Xustificación do Plan Dixital en relación coa normativa vixente
A referencia fundamental para que os centros deselvolvan o seu potencial dixital a través dun plan é o Marco de Competencia para Organizacións Educativas Dixitalmente Competentes, que nos permite facer unha análise da realidade do noso centros e deseñar un plan de acción en base a seguinte lexislación:
¿ Art. 111 bis, Art. 121 e Art. 132 da LO 2/2006, de 3 de maio, de Educación.
¿ Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
¿ Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
¿ Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
Contextualización:
O CEIP Francisco López Estrada está situado no concello de Mañón, pertencente á Comarca do Ortegal, no Norte da Provincia da Coruña. Trátase dun colexio de educación infantil e primaria que conta actualmente con 3 unidades (1 de EI e 2 de EP) integradas por grupos mixtos con alumnado de varios niveis. O claustro está formado por 7 mestras e mestres, unha con base no CEIP da Barqueira, en Cerdido, e unha orientadora con base no CEIP Xosé María Laxe de Ortigueira.
O noso centro educativo está situado nos arredores do núcleo de poboación da localidade de O Barqueiro nunha zona tranquila, rodeada de vexetación que cobre a aba do Monte Cañoles. É o único centro educativo do Concello de Mañón polo que a súa zona de influencia abrangue todo o territorio municipal.
O concello de Mañón ten unha das densidades de poboación máis baixas da provincia da Coruña. Trátase dun municipio eminentemente rural, con numerosos núcleos, máis dispersos segundo nos adentramos no concello en dirección Sur. Moitos destes núcleos xa están abandonados na actualidade, e noutros quedan soamente anciáns.
As actividades económicas, por orde de relevancia son: silvicultura, servizos, pesca e marisqueo, agricultura, construción, minería e industria.
No que se refire á condición lingüística ambiental, obsérvase que entre a poboación infantil a lingua vehicular é o castelán. Por outra banda, vemos que na aldea a xente maior segue a falar en galego principalmente.
No ámbito educativo, as nenas e nenos están escolarizados dende os 3 anos no noso centro, con posterioridade cursan os seus estudos obrigatorios no IES de Ortigueira e, nalgún caso, nos IES María Sarmiento e IES Vilar Ponte da veciña localidade de Viveiro. Unha parte, cada vez máis numerosa, cursará estudos universitarios. A formación das familias presenta un nivel predominante de estudios básicos, ás veces incompletos, se ben a tendencia dos últimos anos é a dunha progresiva mellora da situación cun acadamento dun nivel de estudios secundarios como requisito para acceder a un posto de traballo. Entre a poboación anciá o nivel académico é baixo, mesturada cunha boa dose de cultura popular.
Por outra banda, no que respecta ao nivel dixital das familias, case todas as casas contan con conexión wifi, ou polo menos datos móbiles. En canto ao equipamento informático, a meirande parte teñen teléfono móbil e utilizan AbalarMóbil, mais un gran número de familias non dispoñen de ordenadores ou tableta. Por último, no que se refire á competencia dixital, poderíamos dicir que en xeral é bastante baixa, salvo casos puntuais.
Contribución ao Proxecto Educativo:
Unha das bases ideolóxicas do noso centro é o propósito innovador e investigador, así como a asunción e introdución das novas tecnoloxías. Contemplamos a formación permanente dende o propio centro e tamén a través dos diferentes cursos e grupos de traballo programados para tal fin.
O Plan Dixital de Centro debe encaixar no contexto institucional máis amplo que vén recollido noutros documentos institucionais, como o Proxecto Educativo de Centro e ambos os documentos deben estar en total consonancia e ser complementarios.
A Programación Xeral Anual do curso 22/23 será una concreción como sempre do Proxecto Educativo e como non tamén dos obxectivos e actuacións recollidos neste Plan Dixital, polo que na PXA veranse reflectidos os obxectivos que pretendemos acadar
neste primeiro ano de implantación do Plan Dixital.
O Plan Dixital de centro estará interrelacionado co resto de plans e proxectos que actualmente desenvolvemos no centro. A relación máis directa será co Plan Anual de Fomento das TIC, co que pretendemos cada curso dar un papel máis importante ás novas tecnoloxías nos procesos de ensinanza e aprendizaxe.
Cabe destacar tamén a contribución do Plan Dixital ao Proxecto Edixgal, de recente implantación no centro (curso 2021/2022) co claro obxectivo de mellorar a calidade do sistema educativo gracias a integración das TIC e coa implicación de toda a comunidade educativa.
Fase de elaboración do plan:
A elaboración deste Plan Dixital foi levada a cabo no curso 21-22 polo Equipo de Dinamización do Plan Dixital, constituído pola Directora e catro mestres (unha delas coordinadora do plan).
O proceso de elaboración abrangou os meses de marzo, abril e maio do 2022; e foi guiado e supervisado polo Equipo ADIX Ferrol 2. O proceso desenvolveuse en varias fases:
Fase 1 (análise e diagnose da situación do centro):
- Durante o primeiro trimestre do curso aplicamos a enquisa SELFIE ao alumnado e profesorado.
- Durante o mes de febreiro de 2022 o profesorado realizou o testCDD, de Competencia Dixital Docente.
- Cos datos obtidos de SELFIE e, en menor medida do informe grupal do testCDD, elaboramos a matriz DAFO do centro en relación ao ensino dixital.
Fase 2 (deseño e elaboración do plan dixital):
- Concreción de obxectivos e elaboración dun plan de acción. A partir dos aspectos que priorizamos no DAFO. Estes obxectivos incorporáronse ao Plan de Acción que se recolle neste documento.
- Elaboración do Plan Dixital.