1.1. Datos básicos do centro
O CEIP Plurilingüe Eladia Mariño é un centro rural situado no Concello de Cabanas, na provincia da Coruña. Estamos situados no Lugar Barreiros no14 de Cabanas. O noso correo electrónico é ceip.eladia.marino@edu.xunta.gal, e a páxina web do cole https://www.edu.xunta.gal/centros/ceipeladiamarino/.

O noso centro é o único centro educativo co que conta o municipio e o 95% do alumnado do noso centro pertence a este concello.

Trátase dun centro dunha liña cun total de 9 unidades (3 de Educación Infantil e 6 de Educación Primaria) cun total de 134 nenas e nenos.

Con referencia ao claustro do profesorado temos que indicar que neste curso contaremos cun 100% de persoas definitivas o que da estabilidade as actividades que se promoven no mesmo dándolle continuidade ao longo dos cursos. Formamos un claustro de 17 mestras e mestras.

1.2. Contextualización do Plan Dixital no centro. Contribución ao Proxecto Educativo do Centro

O alumnado que acude ás nosas aulas ten un nivel socioeconómico medio, aínda que nos últimos tempos esta situación mudou consideradamente xa que as dificultades sanitarias e económicas do país afectan tamén a estas familias. Esta característica supón tamén un aumento das necesidades educativas do noso alumnado, atopándose un nivel do alumnado socialmente vulnerable máis elevado.

A nivel xeral, as familias do noso centro, contan con conexión a internet e algún dispositivo (tableta ou ordenador) ao que teñen alcance o alumnado. Así mesmo, a competencia dixital das familias é medio-alta, exceptuando algún caso no que solicitan axuda aos mestres e mestras, para levar a cabo xestións administrativas.

Este Plan Dixital é o instrumento que facilitará o uso dos medios dixitais no proceso de ensino-aprendizaxe, entendido dende o obxectivo do desenvolvemento pleno e integral do alumnado.
É fundamental dar un enfoque de centro ao uso dos recursos pedagóxicos dixitais, aproveitando as posibilidades e recursos dispoñibles, de maneira que se convirta nun proxecto compartido polos membros da comunidade educativa que dé coherencia e guíe o uso das tecnoloxías. Será un instrumento que forme parte do Proxecto Educativo e da Programación Xeral Anual. Desta maneira será tido en conta no Proxecto de Educación Responsable, Proxecto L.O.V.A... e outros proxectos do centro.

En canto aos proxectos relacionados coas tecnoloxías dixitais, o noso centro forma parte dos seguintes: AbalarMobil, E-Dixgal, Webs Dinámicas, Plan de Mellora de Bibliotecas escolares (Meiga). Así mesmo o noso claustro participou/participa nos seguintes grupos de formación: SEMGal, Piteas.

Por último destacar que na Programación Xeral do curso 2022/2023 asignarase un apartado específico para a descrición do proceso de implementación do Plan Dixital.

1.3. Breve xustificación do mesmo

Normativa aplicable utilizada para a elaboración do Plan Dixital:

-Art. 111 bis, Art. 121 e Art. 132 da LO 2/2006, de 3 de maio, de Educación

-Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022

-Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022

1.4. Proceso de elaboración

Ao inicio deste curso escolar, en setembro de 2021, 5 mestras e mestres que nos presentamos de forma voluntaria, creamos o grupo do “Plan Dixital” por petición do CEFORE de Ferrol. Formamos parte do grupo Adix Ferrol 2. A coordinadora de dito grupo é a Secretaria do Centro, o resto de integrantes foron: unha representante do Departamento de Orientación, unha representante da etapa de Infantil, un representante da etapa de Primaria e unha representante de Lingua Estranxeira.

Comezamos facendo o SELFIE, para unha análise detallada do noso centro. A continuación participamos no test CDD, posteriormente elaboramos o DAFO con toda a información previa. Gracias a este documento, puidemos marcar os nosos obxectivos futuros, elaborando o Plan de acción. Xa por último redactamos o noso Plan Dixital con toda a formación previa.

Todo este traballo inicio varios debates entre o profesorado, os cales serviron para marcar un camiño a seguir.

Cada unha das accións propostas neste plan ten uns indicadores específicos que axudarán a determinar se o obxectivo proposto foi acadado e se é necesario realizar variacións no plantexamento destas accións durante o curso para que as propostas se materialicen. Co análise destes indicadores, elaborarase un informe avaliativo final no que se recollerán os resultados, os aspectos negativos, os positivos e as propostas de mellora para cursos posteriores.

A avaliación será continúa e procesual, a súa frecuencia vai ser como mínimo unha vez ao trimestre que coinciderá coas sesións de valiación, deste caso dentro do documento da avaliación da practiva docente elaborado polo centro. Ao final de curso ralizarase o informe final comentado no paragrafo anterior.

O Equipo do Plan Dixital reunirase para facer unha avaliación final do plan. Teranse en conta a consecución dos obxectivos, a valoración das actuacións e as dificultades para concretar o Plan Dixital.

Así mesmo, o Equipo, elaborará un documento para incluír na memoria final do centro, este documento tamén recollerá propostas de mellora para o seguinte curso. Poderán terse en conta para a avaliación do Plan Dixital os datos obtidos de futuras aplicacións de SELFIE e o test de competencia dixital docente.

A pesar da cantidade de obxectivos propostos no Plan Dixital, tan só un deles está acadado, polo que a valoración xeral conclúe que o Plan debe ser revisado e modificado en setembro atendendo ás necesidades dixitais básicas máis inmediatas do alumnado e do profesorado, que logo permitan ir máis aló en cursos vindeiros.

 O obxectivo de colaborar con outras entidades para desenvolver a competencia dixital do alumnado está acadado, xa que os alumnos e alumnas recibiron varias charlas ao longo do curso por parte da Garda Civil; ademais, recibiron tamén formación en radio por parte de Radio Fene no proxecto "Radio na escola".

Mais a todo, en canto ao obxectivo "Implementar e promover a aula virtual en Educación Infantil, 1º, 2º, 3º e 4º de Primaria" non está acadado mais si en proceso, xa que só unha pequena parte do profesorado e alumnado traballou neste eido. 

O obxectivo "favorecer o intercambio de información para a elaboración dunha secuencia de contidos dixitais por etapa/ciclo" non está conseguido porque non se creou a comisión de profesorado en setembro por parte do Equipo Directivo.  Queda pendente.

O equipo valora que os obxectivos son demasiado ambiciosos. Debemos partir de situacións básicas de manexo de novas tecnoloxías, xa que observamos no alumnado e no profesorado unha baixa competencia dixital. Todo isto debe terse en conta antes de poñerse a traballar coa aula virtual.

Ademais, a consecución dos obxectivos viuse afectada pola grande cantidade de burocracia que satura ao ensino, así como a cantidade inxente de plans e proxectos.

Cremos que o obxectivo "Implementar e promover a aula virtual en Educación Infantil, 1º, 2º, 3º e 4º de Primaria" debe ser modificado, suprimindo deste o ciclo de educación infantil, xa que o alumnado non ten capacidade para utilizar de forma autónoma a aula virtual e ademais non é intuitiva para eles.

O obxectivo "favorecer o intercambio de información para a elaboración dunha secuencia de contidos dixitais por etapa/ciclo" tería que eliminarse porque é demasiado complexo para a situación actual do centro.

O Equipo de dinamización do Plan Dixital presentará unha actualización do Plan Dixital para o curso 2023-2024 tendo en conta os datos de consecución dos obxectivos, valoración das actuacións do plan de acción, propostas recollidas da comunidade educativa, cambios normativos e outros aspectos que considere relevantes. A aprobación das modificacións no Plan Dixital axustarase ao procedemento establecido para a elaboración do Plan Dixital.

En xeral o centro conta con bastantes sistemas de comunicación, aínda que é mellorable:

- a comunicación da información que se colga na página web e as actualizacións das redes sociais. Habería que xeralizar o seu uso de Instagram a todo o centro.

O plan dixital, unha vez aprobado no Consello Escolar, publicarase en aberto no sitio web do centro. Posteriormente enviarase dende o centro unha comunicación á comunidade educativa a través da plataforma AbalarMóbil co fin de informar sobre a difusión do Plan Dixital.

Enviaráselle ao profesorado do centro a través do correo electrónico, haberá un tabloleiro na sala de mestres, así como cartaces no exterior.

Será presentado ás familias nas reunións de principios de curso. Unha copia en papel do Plan Dixital estará dispoñible no centro para a consulta.