O presente Plan Dixital ten como obxectivo primeiramente avaliar as competencias dixitais tanto do equipo directivo como dos alumnos/as para posteriormente tomar as medidas oportunas que permitan promover a innovación educativa e facilitar unha cultura dixital nos centros e nas aulas mediante a  dotación dunha infraestrutura axeitada, a promoción do uso das tecnoloxías da información e comunicación na aula como medio didáctico e unha formación permanente do profesorado.  Estes obxectivos do Plan Dixital encaixan no Proxecto Educativo de Centro e na Programación Xeral Anual, estando en consonancia e sendo complementarios.

O Plan Dixital trata de dotar de recursos didácticos que teñan relación con obxectivos marcados en cada un dos proxectos dos equipos: TIC, biblioteca, dinamización da lingua galega, extraescolares e complementarias. De ser o caso, estes recursos estarán sometidos a unha avaliación continua para ser modificados en función das necesidades do alumnado do centro. Así mesmo tomaránse en consideración as suxestións dos integrantes do resto dos equipos para integralos no plan de vindeiros cursos.

O presente PD está estreitamente relacionado co Plan TIC, que neste curso centrouse en promover e actualizar a Aula Virtual do centro, fomentar a formación dixital do profesorado, manter equipos informáticos, recadar información para unha posible actualización ou renovación destes equipos, actualizar e promover a web do centro, etc.

O procedemento de seguimento e avaliación do Plan Dixital en relación co grao de consecución de obxectivos anteriores implementarase nos seguintes contextos: - No contexto da avaliación procesual, a frecuencia da súa realización, que será como mínimo unha vez ao trimestre, e os aspectos a valorar que serán, como mínimo, o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora. - No contexto da avaliación final mediante os correspondentes instrumentos, a frecuencia da súa realización, que será como mínimo unha vez ao ano, e os aspectos a valorar, que serán, como mínimo, a valoración do logro dos obxectivos e as propostas de mellora.

Os obxectivos eran adecuados e estaban ben plantexados de acordo cos recursos dispoñibles no centro. 

Cada ano debería actualizarse o obxectivo 2 (dotar de equipamentos a diferentes aulas do centro) para adecualo ás necesidades que haxa nese momento en cada curso.

O Plan Dixital vai dirixido a toda a comunicade escolar do centro, por tanto, as canles que se utilizarán para publicitalo e difundilo, serán Abalar e a web do centro como elementos básicos da comunicación co exterior. Internamente, estará a disposición dos docentes na Sala de Profesores ou en Secretaría.