Contextualización do Plan Dixital no centro

O Plan Dixital de Centro (PDC)  é un paso crucial para avanzar na educación e mellora do desenvolvemento académico e persoal do noso alumnado. 

O barrio de Santa Icía é unha parte importante de Narón, caracterizado por unha diversidade de habitantes que reflicten a riqueza cultural e social da nosa comunidade local. É un barrio con retos e oportunidades únicas. A renta media per cápita dos seus habitantes é variada, o que reflicte unha realidade socioeconómica diversificada. Isto fai que sexa fundamental adaptar a nosa educación ás necesidades específicas do noso alumnado, promovendo a igualdade de oportunidades e a inclusión social.

No que respecta ás características de dixitalización, a situación varía amplamente. Algunhas familias teñen acceso a recursos tecnolóxicos de última xeración, mentres que outras aínda están en proceso de familiarización coas tecnoloxías dixitais. A brecha dixital é un desafío que debemos abordar para garantir que o noso alumnado ao completo teña as mesmas oportunidades no mundo actual. O PDC pretende ser unha resposta a esta realidade.

Contribución ao Proxecto Educativo do Centro

Este PDC ten un impacto directo no noso Proxecto Educativo do Centro, que ten como obxectivo principal a formación integral do noso alumnado. O PDC contribúe a este proxecto en varios aspectos clave:

1. Inclusión e igualdade de oportunidades: O PDC ten como obxectivo principal reducir a brecha dixital no noso alumnado. Ao proporcionar acceso igualitario a recursos dixitais e programas de formación relacionados coa tecnoloxía, estamos a garantir que todo o alumnado teña as mesmas oportunidades de aprendizaxe e desenvolvemento.

2. Aprendizaxe innovadora: A integración das tecnoloxías dixitais no noso currículo permite unha experiencia de aprendizaxe máis atractiva e interactiva. O alumnado pode acceder a información en liña, traballar en proxectos colaborativos e desenvolver habilidades críticas relacionadas coa tecnoloxía, preparándoos así para o mundo laboral actual.

3. Desenvolvemento das competencias dixitais : O PDC axuda tanto ao alumando como a profesorado a desenvolver competencias dixitais esenciais, como a alfabetización dixital, a resolución de problemas tecnolóxicos e a cidadanía dixital responsable. Estas habilidades son esenciais para o éxito na sociedade actual para o alumnado e para un completo exercicio da docencia para o profesorado.

4. Apoio á comunidade educativa: Non só o alumnado e profesorado benefícianse deste proxecto. Tamén promove a colaboración e a comunicación fluída entre a escola e as familias para garantir un ambiente de aprendizaxe enriquecedor e unha maior participación das familias no Centro, que son indispensables no desenvolvemento académico e persoal do alumnado.

Breve xustificación do mesmo

A continuación breve contextualización normativa en relación co Plan Dixital do noso centro:

• Art. 111 bis, Art. 121 e Art. 132  da LO 2/2006, de 3 de maio, de Educación
• Resolución do 6 de xuño de 2023, da Dirección Xeral de Ordenación e Innovación Educativa, pola que se ditan instrucións para o desenvolvemento das ensinanzas de educación infantil, educación primaria, educación secundaria obrigatoria e bacharelato no curso académico 2023/24

Proceso de elaboración

A elaboración do PDC está baseada nos datos obtidos a través dos distintos cuestionarios e, este ano, principalmente no novo DAFO.

Coa experiencia previa dos cursos anteriores fóronse recopilando necesidades e propostas de mellora que permitiron crear un DAFO e consecuentemente uns obxectivos concisos, viables e realizables adaptados ás necesidades do noso Centro e da nosa Comunidade Educativa.

A avaliación do plan está centrada na consecución dos obxectivos con reunións do equipo TIC quincenais e anuais como se indica a continuación:

• Quincenalmente avaliarase o proceso revisando o estado de cada un dos obxectivos que conforman o PA, as posibles modificacións se son precisas e as propostas de mellora.
• Anualmente avaliarase o logro dos obxectivos, a efectividade das melloras propostas e as propostas de mellora.

A implementación do Plan Dixital de Centro (PDC) no CPR Ayala no curso 23/24 foi exitosa, cumprindo todos os obxectivos propostos. O proxecto desenvolveuse nun contexto de gran compromiso coa innovación e a inclusión dixital, aspectos clave para a comunidade educativa.

Mellora das Infraestruturas

Un dos puntos a destacar foi a mellora significativa da infraestrutura tecnolóxica do centro. A mellora da conexión a internet permitiu unha conectividade máis rápida e fiable, esencial para o funcionamento diario das actividades educativas e administrativas. Dotouse a cada aula de Primaria con portátiles, o que facilitou un acceso máis equitativo á tecnoloxía para todo o alumnado. Ademais, o departamento de Orientación recibiu tablets destinadas ao alumnado con necesidades educativas específicas, promovendo unha educación máis inclusiva.

Formación e Recursos

A formación do profesorado en TIC foi outro dos piares fundamentais do proxecto. A través das actividades formativas, o profesorado adquiriu novas competencias dixitais que non só melloraron a súa práctica docente senón que tamén enriqueceron o proceso de ensino-aprendizaxe para o alumnado. A creación dunha nova web do centro foi un avance significativo, proporcionando un espazo actualizado e accesible onde se integraron recursos como a aula virtual para familias, e calendarios específicos tanto para a comunidade educativa como para o claustro.

Innovación no Ensino

A integración das aulas virtuais desde 5º EP representa un paso importante cara á modernización do ensino, facilitando a continuidade educativa e a flexibilidade no acceso aos contidos dixitais. Estas aulas virtuais permitiron unha adaptación rápida e eficaz a situacións imprevistas, asegurando que o proceso educativo non se vise interrompido. A realización de todas as charlas externas programadas proporcionou un valor engadido ao currículo, abordando temas de relevancia actual e enriquecendo a formación integral do alumnado.

Impacto na Comunidade Educativa

Os logros do proxecto tiveron un impacto directo e positivo na competencia dixital de toda a comunidade educativa. Ao fomentar a colaboración e a participación activa de profesorado, alumnado e familias, conseguiuse crear un ambiente educativo máis dinámico e interactivo. As novas ferramentas tecnolóxicas e os recursos didácticos integrados contribuíron a unha mellora xeral na calidade educativa do centro, preparando mellor aos estudantes para os desafíos do século XXI.

Uns dos posibles puntos de mellora son os seguintes:

• Certificación do noso dominio en Canva EDU.
• Continuación do PFCT con Formación en metodoloxías activas e atención á diversidade e Formación. Audiovisual orientada a RRSS.
• Adquisición de novos equipos e renovación da aula de informática para integración con Polos Creativos.
• Mellorara a conexión a internet con fibra simétrica.
• Realización de actividades TIC trimestrais en EP.
• Actualización o inventario.
• Creación da figura dos xestores web para áreas clave.
• Mellora da seguridad xeral do centro, instalación de alarma intelixente.

Unha vez trasladado ó Claustro e ó Consello Escolar, o Plan Dixital de Centro publicarase na páxina web do centro do mesmo xeito que o resto de documentos de centro.

https://colegioayala.com/wp-content/uploads/2023/05/15010137_CPR-Ayala_Plan-Dixital_V1.0_15062022.pdf