Co fin de coñecer máis profundamente as características da nosa comunidade educativa no tocante ao manexo e uso das nova tecnoloxías, o acceso ás mesmas, así coma do grao de competencia dixital do alumnado, profesorado e familias, partimos da análise da situación de partida do centro, empregando test coma o SELFIE ou o Test de Competencia Dixital Docente (CDD). Asemade, estes resultados son contrastados coa realidade do centro, para poder deseñar accións correctoras ou máis precisas nos diferentes aspectos a tratar. 

Compre sinalar que, a nivel do profesorado do centro, o uso das novas tecnoloxías é cada vez maior, tanto na elaboración das programacións, de actas e comunicacións, boletíns e outros aspectos burocráticos, coma na súa vertente didáctica na aula de informática, na propia titoría ou biblioteca do centro. A maiores do mero uso das tecnoloxías, temos que facer fincapé no nivel de competencia dixital do profesorado, segundo o Test CDD a puntuación media foi de 82,6 sobre 192, polo tanto obtivo un nivel Integrador/a (B1) de media. 

O centro en xeral, aposta polas novas tecnoloxías aínda que, tal e como mostrou o informe SELFIE, existen carencias dixitais nalgunhas áreas máis que en outras. 

Cabe salientar que o centro fixo unha aposta por integrar as tecnoloxías no ámbito da diversidade tentando aplicalas para garantir a equidade educativa e limar as diferencias derivadas tanto das necesidades educativas especiais como das persoais. Deste xeito adaptáronse ós espazos para todo tipo de diversidade e fíxose unha grande aposta por situar á tecnoloxía ao servizo do alumnado, especialmente nestes momentos que estamos a vivir. 

Algunhas das experiencias aplicadas coa tecnoloxía foron as seguintes:

• Proxecto Atopa: experiencia piloto no eido da convivencia promovido pola Asociación ASTEAVI de Vigo e coa colaboración da Escola de Telecomunicacións de Vigo. Trátase da utilización dunha sinxela APP para realizar test sociométricos que nos permiten coñecer o clima de convivencia nas aulas.

• XIX Soles: Proxecto de prensa dixital recoñecido como práctica de referencia polo INTEF e o Observatorio para o desenvolvemento e a práctica profesional da Competencia dixital docente da Universitat Rovira y Virgili, entre outros.

• Proxecto G-book: en colaboración coa Universidade de Vigo, ten coma obxectivo promover a literatura infantil positiva dende o punto de vista dos roles e modelos de xénero, unha literatura aberta, plural, variada, sen estereotipos e baseada no respecto e a diversidade.

• Introdución dun Sistema Aumentativo e Alternativo de Comunicación (SAAC) empregando comunicadores dinámicos para eliminar barreiras comunicativas. 

• E outros proxectos relacionados co ámbito da realidade aumentada, creación de APP educativas, iniciación ao pensamento computacional, podcast, creación de contido educativo dixital,...

Ademais, a participación no proxecto C Lab para Polos Creativos impulsou unha formación específica en diversas áreas tecnolóxicas. Do mesmo xeito, implementáronse outras metodoloxías no eido do STEAM, así coma nos ámbitos científicos e técnicos. Pero tamén nos humanísticos con apoio tecnolóxico, enfoque principal do uso das ferramentas tecnolóxicas no centro. Por outra banda, favoreceuse a difusión de recursos e ferramentas a partir da app de creación propia MMAAPP, que serviu para actualizar ao profesorado en materia de innovación e tecnoloxía

Despois de analizar o test SELFIE, e o test CDD, así coma o mesmo DAFO, chegamos ás seguintes conclusións:

As maiores puntuacións do claustro docente están relacionadas coa creación de recursos en liña, así coma no emprego de dispositivos dixitais para a aprendizaxe. Por outra banda, as puntuacións máis baixas foron acadadas no ámbito da protección de datos. Cabe destacar tamén, que existe unha discrepancia na creación de proxectos interdisciplinares con ferramentas tecnolóxicas, así coma na avaliación das capacidades desenvoltas fóra do centro escolar.

Compre sinalar tamén que, a nivel do profesorado do centro, o uso das novas tecnoloxías é cada vez maior, tanto na elaboración das programacións, de actas e comunicacións, boletíns e outros aspectos burocráticos, coma na súa vertente didáctica na aula de informática, na propia titoría ou biblioteca do centro. A maiores do mero uso das tecnoloxías, temos que facer fincapé no nivel de competencia dixital do profesorado, segundo o Test CDD a puntuación media foi de 82,6 sobre 192, polo tanto obtivo un nivel Integrador/a (B1) de media.

O centro en xeral, aposta polas novas tecnoloxías aínda que, tal e como mostrou o informe SELFIE, existen carencias dixitais nalgunhas áreas máis que en outras.

Cabe salientar que o centro fixo unha aposta por integrar as tecnoloxías no ámbito da diversidade tentando aplicalas para garantir a equidade educativa e limar as diferencias derivadas tanto das necesidades educativas especiais como das persoais. Deste xeito adaptáronse ós espazos para todo tipo de diversidade e fíxose unha grande aposta por situar á tecnoloxía ao servizo do alumnado, especialmente nestes momentos que estamos a vivir.

Algunhas das experiencias aplicadas coa tecnoloxía foron as seguintes:

• Proxecto Atopa: experiencia piloto no eido da convivencia promovido pola Asociación ASTEAVI de Vigo e coa colaboración da Escola de Telecomunicacións de Vigo. Trátase da utilización dunha sinxela APP para realizar test sociométricos que nos permiten coñecer o clima de convivencia nas aulas.
• XIX Soles: Proxecto de prensa dixital recoñecido como práctica de referencia polo INTEF e o Observatorio para o desenvolvemento e a práctica profesional da Competencia dixital docente da Universitat Rovira y Virgili, entre outros.
• Proxecto G-book: en colaboración coa Universidade de Vigo, ten coma obxectivo promover a literatura infantil positiva dende o punto de vista dos roles e modelos de xénero, unha literatura aberta, plural, variada, sen estereotipos e baseada no respecto e a diversidade.
• Introdución dun Sistema Aumentativo e Alternativo de Comunicación (SAAC) empregando comunicadores dinámicos para eliminar barreiras comunicativas. 
• E outros proxectos relacionados co ámbito da realidade aumentada, creación de APP educativas, iniciación ao pensamento computacional, podcast, creación de contido educativo dixital,...

Ademais, o impulso de Polos creativos no curso 2022-23, supuxo unha nova oportunidade para a mellora da CDD. O proxecto C Lab, integrou unha serie de retos que favoreceron o uso da tecnoloxía por parte de profesorado, alumnado e familias.

O procedemento do seguimento do PD estará fundamentado nos seguintes pasos:

• Definir os novos obxectivos do PD en concordancia cunha visión realista das posibilidades de éxito; así coma o establecemento dunha repartición de tarefas apropiada e unha estimación dos recursos necesarios.
• Estimación da carga laboral priorizando tempo e tarefas, así coma anticipándonos a imprevistos ou diferentes factores de risco.
• Asignación de recursos humanos, materiais, económicos,...
• Creación de reunións periódicas do Equipo TIC para a análise do plan creando diferentes actividades e brindando soporte a profesorado, alumnado e familias.
• Fomentar a flexibilidade na xestión do proxecto a través de ferramentas tecnolóxicas, o traballo colaborativo ou de control do tempo de traballo, dos recursos, etc.

No referente ao primeiro obxectivo do presente plan: "Dinamizar TICS. Deseñar proxectos interdisciplinares nos que se empreguen as TIC"; xa estaba acadada a primeira acción (AO 1.1: Asignar unha persoa de referencia do equipo TIC a cada equipo do centro para o traballo colaborativo.). Pero entendemos que este é un obxectivo que ten unha continuidade nas seguintes accións.

A acción AO 1.2: Elaboración de propostas de proxectos interdisciplinares en colaboración cos equipos, e a AO 1.3: Posta en práctica dos proxectos interdisciplinares; son accións que estamos a desenvolver e que formaron parte de traballo do primeiro trimestre, coma o serán dos vindeiros. Neste caso, este tipo de proxectos levan un peso claro no desenvolvemento do proxecto C Lab para Polos Creativos. Estas foron as actividades e proxectos levados a cabo para dinamizar as TICs:

- Creación e realización do Scaperoom para docentes "Escapa da aula do pasado", na que se deu a coñecer o proxecto C Lab para Polos Creativos ao resto do profesorado que non estivo no pasado curso.

- Actividade Detectores de barreiras, pertencente ao Reto III do proxecto C Lab.

- Podcast C Lab, enfocado a mellora da mentalidade de crecemento, pertencente ao Reto IV do proxecto C Lab.

- Scaperooms dixitais de Nadal.

Con respecto ao obxectivo O2 PDCreación dunha aula do futuro baseada no modelo Future Classroom Lab, para traballar a creatividade a través da tecnoloxía; este está acadado na temporalización programada. A primerira acción AO 2.2. Establecer uns horarios para un funcionamento axeitado das zonas de traballo e das ferramentas tecnolóxicas; estivo acadada dende antes de novembro. Na sala de mestras xa hai un horario para apuntarse na aula do futuro, e máis outro na aula de música para apuntarse no estudo de gravación. A acción segunda: AO 2.1. Crear un recuncho multidisciplinar e tecnolóxico dividido en diferentes escenarios aproveitando o material concedido de Polos Creativos, está acadado; se ben consideramos que aínda quedan pequenos detalles decorativos para facer os ambientes máis acolledores. A terceira acción: AO 2.3. Implementación dunha metodoloxía base da aula do futuro presentando un espazo de aprendizaxe zonificado e reconfigurable, divido en seis zonas: Investiga, Explora, Interactúa, Desenvolve, Crea e Presenta, que terán coma finalidade estimular os procesos de ensino poñendo ao alumnado no centro dos prcesos. Nós engadiremos unha zona para o pensamento crítico: Reflexiona; está acadada paralelamente ao traballo dos proxectos interdisciplinares de mprego da tecnoloxía e o mesmo C Lab. No relativo a derradeira acción, temporalizada para decembro: AO 2.4. Soilicitar o título de aula do futuro ao INTEF para formar parte da rede europea Future Classroom Labs e desenvolver as actividades necesarias co organismo mencionado, xa está en marcha a solicitude.

No relativo ao terceiro obxectivo do noso PD: O3 PDCreación dunha sección de recursos varios (video titoriais, presentacións, documentos,...) na aula virtual do centro para mellorar a CDD; estas foron as accións tomadas:

- Con respecto á primeria acción: AO 3.1. Creación dun repositorio a modo de talentos interprofesionais, onde o profesorado volcaría material propio ou alleo que nos axude a mellorar a nosa Competencia Dixital Docente; este estaba temporalizado para decembro. Está creado o seu esquelete e próximamente, tras divulgar entre o profesoraso e asesorar sobre o seu emprego, estará en activo. Pódese acceder dende a nosa aula virtual.

- O resto das accións desenvolveranse nos vindeiros trimestres.

No tocante ao cuarto obxectivo: O4 PDCreación no Moodle do centro, dunha sección para alfabetización de familias, procurando conectala coa escola de familias EducANDO 2.0; así coma a instauración do modelo de Escola de talentos; non se seguiu a temporalización e falta moito traballo por realizar. Iniciouse a Escola de talentos pero nos falta a parte dixital e darlle forma ao obxectivo coma se prentexou no inicio.

Por último, con relación ao derradeiro obxectivo: O5 PDCreación dun programa de transición á metodoloxía Edixgal en 6º de Educación Primaria; estamos a seguir perfectamente a temporalización e o proxecto interno de burótica e de desenvolvemento de destrezas TIC básicas para o desemeño dixital está sendo un éxito entre o alumnado e o profesorado de 6º de Primaria.

No referente ao primeiro obxectivo do presente plan: "Dinamizar TICS. Deseñar proxectos interdisciplinares nos que se empreguen as TIC"; xa estaba acadada a primeira acción (AO 1.1: Asignar unha persoa de referencia do equipo TIC a cada equipo do centro para o traballo colaborativo.). Neste trimestre centrámonos claramente nos AO 1.2 E 1.3: Posta en práctica dos proxectos interdisciplinares e Elaboración de propostas de proxectos interdisciplinares en colaboración cos equipos. Realizouse a actividade Matria téxtil, vencellada ao proxecto C Lab para Polos Creativos, a través da cal, aunando a conmemoración do 8M e o PDI Estamos aquí (estudo do consumo e ODS relacionados); procurou que se empregaran diferentes tecnoloxías na creación de tote bags polo alumnado. Empregáronse plotter de corte, e-téxtis, impresión 3D entre outras. Foi un traballo en ámbitos de aprendizaxe e internivel.

Tamén seguimos co podcast C Lab e outras actividades de robótica e deseño durante o trimestre. O proxecto divulgouse neste trimestre a través do portal educativo Educación 3.0.

Con respecto ao obxectivo O2 PD Creación dunha aula do futuro baseada no modelo Future Classroom Lab, para traballar a creatividade a través da tecnoloxía; este está acadado na temporalización programada. O INTEF xa recoñeceu o noso proxecto como unha das aulas da rede "aula del futuro" outorgándonos o sello institucional.

No relativo ao terceiro obxectivo do noso PD: O3 PDCreación dunha sección de recursos varios (video titoriais, presentacións, documentos,...) na aula virtual do centro para mellorar a CDD; estas foron as accións tomadas:

- Con respecto á primeria acción: AO 3.1. Creación dun repositorio a modo de talentos interprofesionais, onde o profesorado volcaría material propio ou alleo que nos axude a mellorar a nosa Competencia Dixital Docente; xa está creado e en funcionamento. Todo o profesorado está matriculado, e no vindeiro trimestre traballaremos máis na dinamización deste recurso, tendo en conta os AO 3.2 e 3.3.

No tocante ao cuarto obxectivo: O4 PDCreación no Moodle do centro, dunha sección para alfabetización de familias, procurando conectala coa escola de familias EducANDO 2.0; así coma a instauración do modelo de Escola de talentos; seguimos a ter problemas coa temporalización, co que entendemos que este será un obxectivo que se ben tentaremos acadar no terceiro trimestre; de non ser o caso, quedaría para o vindeiro curso como proposta de mellora.

Por último, con relación ao derradeiro obxectivo: O5 PDCreación dun programa de transición á metodoloxía Edixgal en 6º de Educación Primaria; estamos a seguir perfectamente a temporalización e o proxecto interno de burótica e de desenvolvemento de destrezas TIC básicas para o desemeño dixital está sendo un éxito entre o alumnado e o profesorado de 6º de Primaria. Neste trimestre, ampliamos coñecementos co deseño en impresión 3D e programación de robótica e e-textís en crumble.

Facemos, por ser o 3º trimestre un seguimento especial enfocado á reflexión e ás consideracións de cara o vindeiro curso.

No referente ao primeiro obxectivo do presente plan: "Dinamizar TICS. Deseñar proxectos interdisciplinares nos que se empreguen as TIC"; todas as accións foron acadadas na temporalización prevista (AO 1.1: Asignar unha persoa de referencia do equipo TIC a cada equipo do centro para o traballo colaborativo; AO 1.2:Posta en práctica dos proxectos interdisciplinares e E 1.3: Elaboración de propostas de proxectos interdisciplinares en colaboración cos equipos. No terceiro trimestre continuouse coa actividade Matria téxtil, vencellada ao proxecto C Lab para Polos Creativos, a través da cal, aunando a conmemoración do 8M e o PDI de Dinamización da Biblioteca Escolar, Estamos aquí (estudo do consumo e ODS relacionados); procurou que se empregaran diferentes tecnoloxías na creación de tote bags polo alumnado. Empregáronse plotter de corte, e-téxtis, impresión 3D entre outras. Foi un traballo en ámbitos de aprendizaxe e internivel e ademais implemenamos na derradeira parte, a aprendizaxe servizo, realizando o Revolutio Fashion Day. Esa actividade consistiu nun desfile benéfico no que se subastaron as creacións da actividade Matria Téxtil.

Tamén acudimos ao Congreso EducODS 2030 coa nosa proposta, cun stand tecnolóxico onde o alumnado do centro mostrou a súa destreza con e-textiles.

Proseguimos co podcast C Lab e outras actividades de robótica, deseño, creación do stand para EducODS, etc.

Tomando acordos e asesoría da nosa ADIX, conquerimos que para o vindeiro curso, proseguiremos con este obxectivo, pero darémoslle un novo senso aplicado a implementación da metodoloxía de ámbitos de aprendizaxe. Deste modo, garantizaremos que cun ámbito STEAM, ou STECAM, as aprendizaxes dixitais cheguen a todo o alumnado sen excepcións.

Con respecto ao obxectivo O2 PD Creación dunha aula do futuro baseada no modelo Future Classroom Lab, para traballar a creatividade a través da tecnoloxía; este está acadado na temporalización programada. O INTEF xa recoñeceu o noso proxecto como unha das aulas da rede "aula del futuro" outorgándonos o sello institucional. Para o vindeiro curso este non será un obxectivo en sí, senón que o uniremos á parte metodolóxica do primeiro, aumentando os espazos adicados ao fomento da tecnoloxía.

No relativo ao terceiro obxectivo do noso PD: O3 PD: Creación dunha sección de recursos varios (video titoriais, presentacións, documentos,...) na aula virtual do centro para mellorar a CDD; este está tamén acadado. Neste trimestre sumamos unha sección na que fixemos un repositorio de ferramental de IA para facer o traballo docente máis doado. O vindeiro curso manterase este recurso por estar feito, pero sentimos que é moi difícil chegar ao profesorado e dinamizar o uso das TICS no centro. Entre as nosas ideas para o futuro está a de buscar novos modos de chargar aos compañeiro e de facer que as tecnoloxías sexan aceptadas dun xeito positivo no claustro.

No tocante ao cuarto obxectivo: O4 PD: Creación no Moodle do centro, dunha sección para alfabetización de familias, procurando conectala coa escola de familias EducANDO 2.0; así coma a instauración do modelo de Escola de talentos; fixemos algunha charla relacionada cos perigos de Internet, as redes sociais e o uso do teléfono móbil. É o único obxectivo que está alcanzado parcialente, e consideramos que para o vindeiro curso haberá que repensar ata qué punto a Escola de familias é responsabilidade dos equipos de dinamización das TICs, SAAC e Plan Dixital; e considerar o facer actividades concretas, sen ser este un obxectivo xeral a alcanzar.

Por último, con relación ao derradeiro obxectivo: O5 PD:Creación dun programa de transición á metodoloxía Edixgal en 6º de Educación Primaria; está alcanzado en tempo e ampliado, como se especifica no apartado de seguimento do segundo trimestre.

Entre as novas consideracións para o vindeiro curso están as que crear un espazo virtual mellorado (tanto a páxina web coma a aula virtual), cun mellor deseño e usabilidade ou SEO.