O IES Fin do Camiño está situado na Rúa do Voluntariado nº18. 15155 – Fisterra (A Coruña). O teléfono do centro é o 881 960 528, o correo electrónico ies.findocamino@edu.xunta.es e a páxina Web https://www.edu.xunta.gal/centros/iesfindocamino/. Este instituto ofrece a etapa educativa da ESO con unha liña. No curso 2022/2023 contamos con 75 alumnos e alumnas e 14 profesores e profesoras no instituto.
Administrativamente, o concello de Fisterra está integrado na Comarca do mesmo nome e da que forman parte tamén os concellos de Cee, Corcubión, Dumbría e Muxía e forman parte da rexión costeira denominada Costa da Morte. En total contan cunha poboación de 21.379 habitantes (IGE 2021). No que respecta á economía, sendo Fisterra un concello costeiro puidera parecer que a principal actividade económica fose a pesca, sen embargo isto non se axusta á realidade. A crise económica do 2008 golpeou duramente aos sectores tradicionais de desenvolvemento como a pesca e a construción e beneficiou ao sector servizos, especialmente ao turismo e a hostalería por mor do fenómeno crecente do Camiño de Santiago, destacando na actualidade como motor económico do concello.
No plano académico practicamente a totalidade dos nosos estudantes proseguen estudios postobrigatorios tras titular na ESO no noso centro acadando outras titulacións, tanto medias como superiores. Respecto ao acceso as TIC, todo o alumnado dispón dun equipo E-Dixgal e tódalas familias declaran ter acceso a rede. A calidade dese acceso en xeral é bo, con fibra óptica, aínda que algúns casos hai mediante telefonía, compartindo conexión có teléfono móbil, ou ADSL. Estes últimos, residentes nalgunhas áreas rurais onde aínda non chegou a fibra.
Dende fai case 10 anos o Plan TIC é o principal promotor de tódalas actividades e iniciativas do centro relacionadas coas TIC. Inicialmente participamos no Proxecto Abalar e agora no seu herdeiro E-Dixgal o que permitiu acceder a uns recursos tecnolóxicos fora do alcance do presuposto do centro e a posibilidade de dixitalización da nosa actividade. O Proxecto Dixital mantén ese papel vertebrador que afecta a tódalas actividades, pero destacaremos:
Establece as tarefas propias do Equipo TIC.
Permite escoller axeitadamente os materiais cos que se vai traballar na aula, fomentando o emprego das TIC.
Potencia o uso das novas tecnoloxías para o aprendizaxe entre o alumnado e o profesorado.
Potencia o uso das novas tecnoloxías no cumprimento das tarefas administrativas entre o persoal docente, sobre todo os titores, co fin de acadar unha administración áxil, eficaz e transparente.
Fomenta a comunicación coa comunidade educativa co fin de conseguir os obxectivos propostos.
E potencia a publicidade dos asuntos relacionados co centro, xa sexa mediante o correo electrónico, as aplicacións de xestión pedagóxica, redes sociais ou a páxina web.
No centro contamos coa asesoría da mentora da Rede Galega Dixital da zona do equipo Adix Vimianzo, polo que ela foi a que guiou este proceso e nos asesorou no mesmo. As decisións foron consensuadas no equipo coas achegas dos participantes e a redacción final realizada entre a mentora e o coordinador TIC.
O proceso de seguimento por parte da mentora xa establecía, en canto á temporalización, a entrega de diversas tarefas ao longo do curso que posteriormente serviran para dar forma ao Plan Dixital. No primeiro trimestre realizouse a avaliación inicial a través da ferramenta SELFIE para coñecer o estado da dixitalización do centro. No comezo do segundo trimestre utilizouse o Test CDD para coñecer a competencia dixital dos docentes do centro. Coa información destas dúas ferramentas procedeuse a realización do DAFO. Neste segundo trimestre tivemos dúas formacións online para axudarnos no proceso de elaboración do Plan Dixital por parte do equipo Adix Vimianzo. No terceiro trimestre elaboráronse as táboas do Plan de Acción e por último procedeuse a redacción do Plan Dixital.
Para levar a cabo a avaliacion inicial da dixitalización do instituto utilizamos a ferramenta de autoavaliación SELFIE, da Comisión Europea, que proporciona un informe de situación do mesmo. Ademáis tamén se empregou o Test CDD para avaliar a competencia dixital dos mestres e mestras do instituto.
A parte de toda a información obtida coas dúas ferramentas citadas para a elaboración do DAFO, contamos tamén co asesoramento da persoa mentora do equipo Adix vimianzo e dos membros do EDPD. Cabe sinalar que os datos do SELFIE ás veces son sesgados e requiriron de interpretación, das persoas antes mencionadas, para facer unha interpretación da situación real do instituto. A partir do Informe SELFIE, TCDD e outras fontes, o centro xenerou unha análise DAFO que permite o coñecemento da realidade no eido dixital e facilita a elaboración das liñas fundamentais do Plan Dixital en termos de obxectivos e accións a desenvolver.
No que se refire ao seguimento e avaliación do Plan Dixital en relación coa consecución dos obxectivos será realizada dende dúas perspectivas:
Avaliación procesual: será realizada unha vez ao final da cada un dos trimestres do curso 2022-2023. Realizarase un revisión do estado das accións, así como a valoración dos resultados acadados nos distintos obxectivos das táboas do noso Plan de Acción. Ademais, realizaranse propostas de modificación de accións de ser preciso. Utilizaranse os apartados correspondentes das citadas táboas para tal efecto.
Avaliación final: será realizada unha vez ao ano ao remate do curso académico 2022-2023. Farase unha revisións da consecución dos obxectivos formulados e realizaranse posibles propostas de mellora. Utilizaranse os apartados correspondentes de cada unha das táboas do Plan de Acción para o seu cumprimento.
Abandónase en decembro por falta de confianza na efectividade da acción.
Para que un servizo FAQ funcione adecuadamente é necesario ter desde o principio resposta a tódolos problemas máis comúns, que son moitos máis de catro, xa que se un usuario accedese varias veces buscando respostas e non as atopase, con alta probabilidade deixaría de visitar o servizo definitivamente.
O importante esforzo inicial queda alén dos nosos máis que modestos recursos humanos polo que acabaría sendo un dispendio de medios.
O obxectivo previsto nunha participación do 50% dos departamentos finalmente superouse no terceiro trimestre co 53,85% de participación departamental.
O obxectivo veuse lastrado polo importante número de baixas e persoal non definitivo no centro durante o curso, xa que estas persoas non participaron no consenso inicial. Sirva como exemplo a situación a final de curso: nun claustro de 14 persoas, 3 substitutos e 5 non definitivos. Máis do 50% do cadro de persoal non participou no consenso inicial.
O profesorado participante preferiu aplicacións privadas dispoñibles en internet, empregaron principalmente Kahoot e Quizizz.
A maioría do profesorado participante empregou actividades xa feitas por outros usuarios destes servizos.
O obxectivo previsto nunha participación do 30% de estudantes participantes en proxectos interdisciplinares, sumando Clubs de Ciencia e Lectura superouse amplamente co 49,35% de participación estudantil.
En total temos un Club de Ciencia, dous Clubs de Lectura tradicional e outros dous Clubs de Lectura Manga. A división dos Clubs de lectura faise por idade principalmente.
As actividades cólganse na páxina web do centro ou en outras páxinas, blogs ou contas adicados conforme se producen.
Empregáronse ordenadores, tabletas, móbiles, libros dixitais e aplicacións de lectura, multimedia, follas de cálculo, procesadores de texto, etc.
Seguir o curso 2023-2024 profundando nas dúas liñas que funcionaron.
(G5) Incluír nos proxectos didácticos unha autoavaliación do alumnado ao final de cada trimestre en forma de cuestionario xogado tipo Kahoot, Tirvinet, Quizizz, etc.
Manter a porcentaxe de participación departamental no 50%.
Fixar unha cantidade significativa de actividades de deseño propio. Que al menos el 50% dos departamentos participantes teñan unha actividade de deseño propio.
(F6) Implementar un proxecto interdisciplinar anual no que participe a totalidade do alumnado de cada curso, utilizando tecnoloxías dixitais.
O Plan Dixital do noso centro enviarase o claustro e ao Consello Escolar vía correo electrónico. Logo será aprobado en Consello Escolar e publicado na web do centro para a difusión entre a Comunidade Educativa.
Enlace: http://www.edu.xunta.gal/centros/iesfindocamino/?q=system/files/PlanDixital-Xun23-IESFdC%2815027915%29_30062023.pdf
