O noso centro está situado na parroquia de Xuvia, a maioría do alumnado é da contorna, aínda que temos alumnos e alumnas dos concellos veciños, Neda e algún de Ferrol. O colexio conta cunha única liña concertada en Educación Infantil, Primaria e Secundaria, polo que a oferta educativa vai dos 3 anos ata os 16, toda a ensinanza obrigatoria. É un dos tres centros concertados do Concello de Narón, no que se ofrecen servizos de madrugadores e comedor escolar. Caracterízanos pola proximidade no trato coas familias e alumnado, atención individualizada e ambiente familiar e acolledor. Predominan as familias de clase media ou clase media baixa, estas últimas máis afectadas pola crise económica. As familias inmigrantes representan unicamente o 5% do alumnado. Na maioría das familias detéctase interese no seguimento da educación dos seus fillos e fillas, feito que se constata polo contacto frecuente que manteñen cos titores, profesores e coa dirección.

O alumnado está moi integrado no centro, sendo este un referente importante na súa vida; ademais participa e colabora activamente nas actividades que se organizan.

O Plan Dixital de centro enténdese como un instrumento que debe favorecer e impulsar o uso dos medios dixitais tanto nos procesos de  ensinanza aprendizaxe como no proceso de xestión do centro, sempre co obxectivo de colaborar no desenrolo integral do alumnado. Por ese motivo, O Plan dixital é un instrumento que se integra no Proxecto Educativo, no Proxecto de Dirección e na Programación Xeral Anual.

O Plan Dixital ten, polo tanto un enfoque de centro sobre o uso dos recursos pedagóxicos dixitais dispoñibles para aproveitar ao máximo as súas posibilidades, de maneira que se converte nun proxecto compartido por todos os membros da comunidade educativa, dando coherencia e sendo una guía do uso das tecnoloxías. O Plan Dixital é un instrumento que forma parte do proxecto Educativo  e da PXA.

Todos os proxectos a levar a cabo no centro están relacionados entre si, e o uso das novas tecnoloxías para levalos a cabo é imprescindible. Os obxectivos do Plan Dixital teñen moi presentes os distintos proxectos nos que o centro participa:

·      Programa prensa- escola

·      Voz Natura

·      Cardioescolas

·      Plan Proxecta:

-       Proxecto de Vida activa e deportiva

-       Proxecto Terra: Transformado patios escolares

-Quérote +

·      PLAMBE

Dende o curso 2019/2020, o centro  comezou a usar G-Suite e Classroom, non soamente como ferramentas Tics educativas senón tamén como unha ponte entre a escola e a comunidade educativa.

As tecnoloxías da información e da comunicación son un compoñente importante da aprendizaxe dos alumnos que precisa a formulación de obxectivos, contidos e criterios de avaliación dentro de cada unha das áreas.

A utilización desta ferramenta no ensino comporta a obtención da máxima rendibilidade de cantos recursos persoais e tecnolóxicos teñan, ou poida acadar o centro, e a súa eficacia dependerá dunha aplicación planificada e selectiva dos devanditos recursos.

Co Plan dixital pretendemos optimizar os recursos existentes no centro e propor obxectivos reais e factibles de cara a mellorar o uso das novas tecnoloxías por parte do alumnado como do profesorado de cara aos próximos cursos. A análise realizada do uso e dos recursos do centro, as fortalezas e as debilidades encontradas despois dos cuestionarios realizados darán a oportunidade de ir mellorando nos cursos vindeiros

O procedemento de seguimento do desenvolvemento do plan dixital e da consecución dos obxectivos do mesmo, estará suxeito a dous mecanismos de avaliación: a avaliación procesual e a avaliación final.

-       A avaliación procesual levarase a cabo, como mínimo, unha vez por trimestre. Os aspectos a avaliar incluirán o estado da execución das acción, a análise e valoración dos resultados e, de ser o caso, as posibles modificación das acción e as propostas de mellora.

-       A avaliación final realizarase como mínimo, unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.

A falta de fondos merma a posibilidade de levar a cabo os obxectivos plantexados no Plan Dixital.

Adicar parte dos presupostos do centro á reposición dos equipos obsoletos. Mellora, na medida do posible, dos equipos existentes.

O Plan Dixital foi presentado en primeiro lugar ante o Claustro de Profesores do noso centro. Unha vez informado o Claustro, foi o Consello Escolar quen aprobou o Plan Dixital. Trala aprobación por parte do Consello Escolar, O Plan Dixital se publica na páxina web do centro, e hai unha copia en papel para a súa consulta na secretaría do centro.

Ao comezo deste  curso 2023/2024, achegouse ao profesorado, a través dunha reunión informativa, os obxectivos e as función de cada un dos equipos, para acadar os mesmos dentro da temporización programada.