1.2. Contextualización do Plan Dixital no centro. Contribución ao Proxecto Educativo do Centro
      Este plan dixital contribúe ao noso proxecto educativo xenerando unha estratexia dixital de centro, da que careciamos, coa finalidade de adaptarnos ás novas modalidades de ensino aprendizaxe, adquirir unha competencia dixital dentro de todos os sectores da comunidade educativa que nos permita facer frente aos novos desafíos da sociedade actual en canto a dixitalización.
      Este plan tamén se relaciona co traballo de innovación educativa que hai anos se ven desenvolvendo no centro, especialmente centrado en robótica, pensamento computacional e formación en Aula Virtual, así como a incorporación do E-Dixgal no terceiro ciclo.
      Este PDC repercutirá na PXA do curso 23-24  xa que a idea de levar a cabo unha estratexia dixital, fará precisa unha reorganización de recursos humanos, materiais e organizativos para dar unha maior importancia á formación en dixital reflectíndose isto nas programacións didácticas de nivel e actuacións dos distintos equipos (biblioteca, normalización lingüística, TICs, actividades extraescolares e complementarias...)
Trátase dun CEIP plurilingüe (centro de educación infantil e primaria) situado na zona urbana do Concello de Moaña cun nivel socioeconómico do alumnado medio atendendo aos últimos datos recadados na avaliación diagnóstica. 
É un centro de liña tres que se atopa en plena transición a liña dúas pois a zonificación do alumnado e a brusca baixada da natalidade fixo que o centro sexa receptor de un número moi inferior de alumnado, contando na actualidade con 5 aulas de E.I. e 14 de E.P. 
O noso centro non ten só un uso educativo, senón que presta servizos como lugar de encontro cultural e deportivo para diversas asociacións da vila que celebran nas súas instalación numerosos eventos, xa que o Concello de Moaña carece de auditorio, e o noso centro sempre foi un centro aberto á cultura e pobo de Moaña. Disto tamén se desprende o deterioro das súas instalacións que aínda non foron sometidas dende hai décadas a unha remodelación importante e hoxe xa máis que necesaria. 
O edificio conta con un bloque central que recolle os despachos, a sala de profesorado, a cociña (pois posuímos comedor de xestión directa de categoría D) o comedor ,a sala de caldeiras, un ximnasio e o local da ANPA e dúas ás laterais de tres andares onde en cada unha delas se recollen as aulas de E.I, PT , robótica infantil e inglés E.I. (planta baixa este) e E.P, biblioteca, aula de Música, aula de informática, aulas de PT, relixión católica, robótica, laboratorio, inglés EP e varias aulas de usos múltiples.(plantas baixas e superiores este e oeste). 
No exterior contamos cun pavillón polideportivo, unha pista de baloncesto e un campo de fútbol de herba artificial así como de dous patios cubertos, ademais de varias zonas verdes, destacando o xardín Bondín (unha zona de arboreda con areeiros e xogos infantís de uso exclusivo do alumnado de educación infantil durante os recreos). 
      A matrícula deste curso 2023/2024 é de 343 alumnos 82 en E.I e 261 en E.P. 

1.3. Breve xustificación do mesmo
      En canto a normativa que rexe a elaboración e seguimento deste PDC faremos mención ao seguinte:
    • Art. 111 bis, Art. 121 e Art. 132  da LO 2/2006, de 3 de maio, de Educación
Atendendo a esta normativa o Art. 111 bis fai referencia as TECNOLOXÍAS DA INFORMACIÓN E DA COMUNICACIÓN. No seu pto. 2 di “Os entornos virtuais de aprendizaxe que se empreguen nos centros docentes sostidos con fondos públicos facilitarán a aplicación de plans educativos específicos deseñados polos docentes para a consecución de obxectivos concretos do currículo e deberán contribuír á extensión do concepto de aula no tempo e no espazo [...] permitir aos alumnos e alumnas o acceso dende calquera sitio e en calquera momento, aos entornos de aprendizaxe dispoñibles nos centro docentes nos que estudan, con pleno respecto ao disposto na normativa aplicable en materia de propiedade intelectual, privacidade e protección de datos persoais. Asemade promoverán os principios de accesibilidade universal e deseño para todas as persoas, tanto en formatos e contidos como en ferramentas e entornos virtuais de aprendizaxe”.
Tamén no pto. 5 debemos ter en conta o que di en canto a que “ as administracións educativas e os equipos directivos dos centros promoverán o uso das TIC na aula como medo didáctico apropiado e valioso para levar a cabo as tarefas de ensino e aprendizaxe...”
Xa no pto. 6 deste artigo recóllese que ” O Ministerio de Educación e Formación Profesional elaborará e revisará os marcos de referencia da competencia dixital que orienten a formación inicial e permanente do profesorado e faciliten o desenvolvemento dunha cultura dixital nos centros e nas aulas”. Aquí enmarcaríanse o SELFIE e o Test CDD
Deste xeito nos temos que basear tamén no Art. 121 onde se especifica “ que o Proxecto Educativo de Centro, recollerá asi mesmo a estratexia dixital do centro de acordo ao establecido no Art. 111 bis.5.”
Facemos tamén referencia ao Art. 132 onde se recollen as competencias do director ou directora xa que en varias delas se lle fai responsable da promoción da innovación educativa impulsando plans para o consecución dos fins do Proxecto Educativo do Centro no que agora se inclúe este PDC.
    • Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
“Os centros docentes elaborarán no curso 2021/2022 o seu Plan Dixital de acordo coas instrucións que se diten”
Resolución de 6 de junio de 2023, de la Dirección General de Ordenación e Innovación Educativa, por la que se dictan instrucciones para el desarrollo de las enseñanzas de educación infantil, educación primaria, educación secundaria obligatoria y bachillerato en el curso académico 2023/24.
      É esta Resolución a que determina o punto de partida e o procedemento a seguir para a elaboración do PDC que da lugar a este documento e marca as directrices a seguir e os prazos a cumprir.

A avaliación levarase a cabo do seguinte xeito:

AVALIACIÓN PROCESUAL : avaliarase cada acción de modo trimestral ou de ser o caso na data prevista de consecución si esta é previa ao fin de trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

AVALIACIÓN FINAL: a frecuencia da súa realización será como mínimo unha vez ao ano (MES DE XUÑO). Os aspectos a considerar incluirán, entre outros, a valoración do logro dos obxectivos e as propostas de mellora.

Reunión ao final de curso co Mentor ADIX.

Estas accións levaranse a cabo mediante reunións do Equipo do Plan Dixital, reunións co Equipo Directivo e co profesorado do centro.

O plan deste curso foi realista e realizabel na súa maioría, ainda que sufriu modificacións para adaptarnos á realidade do centro case todos os obxectivos foron acadados.

Como proposta de mellora, temos que incluir actividades que se están a levar a cabo no centro que gardan estreita relación co dixital e que no estamos a ter en conta.

Este documento unha vez validado e aprobado polo organos colexiados competentes, será publicado na páxina web do centro.

A persoa coordinadora TIC terá acceso a ferramenta Educalidade para poder rexistrar os avances e a avaliación deste plan, baixo a supervisión da directora.

https://www.edu.xunta.gal/centros/ceipreibon/