Este Plan Dixital (en adiante PD) parte da necesidade de implementar o uso das TIC no día a día do centro, tanto na xestión como nos procesos de ensino-aprendizaxe. Sendo a Educación Infantil unha etapa na que os materiais manipulativos teñen especial importancia, non queremos descoidar o desenvolvemento da competencia dixital do noso alumnado.

O Plan Dixital enténdese como un instrumento que debe favorecer e impulsar o uso dos medios dixitais tanto nos procesos de ensinanza-aprendizaxe como nos procesos de xestión do centro, sempre co obxectivo último de colaborar codesenvolvemento integral do alumnado. Por dita razón debe ser un instrumento que se integre no Proxecto Educativo, xa que a finalidade dun centro educativo é que o alumnado aprenda, se forme e se desenvolva como individuo na sociedade na que vive. En consecuencia, a propia organización vai mellorando a través da súa práctica e da reflexión sobre ela, así coma das relación que establece co seu entorno. Polo tanto é fundamental dar un enfoque de centro ao uso de recursos pedagóxicos dixitais, aproveitando as posibilidades e recursos dispoñibles, de xeito que se converta nun proxecto compartido para os membros da comunidade educativa, que dea coherencia e guíe o uso das tecnoloxías que están presentes, dun xeito ou outro, na vida do centro, nos procesos de ensinanza-aprendizaxe e nos programas de innovación nos que participa o centro. Algúns deles son a televisión escolar Caranvexo TV, o Plan de mellora de Bibliotecas Escolares ou Plurinfantil.

Contribución do PD á Programación Xeral Anual do curso 23/24:

O PD é un documento vivo que contén os acordos alcanzados no centro con respecto aos obxectivos xerais do plan, as estratexias de dinamización e xestión dos recursos tecnolóxicos e a inclusión das TIC nas diferentes concrecións curriculares. O uso da tecnoloxía esta presente  nas diversas prácticas  que teñen lugar na organización dun centro escolar, dende as relacionadas con cuestións organizativas ata os propios procesos de ensinanza aprendizaxe. Polo tanto contribúe de forma activa a PXA,  entendida como un documento de centro no que se recollen tódolos aspectos relativos a organización, planificación e funcionamento do centro escolar. 

Breve xustificación do mesmo
    • Art. 111 bis, Art. 121 e Art. 132  da LO 2/2006, de 3 de maio, de Educación.
    • Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
    • Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.

Procemento para a avaliación (debido a un problema técnico non podo cubrir o apartado anterior):

Para a supervisión do Plan Dixital, o equipo de dinamización reúnese, como mínimo, unha vez ao trimestre para valorar a consecución dos obxectivos do Plan de Acción.

Reunións periódicas co mentor ADIX, reunións de fin de curso co fin de analizar o Plan Dixital.

Valoración xeral:

A valoración xeral do Plan Dixital implementado no centro é moi positiva e satisfactoria.

Acadamos case todos os obxectivos propostos poñendo especial fincapé no emprego da aplicación Abalar, non só por parte do profesorado, se non tamén por parte das familias que xa o empregan a diario para comunicación coas mestras.

Somos conscientes de que aínda queda camiño por percorrer, polo que o curso que vén continuaremos coa formación e trataremos de implementar máis estratexias das aprendidas. Cumpre salientar que é fundamental dispoñer de tempo para adicarlle a explorar novos recursos e materiais.

O noso Plan Dixital está recollido na web do centro. Pode consultarse na seguinte ligazón: https://www.edu.xunta.gal/educalidade/BuscaPlanAction?codPlan=1&codConvocatoria=132&codCentro=36016796