24, se irá comprobando se se cumpren os obxectivos propostos nesa temporalización. Ao final do curso, avaliarase se os obxectivos propostos para o curso se acadaron e valoraranse as medidas a tomar de cara ao curso 2024-25.

Como valoración xeral os obxectivos propostos foron sendo alcanzados e algúns quedaron en seguimento polo que teremos que plantexalos para o curso que ven. O plan dixital está tendo unha boa acollida e desenvolvemento polo claustro.

Como proposta de mellora temos que ter un maior seguimento da aula virtual e empregala con mais asiduidade.

Unha vez rematado o presente Plan Dixital, difundirase a súa redacción ao claustro completo e ao Consello Escolar para que sexa aprobado. Despois, previa información ás familias do alumnado a través de abalar se lle dará publicidade na páxina web do colexio.