O Plan Dixital debe permitir á comunidade educativa visualizar onde queremos chegar, entender de onde partimos e trazar o camiño que nos leve a conseguir os obxectivos plantexados, tendo en conta a nosa realidade e a normativa vixente recollida a continuación:
Art. 111 bis, Art. 121 e Art. 132 da LO 2/2006, de 3 de maio, de Educación
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
En relación ao centro educativo, o PD contribuirá á dixitalización da comunicación coas familias e outras institucións. Así mesmo, será un instrumento que favorecerá e impulsará o uso dos medios dixitais tanto nos procesos de ensino-aprendizaxe, diversificando a tipoloxía de actividades, como no resto de procesos de xestión do centro, sempre co obxectivo último de colaborar no desenvolvemento integral do alumnado e facilitar o traballo da comunidade educativa. Por ende, é un instrumento que parte do Proxecto Educativo e que será incluído na Programación Xeral Anual.
O devandito PD foi elaborado polo Equipo de Dinamización do Plan Dixital constituído no primeiro trimestre do curso escolar 21-22. Os pasos necesarios para a súa elaboración foron os seguintes:
Configuración e elaboración da ferramenta SELFIE.
Análise da competencia dixital do centro (alumnado, profesorado e membros do equipo directivo) coa ferramenta SELFIE.
Análise da situación actual do centro a través dunha matriz DAFO.
Concreción dos obxectivos que se pretenden perseguir co PD.
Elaboración e redacción do PD.
A partir do Informe SELFIE, TCDD e outras fontes, o centro xenerou unha análise DAFO que permite o coñecemento da realidade do centro no eido dixital e facilita a elaboración das liñas fundamentais do Plan Dixital en termos de obxectivos e accións a desenvolver.
Unha vez realizadas as pesquisas pertinentes a través do SELFIE e do Test CDD e analizados os resultados que presentan os informes de ámbalas dúas probas xunto coa reflexión colectiva do Equipo de Dinamización do Plan Dixital do Centro e o conxunto do Claustro, obsérvanse unhas FORTALEZAS e DEBILIDADES a nivel interno e unhas OPORTUNIDADES e AMEAZAS a nivel externo que aparecen recollidas na presente análise DAFO, sinaladas a maior parte dilas cunha puntuación en base a cal, de xeito cuantitativo, establécense unhas prioridades que fixemos pasar tamén por un filtro cualitativo. Isto da como resultado unha serie de prioridades que temporalizaremos para darlles resposta.
Aquelas que son de atención máis urxente serán as que nos servirán de base para a elaboración do PLAN DE ACCIÓN convertindo os ítems en obxectivos que trataremos de acadar ao longo do vindeiro curso mediante a realización de diferetentes accións. Todo isto recollerase na pestana "Obxectivos".
A análise DAFO indícanos:
A formación específica do profesorado sobre o uso dalgúns recursos que dispomos (PDI) e escasa.
Carencias con respecto á existencia dunha estratexia dixital.
Os recursos cos que contamos están obsoletos e son escasos.
Ao comezo do curso créase o equipo de Plan Dixital e noméase unha coordinadora. Isto permitirá desenvolver dito plan e acadar os obxectivos propostos nel.
No primeiro trimestre as accións realizadas para acadar os obxectivos propostos foron as seguintes:
No segundo trimestre as accións realizadas para acadar os obxectivos propostos foron as seguintes:
No terceiro trimestre as accións realizadas para acadar os obxectivos propostos foron as seguintes:
Realizouse unha reunión na que se desglosaron os obxectivos marcados no deseño deste Plan.
O Plan Dixital do vixente curso escolar 2022-2023 permitiu alcanzar os obxectivos fixados asentando bases importantes para o noso centro educativo. A través del, e grazas á elaboración dun documento no que se recolleu inventario e procedementos diversos, vertebrouse o traballo do equipo TIC. Adicionalmente, implementouse o uso frecuente de Abalar entre as familias do noso alumnado, o que permitiu unha reducción considerable de uso do papel. Este obxectivo, foi o máis complexo de alcanzar debido ás dificultades de conexión e á falta de formación e implicación da meirande parte delas.
No eido formativo, exploráronse novas aplicacións coas que se dinamizaron actividades na aula, fomentando a dixitalización do alumnado e a creación de novas experiencias. Neste sentido a formación externa do PFPP quedou excasa, non sendo así a colaboración docente do Grupo de Traballo.
Por último, destacar a gran colaboración e labor da nosa asesora, Guadalupe, que nos ofreceu unha guía sen a cal sería moi complicado desenvolver o recollido neste documento.
O presente PD estará dispoñible para consulta de calquer axente da nosa comunidade educativa a través da páxina web do centro, no apartado relativo á documentación. Adicionalmente, no centro existirá unha copia dispoñible para calquera membro do Claustro que o desexe.
Plan dixital do CEIP Fonte Escura
