Xustificación do plan dixital:

Segundo o establecido no artigo 111 bis, Art. 121 e Art. 132 da LO 2/2006, de 3 de maio, de Educación, “as Administración educativas e os equipos directivos dos centros promoverán o emprego das tecnoloxías da información e da comunicación (TIC) na aula como medio didáctico apropiado e valioso para levar a cabo as tarefas de ensino e aprendizaxe”. A disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022 así como a disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022, establecen que “os centros docentes elaborarán no curso 2021/22 o seu plan dixital de acordo coas instrucións que se diten”. Na Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022 regúlase o procedemento de deseño, elaboración e implementación do Plan Dixital e polo tanto, é a normativa de referencia para a elaboración do presente documento.

Contextualización do Plan Dixital no centro educativo e contribución ao Proxecto Educativo:

-Característica socioeconómicas e culturais do contexto do centro

O concello de Vila de Cruces ten un nivel socioeconómico entre medio e baixo (a renda dispoñible bruta por habitante en 2019 foi de 11.599€ segundo o IGE). Segundo datos do INE para o ano 2021, a poboación total do concello é de 5.097 persoas. O concello está a sufrir un forte despoboamento debido a factores como o desprazamento da xente nova a espazos urbanos para traballar e vivir ou o saldo vexetativo negativo. Segundo datos do IGE, no ano 2020 no concello existían un total de 655 empresas, cabe sinalar que a maioría destas son microempresas cun baixo número de asalariados. Deste xeito, existen 591 empresas cun número de asalariados entre 0 e 2. Ao mesmo tempo, so existe unha empresa cuxo número de asalariados se atopa entre 100-249 traballadores. Dentro do concello, o sector primario ten un forte peso, deste xeito os datos do IGE para 2020 sinalan a existencia dun total de 307 explotacións de gando bovino.

-Incardinación e contribución do PD ao Proxecto Educativo:

Entre as prioridades de actuación sinaladas no Proxecto Educativo cabe sinalar “potenciar o uso das TIC entre profesorado e o alumnado”. O presente Plan dixital ven a contribuír a traballar nesta prioridade de actuación. Dentro do centro existen distintos plans e proxectos que contribúen á mellora da competencia dixital docente:

• E-dixGal: o proxecto E-dixGal atópase implantado en tódalas etapas educativas da ESO
• Participación no proxecto E-twinning
• Programa Radio na biblio

-Contribución do PD á Programación Xeral Anual do curso 22/23:

Dentro dos obxectivos establecidos na Programación Xeral Anual do curso 21/22 estableceuse:

• Reforzar a competencia dixital do alumnado
• Elaborar o Plan dixital do centro

Na Programación Xeral Anual do curso 22/23 preténdese dar continuidade a estes obxectivos.

Proceso de elaboración:

Para a elaboración do Plan Dixital creouse un grupo de traballo constituído polos seguintes membros do claustro:

• José Manuel Iglesias García
• Paula Martínez Busto (coordinadora do Plan Dixital)
• Miguel Pego Martínez

Este grupo de traballo incluíse como unha das liñas de actuación dentro do PFPP co nome de “análise da competencia dixital docente e elaboración do Plan Dixital”. Ao mesmo tempo, no proceso de elaboración contouse cun equipo de asesores dixitais (equipo Adix), neste caso sendo o noso equipo de referencia o equipo Adix Lalín. A continuación, detállanse brevemente as fases seguidas para a elaboración do presente Plan dixital:

Primeiro trimestre:

• Constitución do grupo de traballo
• Realización do test Selfie
• Realización do Test de Competencia Dixital Docente ( CDD)

Segundo trimestre:

• Elaboración do test DAFO a partir do Selfie e do test CDD
• Redacción do plan de acción mediante o establecemento de obxectivos

Terceiro trimestre:

• Redacción do plan dixital

Para a avaliación do plan dixital realízase un seguimento trimestral do mesmo e contouse coa mentorización do equipo Adix de Lalín.

• Obxectivo 1: Potenciar o emprego de AbalarMóbil e AbalarPro para a comunicación coas familias. Este obxectivo foi acadado parcialmente, xa que aumentou o emprego destas ferramentas tanto para a comunicación coas familias como na xestión das faltas do alumnado. Debe continuar potenciándose para vindeiros cursos.
• Obxectivo 2: Empregar os recursos dixitais ofertados pola Consellería: catálogo DIXIT e plataforma Agueiro. Este obxectivo foi acadado parcialmente, xa que se desenvolveu de xeito teórico na formación teórica recibida dentro do PFPP e debería ser abordada dunha maneira máis práctica para vindeiros cursos.
• Obxectivo 3: Renovar e actualizar os equipos informáticos cunha antigüidade superior aos 10 anos. Acadado parcialmente, este curso renováronse 3 equipos informáticos e os equipos xa se atopan inventariados dende o remate do pasado curso 21-22. Nun futuro o inventariado servirá de base para verter a información no aplicativo que deberá xestionar a persoa que se ocupe da secretaría do centro.
• Obxectivo 4:  Potenciar o uso da aula virtual, EdixGal e doutras plataformas que fomenten o traballo colaborativo. Acadado, o profesorado emprega na súa maioría s plataformas de traballo colaborativo e EdixGal atópase implantado en tódalas etapas da ESO. Obxectivo a manter en sucesivos cursos
• Obxectivo 5: Mellorar o desenvolvemento profesional continuo a través de distintas liñas de traballo no PFPP. Acadado. Este debe ser un obxectivo a manter nos sucesivos cursos, sobre todo pola incorporación de novo profesorado ao centro. As liñas do PFPP centráronse na formación en AbalarPro e EdixGal.

-Mellora das necesidades de equipamento e de infraestruturas tecnolóxicas establecidas no apartado 3.2

-Modificar o obxectivo 1 para non centralo so en Abalar e incluir outras ferramentas dixitais

-Obxectivo 2: desenvolvelo para o curso vindeiro xa que solo se recibiu formación teórica en Agueiro e incluir CreaGal

-Obxectivo 3: este obxetivo deberá manterse tódolos anos, realizando o inventario a través do aplicativo proporcionado pola consellería e coa coordinación da persoa secretaria do centro.

-Obxectivo 4: Potenciar non só o uso da aula virtual, EdixGal e  incluir outras plataformas educativas

-Obxectivo 5: Continuar traballando no desenvolvemento da competencia dixital a través do PFPP, sustituir este obxectivo por un obxectivo máis global "Boas prácticas educativas para a transformación dixital do centro".

-Crear no centro espazos de traballo para o desenvolvemento da competencia dixital co material proporcionado pola Consellería dentro do programa Polos Creativos

O Plan Dixital estará dispoñible para toda a comunidade educativa no taboleiro de novas do centro así como na páxina web https://www.edu.xunta.gal/centros/iesmarcocamballon/. Tamén se enviará ao profesorado a través do correo corporativo.

Proximamente o Plan Dixital estará a disposición do claustro tamén a través dunha URL.