Na reflexión previa á redacción deste Plan Dixital para o curso 23-24, o equipo redactor coincidíamos en que este documento ten que ser necesariamente un instrumento útil na vida do centro. Pensamos que deben prevalecer poucos obxectivos (neste caso un só) pero cuxa consecución teña un impacto palpable entre o noso alumnado.
Así, vense observando que entre o alumnado de 1º de ESO as competencias dixitais son menores das que como docentes presupoñemos. É verdade que gran parte do alumnado procede de centros Edixgal, pero tamén existe o que chega de centros que non o son. Pensamos que dende o centro temos que garantir que saiban manexar a ferramenta que usarán durante catro cursos.
O obxectivo que establecemos para este curso 23-24 é "Desenvolver as competencias dixitais do alumnado de 1º de ESO no EVA-Edixgal". Se somos quen de acadar que todo o alumnado se desenvolva con soltura en actividades como subir un PDF a unha tarefa, usar a mensaxería ou usar o editor de texto de Moodle darémonos por satisfeitos.
A normativa relacionada co Plan Dixital queda concretada no seguinte ordenamento:
Art. 111 bis, Art. 121 e Art. 132 da LOE 2/2006, de 3 de maio, de Educación.
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022.
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
Partimos principalmente de dúas fontes para saber onde estamos e cara onde queremos ir neste curso 23-24:
- A percepción do profesorado do 1º ciclo de ESO de que o alumnado ten menos competencias dixitais das que presupoñemos.
- Os resultados das enquisas desenvolvidas o curso pasado entre o alumnado (ENQUISA SOBRE A COMPETENCIA DIXITAL DO ALUMNADO DE EDUCACIÓN SECUNDARIA OBRIGATORIA DO IES DE MOS). Se ben a anterior fonte non é máis que unha apreciación subxectiva, neste caso temos datos que a respaldan.
Nesa enquisa apreciamos que o alumnado de 1º de ESO é o que peor resultado acada ao respecto de cursos de ESO:
- Un 56% non manexa con soltura o teclado (caracteres pouco usados)
- Un 27% non sube con éxito un PDF a unha tarefa en Moodle.
- Un 82% non logra automatricularse nun curso Moodle.
Deste xeito, pensamos que o obxectivo principal para o ano 23-24 non noso Plan Dixital ten que ser o alumnado de ESO
Como puntos fortes do centro podemos establecer unha boa dotación tecnolóxica e un profesorado dinámico e aberto a novas posibilidades de mellora. Por outra banda, a experiencia da enquisa do pasado ano nos levou a corroborar que sobreestimamos as competencias do alumnado. Temos un entorno implicado (profesorado, familias, servizo de formación, Premium, asesora ADIX,...) nos que podemos apoiarnos para mellorar.
O equipo redactor do Plan Dixital será o encargado de facer o seguimento do Plan 23-24 en xuntanzas periódicas. Así, constituímonos en Grupo de Traballo dentro do PFPP do centro a tal efecto.
Constituimos o grupo de traballo e marcamos un posible calendario das accións a desenvolver no curso. Deseñamos a enquisa para o alumnado de 1º ESO
A previsión é analizar a enquisa e establecer as accións a desenvolver a partir dos resultados.
A previsión é ver de que xeito podemos avaliar a mellora das competencias do alumnado de 1º ESO. A enquisa (primeira acción) desenvolveseu entre abril e maio; a partir dos datos obtidos, fixemos nunha hora de titoría unha actividade para desenvolver a segunda das accións previstas.
Valoraremos de xeito global a consecución do obxectivo, ben cos datos obxectivos, ben coas nosas apreciacións como equipo redactor. A final de curso decidiremos se este obxectivo está acadado ou é preciso seguir insistindo cara o seguinte ano académico.
Desenvolvimos as dúas accións previstas para acadar o obxectivo. Pensamos -así o atestiguan os resultados- que alumnado de 1º ESO mellorou a súa competencia dixital, neste caso a redacción correcta dun mail segundo establecen as directrices da Netiqueta.
Na derradeira xuntanza do equipo do Plan Dixital non chegamos a un acordo sobre que elemento traballar no próximo ano, así que en setembro decidiremos como enfocar o noso PDC para o curso 24/25
Na categoría "Plan Dixital de Centro" dentro da nosa Aula Virtual están dispoñibles todas as actividades relacionadas con Plan Dixital dende o curso 21-22.
Ademais, na nosa web temos un banner que da acceso ao Plan Dixital actualmente vixente (ata a publicación deste). Unha vez rematado e aprobado polo Consello Escolar e Claustro, substituirá ao vixente.
