Plan do centro

Datos do plan

Vixencia

 
 
 

Introdución

Introdución

1. Contextualización do Plan Dixital no centro. Contribución ao Proxecto Educativo do Centro 

O IES Ramón Caamaño está localizado en Muxía, un concello rural do nordeste da provincia de A Coruña. Forma parte da comarca de Fisterra, na Costa da Morte. 

Tendo este contexto presente, co desenvolvemento do Plan Dixital preténdese a curto e medio prazo atallar dous aspectos fundamentais: 

1. Mellorar as infraestruturas do centro no ámbito tecnolóxico: con isto referímonos á mellora da conexión a internet e á progresiva renovación dos equipos informáticos segundo as necesidades. 

2. Mellorar a competencia dixital en tres ámbitos: 

  •  Alumnado. O centro xa viña traballando neste aspecto ao incorporar como materia de libre configuración en 1º e 2º da ESO a materia de Tecnoloxías da Información e da Comunicación (TICs), cunha sesión semanal en cada curso.  Tamén dende as titorías se viñan traballando temáticas coma a seguridade en internet, por exemplo. Co Plan Dixital o que se pretende é seguir nesta liña, estendendo a formación ao alumnado de todos os cursos, e realizando unha formación coordinada entre o equipo docente e o equipo directivo. Elaborarase un decálogo de prácticas seguras; este tratarase nas titorías e tamén dende as materias de TICs e Tecnoloxía. Para reforzar isto, tamén se organizarán charlas informativas a través do Plan Director e do Plan Navega con Rumbo. 
  • Docente. A enquisa SELFIE e a CDD reflicten un nivel medio-baixo no relativo á competencia dixital docente. Co obxectivo de mellorar isto, crearase un grupo de traballo que, xunto co/a coordinador/a TIC e o equipo directivo, xestionará a organización de cursos de formación para os docentes. Algún curso estará orientado ao correcto manexo das ferramentas institucionais (XADE, Abalar, Webex, Aula Virtual), outros centraranse no manexo do propio equipamento do centro (pizarras dixitais, sistemas operativos) e outras sesións estarán dirixidas ao aproveitamento didáctico das tecnoloxías, co fin de mellorar a práctica docente (emprego de libros dixitais, web do centro, ofimática). 
  •  Familias e persoal non docente: O centro xa viña traballando nesta liña a través do programa “Escola de familias”. Este programa consiste na organización de cursos de informática para as familias interesadas, en horario non lectivo e nos espazos do centro. Estes enfocáronse no emprego de ferramentas básicas (aula virtual, correo electrónico ou ofimática básica) para que dende as casas o alumnado teña apoio á hora resolver posibles incidencias. Dende o Plan Dixital, o obxectivo é continuar nesta liña de formación. Ademais, preténdese pór en marcha un programa de formación dixital do persoal non docente, centrado no manexo de plataformas oficiais da Xunta e tamén no manexo de ferramentas dixitais básicas para o desenvolvemento do traballo de Administración. 

    Con isto preténdese facer o máximo aproveitamento dos recursos tecnolóxicos dos que dispón o centro involucrando a toda a comunidade educativa e mellorando a súa competencia dixital. Cremos que a curto prazo isto repercutirá na mellora da calidade docente, na axilización do traballo administrativo (tanto docente coma non docente) e, en definitiva, na optimización global do traballo realizado dentro centro e fóra coas familias. 

    Todas estas medidas están incluídas e detalladas na sección 3 deste documento, onde se recolle o plan de acción. 

    Para finalizar a presente epígrafe, cómpre salientar que, en todo momento, se pretende unha coherencia entre o noso Plan Dixital de Centro e o asentado na Programación Xeral Anual. Ademais, no IES Ramón Caamaño estamos a elaborar o Proxecto Educativo de Centro, no cal se contemplará información actualizada sobre o presente Plan Dixital de Centro. 

2. Breve xustificación do mesmo 

  • Para a elaboración do Plan dixital tívose en conta a seguinte normativa: 

  • Art. 111 bis, Art. 121 e Art. 132  da LO 2/2006, de 3 de maio, de Educación 

  • Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022 

  • Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022 

  • Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022. 

3. Proceso de elaboración 

No centro contamos coa asesoría da mentora da Rede Galega Dixitalgal da zona do equipo Adix Vimianzo, polo que ela foi a que guiou este proceso e nos asesorou no mesmo. Todo foi consensuado no equipo coas achegas de todos e todas e redactado entre a mentora e a coordinadora TIC. 

O proceso de seguimento por parte da mentora xa establecía en canto a tempo a entrega de diversas tarefas ao longo do curso que posteriormente darían forma o que é o Plan dixital en si. 

No primeiro trimestre realizouse a avaliación inicial a través da ferramenta SELFIE para coñecer o estado en canto a dixitalización do centro.  No comezo do segundo trimestre utilizouse o Test CDD para coñecer a competencia dixital dos mestres e mestras do centro. Coa información destas dúas ferramentas procedeuse a realización do DAFO. 

Neste segundo trimestre tivemos dúas formacións online para axudarnos no proceso de elaboración do Plan Dixital por parque do equipo Adix Vimianzo.  No terceiro trimestre elaborouse as táboas do plan de acción e por último procedeuse a redacción do Plan Dixital. 

 

Contexto DAFO

Instrumentos de recollida de información previa

Para levar a cabo a avaliacion inicial da dixitalización do centro utilizamos a ferramenta de autoavaliación SELFIE, da Comisión Europea, que proporciona un informe de situación do centro. Ademáis tamén se empregou o Test CDD para avaliar a competencia dixital dos mestres e mestras do centro.  A parte de toda a información obtida coas dúas ferramentas citadas para a elaboración do DAFO, contamos tamén co asesoramento da persoa mentora do ámbito Adix Vimianzo e dos membros do EDPD. Cabe sinalar que os datos do SELFIE ás veces son sesgados e requiriron de interpretación, das persoas antes mencionadas, para facer unha interpretación da situación real do centro.

A partir do Informe SELFIE, TCDD e outras fontes, o centro xenerou unha análise DAFO que permite o coñecemento da realidade do centro no eido dixital e facilita a elaboración das liñas fundamentais do Plan Dixital en termos de obxectivos e accións a desenvolver.

Interno
17 elementos atopados, amosando todos os elementos.
Resultados da busca
DAFO Descrición Categoria Obxectivos
Debilidade O nivel de competencia dixital do alumnado é medio-baixo. Alumnado Si
Debilidade O nivel de competencia dixital das familias é medio-baixo. Familias Si
Debilidade C16: Tanto o equipo directivo como o profesorado afirman que non existen no servidor do centro repositorios ou bibliotecas en liña que conteñan materiais de ensinanza e aprendizaxe. Infraestruturas Non
Debilidade A1: Tanto o equipo directivo como profesorado indican a falta de estratexia dixital no centro. Organización de centro Non
Debilidade B1: Tanto o equipo directivo como o profesorado consideran que non se avalían os seus progresos en materia de ensinanza e aprendizaxe con tecnoloxías dixitais. Organización de centro Non
Debilidade Tanto o equipo directivo como o profesorado concordan en que non existe unha planificación de centro para ensinar ao alumnado a empregar de maneira segura as TICS. Organización de centro Si
Debilidade Tanto o equipo directivo como o profesorado afirman que non é posible enviar arquivos por correo electrónico ao servizo de reprografía do centro. Organización de centro Non
Debilidade Tanto o equipo directivo como o profesorado afirman que non é posible ver a dispoñibilidade das aulas de uso compartido ou reservarlas online. Organización de centro Non
Debilidade O nivel de competencia dixital do profesorado é medio-baixo. O profesorado afrima que non adoita crear contidos e actividades dixitais para desenvolver a súa función docente. Persoal docente Si
Debilidade G9. Tanto o profesorado como o equipo directivo consideran que non empregan datos individuais para mellorar a experiencia de aprendizaxe de cada alumno/a. Persoal docente Non
Fortaleza C8. A comunidade educativa afirma que dispón de dispositivos dixitais para o uso do alumnado. -O equipo directivo conta cunha dotación de material e recursos tecnolóxicos conseguidos a través de asociacións externas, o que axuda a mellorar a infraestrutura dixital do centro. Infraestruturas Non
Fortaleza -O equipo directivo e o profesorado aprobaron a creación de dúas materias de libre configuración directamente relacionadas coa tecnoloxía dixital: Iniciación ás TICS I e II, para 1º e 2º de ESO respectivamente. Oferta Non
Fortaleza O IES Ramón Caamaño é un centro pequeno e con bo clima de traballo, o que facilita as posibilidades reais de emprender diferentes proxectos relacionados coas novas tecnoloxías. Organización de centro Non
Fortaleza A3: O profesorado conta co apoio do Equipo Directivo para experimentar novas formas de ensino a través das tecnoloxías dixitais. Persoal docente Non
Fortaleza E1: Tanto o equipo directivo como o profesorado afirman que realizan busca de recursos educativos dixitais en liña. Persoal docente Non
Fortaleza E4: Tanto o equipo directivo como o profesorado indican que se fai uso de diferentes tecnoloxías dixitais para comunicacións relativas ao centro educativo. Persoal docente Non
Fortaleza D2: Tanto o equipo directivo como o profesorado afirman ter acceso a diferentes opcións de Desenvolvemento Profesional Continuo relacionadas co ensino das tecnoloxías dixitais. Persoal docente Non
17 elementos atopados, amosando todos os elementos.
Externo 5 elementos atopados, amosando todos os elementos.
Resultados da busca
DAFO Descrición Categoria Obxectivos
Ameaza O profesorado destaca que a Administración Educativa non atende as demandas do profesorado no que ser refire ao uso das tecnoloxías dixitais no proceso educativo. Administración educativa Non
Ameaza O equipo directivo e o profesorado afirman que os continuos cambios na lexislación educativa e o grao de improvisación e présa nas demandas da administración a nivel dixital, dificultan en gran medida a actualización do labor docente. Lexislación Non
Ameaza As actividades formativas do profesorado son as veces son en streaming ou presenciais nas principais cidades (lonxe do noso centro), polo que dificulta a conciliación familiar. Outras Non
Ameaza B4: O profesorado manifesta que non colabora con outros centros educativos ou organizacións externas para apoiar o uso das tecnoloxías dixitais no ámbito educativo. Outras Non
Oportunidade Existe oferta variada de programas e proxectos para formación do profesorado. -A administración educativa aposta polo Plan Dixital. -O Plan Dixital supón un incentivo para a mellora da calidade educativa. -O centro conta coa figura dun mentor ADIX na zona, que apoia ao equipo directivo e ao profesorado no camiño da dixitalización. Administración educativa Non
5 elementos atopados, amosando todos os elementos.
Análise

Despois de ter coñecemento da realidade do centro no eido dixital decidimos centrarnos nos principais problemas que se manifestaron no DAFO sobre a competencia dixital do profesorado, do personal non docente e das familias. Por outro lado tamén vimos necesario traballar que o alumnado actúe con seguridade e responsabilidade a hora de utilizar as Tics, atallando outra debilidade do DAFO.

Obxectivos

Datos obxectivo
Listaxe de obxectivos
Código Obxectivo Opcións
O1PD Mellorar a competencia dixital do profesorado
O2PD (H1)Ensinar ao alumnado a empregar as TICS de maneira segura.
O3PD Mellorar a competencia dixital das familias e persoal non docente.

Seguimento

Procedemento

No que se refire ao seguimento e avaliación do Plan Dixital en relación coa consecución dos obxectivos será realizada dende dúas perspectivas:
Avaliación procesual: será realizada unha vez ao final da cada un dos trimestres do curso 22-23. Realizarase unha revisión do estado das accións, así como a valoración dos resultados acadados nos distintos obxectivos das táboas dos nosos plans de accións. Ademais, realizaranse propostas de modificación de accións de ser preciso. Utilizaranse os apartados correspondentes das citadas táboas para tal efecto.

Avaliación final: será realizada unha vez ao ano ao remate do curso académico 22-23. Farase unha revisións da consecución dos obxectivos formulados e realizaranse posibles propostas de mellora. Utilizaranse os apartados
correspondentes de cada unha das taboas do pian de accion para o seu cumprimento.

1º Trimestre

O 50% do profesorado recibiu formación en diferentes competencias dixitais tales como elaboración de programacións PROENS,  creación de contidos online en plataformas educativas... 

Para ensinar ao alumnado a empregar as TICS de maneira segura leváronse a cabo as seguintes intervencións: 

  • O alumnado de 4º ESO participou no Digital Week ofertado pola Consellería. 
  • Todo o alumnado da ESO asistiu á 1ª parte da formación de Cibervoluntariado titulado " Para, pensa e conéctate contra a violencia de xénero". Esta formación estivo orientada cara a concienciación dos perigos de internet e das redes sociais en materia da violencia de xénero. 
  • Todo o alumnado da ESO recibiu a 1ª parte da formación "Verifica2" sobre a importancia de recoñecer bulos e fake news que aparecen por internet. 
2º Trimestre

Para ensinar ao alumnado a empregar as TICS de maneira segura leváronse a cabo as seguintes intervencións: 

  • Todo o alumnado da ESO asistiu á 2ª parte da formación de Cibervoluntariado titulado " Para, pensa e conéctate contra a violencia de xénero". Esta formación estivo orientada cara a concienciación dos perigos de internet e das redes sociais en materia da violencia de xénero. 
  • Todo o alumnado da ESO recibiu a 2ª parte da formación "Verifica2" sobre a importancia de recoñecer bulos e fake news que aparecen por internet. 

Con respecto á mellora da Competencia Dixital das familias, ofertouse un curso sobre o uso das ferramentas dixitais de 15 horas para as familias do alumnado do centro. Este ano 10 familias estiveron asistindo regularmente. 

O 25% do profesorado neste segundo trimestre recibiu formación en diferentes competencias dixitais tales como creación de contidos online en plataformas educativas... 

3º Trimestre

O alumnado recibiu formación sobre a prevención de riscos e seguridade nas redes. 

O persoal non docente non sabe onde atopar a formación axeitada para o manexo das plataformas corporativas. 

O 15% do profesorado continuou a súa formación  con cursos ofertados pola Consellería para a mellora da súa competencia dixital. 

Avaliación

Procedemento para a avaliación

No que se refire ao seguimento e avaliación do Plan Dixital en relación coa consecución dos obxectivos será realizada dende dúas perspectivas:
Avaliación procesual: será realizada unha vez ao final da cada un dos trimestres do curso 22-23. Realizarase unha revisión do estado das accións, así como a valoración dos resultados acadados nos distintos obxectivos das táboas dos nosos plans de accións. Ademais, realizaranse propostas de modificación de accións de ser preciso. Utilizaranse os apartados correspondentes das citadas táboas para tal efecto.

Avaliación final: será realizada unha vez ao ano ao remate do curso académico 22-23. Farase unha revisións da consecución dos obxectivos formulados e realizaranse posibles propostas de mellora. Utilizaranse os apartados
correspondentes de cada unha das taboas do pian de accion para o seu cumprimento.

Valoración xeral

En xeral, este plan ten varios obxectivos que son bastante ideais. É relativamente sinxelo incluir ao alumnado e profesorado na formación en competencia  dixital. Sen embargo, as familias e persoal non docente non se amosan moi participativas nas actividades propostas e é complexo facer que saquen proveito da formación ofertada. 

Proposta de mellora

Para que este Plan Dixital se poda levar a cabo correctamente o centro educativo precisa ter profesorado que se dedique a éste. Neste curso o profesorado non ten horas dispoñibles e a dirección do centro non pode abarcar nin asumir a carga de traballo que supón facer cumplir este Plan. 

Comunicación e difusión

Comunicacion e difusión

Unha vez aprobado o Plan Dixital do noso centro será publicado na web do mesmo. Ademais enviarase un enlace ás familias coa entrada para facelas coñecedoras da súa publicación. Tamén se enviará a todo o claustro vía correo electrónico e ao Consello Escolar. 

Volver