Xustificación co respecto á normativa vixente

• Art. 111 bis, Art. 121 e Art. 132 da LO 2/2006, de 3 de maio, de Educación, na que se establece no seu artígo 2, como un dos fins do sistema educativo, a capacitación para garantir a inserción do alumnado na sociedade dixital, e a aprendizaxe dun uso seguro dos medios dixitais inculcando a importancia do respeto coa dignidade humana, os valores constitucionais, os dereitos fundamentais e, particularmente, co respeto e a garantía da intimidade individual e colectiva. No artigo 19, indica que a competencia dixital se traballará a través de tódalas áreas e no artigo 102, informa que as administracións educativas promoverána autilización das tecnoloxías da información e a comunicación.
• Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
• Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022 establece que a coordinación do plan dixital será realizado polo equipo de dinamización do Plan Dixital formado pola persoa directora do centro e polo menos, outra persoa do claustro.

Contextualización do Plan Dixital no centro e Contribución ao Proxecto Educativo do Centro

Ao longo do presente curso escolar, estamos a elaborar o PLAN DIXITAL DE CENTRO que se entende como un instrumento que debe favorecer e impulsar o uso dos medios dixitais tanto nos procesos de ensino-aprendizaxe como no resto de procesos de xestión do centro, sempre co obxectivo último de colaborar no desenvolvemento integral do alumnado. Por esa razón, debe ser un instrumento que se integre no Proxecto Educativo, no Proxecto de Dirección e na Programación Xeral Anual. Asimesmo contribúe ao desenvolvemento dos diversos plans e proxectos do centro: proxecto lector, plan de dinamización da lingua galega, plan de atención á diversidade, plan de convivencia, programas de innovación educativa, …

Ademais, é imprescindible dotar ao Plan Dixital dun enfoque de centro sobre o uso dos recursos pedagóxicos dixitais dispoñibles para aproveitar ao máximo as súas posibilidades, de modo que se converta nun proxecto compartido por todos os membros da comunidade educativa, que dea coherencia e guíe o uso das tecnoloxías. Fíxose un diagnóstico inicial, para poder avaliar, unha vez desenvoltos, os obxectivos propostos do Plan, así como a efectividade das accións que deseñemos. Grazas aos resultados desta enquisa, obtivemos un informe da situación inicial e procedeuse a analizar os resultados:

• Detectouse escaseza de infraestruturas tecnolóxicas tanto na escola como nas casas.
• Tamén se atoparon diiferenzas notables de competencia dixital  entre o alumnado, os docentes e o ámbito familiar.
• Posicionamento positivo do profesorado de cara á actualización de metodoloxías e a consideración do uso das tecnoloxías como medio de mellora do proceso de ensino- aprendizaxe.
• Obsérvase a necesidade de mellora no traballo colaborativo a través das tecnoloxías para enriquecer o proceso de ensino-aprendizaxe.

Lévase implantando  dende o ano 2009 un PLAN TIC que trata de motivar e concienciar á comunidade educativa da necesidade de dotar ao alumnado dunha competencia dixital necesaria para o seu futuro. Ademais, somos centro ABALAR dende o ano 2012 polo que o noso alumnado conta cunha dotación tecnolóxica que facilita o cambio metodolóxico e integra as tecnoloxías na vida diaria do alumnado.

Por último, nestes momentos é mais doado acceder ás novas tecnoloxías e case todas as familias contan con acceso á rede e un ordenador na casa. A revolución tecnolóxica non se pode negar. Temos que adaptarnos e integrar un proxecto que axude ao alumnado á súa comprensión e utilización. Por este motivo, dende hai tres cursos, solicitamos o programa de educación dixital galega, que nos foi concedido. 

Dende o curso 2019/2020, a escola traballa co alumnado do quinto e sexto curso de primaria a través da plataforma EDIXGAL, que obriga a deixar de lado os libros de texto como principal ferramenta de aprendizaxe.

O centro dispón de equipamento; foron enviados  equipos para o alumnado e para o profesorado implicado no proxecto; a conectividade da escola debería ser sempre boa, pero falla con moita frecuencia, temos que esixir á AMTEGA que o solucione,  e os contidos dixitais están nun espazo web a disposición do profesorado para a elaboración de cadansúa unidade didáctica. Esta é unha fermosa ferramenta que temos que aprender entre todos a utilizar. O que sí temos claro é que dispomos dunha aula dixital, con conexión a Internet que nos permite moita interactividade no proceso de ensino-aprendizaxe.

Proceso de elaboración

O proceso de elaboración do PD da escola ven marcado polo cronograma da folla de ruta establecida pola Consellería de Educación xunto cos coordinadores ADIX. Grazas á axuda e colaboración destes coordinadores, este Plan pode chegar a esta versión 1.0, pois a carga burocrática é tan grande que as direccións dos centros non serían quen de levalos a cabo sen estes mentores.

Pártiuse dunha autoavaliación SELFIE que nos proporcionou un informe de situación inicial da escola con aportacións do equipo directivo, alumnado do quinto e sexto curso de primaria e todo o profesorado do centro.

A partir do Informe SELFIE, o centro xerou unha análise DAFO que indicou as liñas fundamentais do Plan Dixital en termos de obxectivos e actuacións.

Para avaliar este plan mediremos o grao de consecución dos obcectivos marcados. También haberá que comprobar a efectividade das actuacións levadas a cabo. Para valorar  a avaliación, teremos en conta os siguientes instrumentos e ferramentas:

• Os indicadores de avaliación asociados a cada un dos obxectivos e accións.
• A ferramenta de avaliación SELFIE a través da que poderemos facer unha análise da competencia dixital do Centro.  (Realizarase anualmente a final de curso).
• A avaluación da Competencia Dixital do alumnado a través de SELFIE, preferiblemente ao final do curso.

O plan avaliarase en función dos resultados obtidos no marco dos obxectivos e prazos previstos. O informe de progreso formará parte da Memoria anual do Centro.

O procedemento de seguimento do desenvolvemento do plan e da consecución de obxectivos, levarase a cabo tendo como referente os valores previstos para os indicadores dos obxectivos establecidos.

Avaliarase tanto o proceso, como a consecución do obxectivo ao final o propio proceso.

Polo tanto estableceranse dous tipos de avaliación:

- Avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

- Avaliación final a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.

O desenvolvemento do plan dixital precisa o enfoque dun proceso continuo e evolutivo. Representou un desafío para a comunidade educativa e, nalgún obxectivo concreto, require máis tempo para optimizar o seu resultado.

O principal factor que condicionou o  desenvolvemento do Plan Dixital foi o tempo, pois son moitas as labouras administrativas a levar a cabo. A  infraestrutura tecnolóxica dispoñible, é adecuada pero formar parte de Edixgal, é un atranco cando non se arranxa o equipamento. O desenvolvemento do obxectivo relacionado coa avaliación a través de moodle, a avaliación de rúbricas,  viuse afectado por esta falta de tempo, polo que o vindeiro curso intentaremos retomalo.

A avaliación do desenvolvemento do plan dixital debe ter en conta os resultados e o impacto na aprendizaxe dos estudantes, así como a experiencia e a retroalimentación dos docentes, pais e outros actores chave. No presente curso funcionou estupendamente o programa de formación do profesorado, no que atinxe a novas apps, e programas educativos. Funcionou especialmente todo o aprendido na formación en croma e o plan proxecta “Nós tamén creamos”, polo que o alumnado emocionouse moito cos programas traballados e foi quen de gozar da aprendizaxe. Ao ser este o primeiro Plan Dixital que desenvolvemos pode ser que non fosemos capaces de sacar o máximo proveito ás aprendizaxes. Haberá que agardar a vindeiros cursos nos que voltemos a realizar un exercizo SELFIE de autoavaliación da situación dixital da comunidade educativa.

• Realizar unha reavaliación das necesidades tecnolóxicas e os recursos dispoñibles no centro educativo coa finalidade de determinar que recursos adicionais son necesarios.
• Afondar na formación e no desenvolvemento profesional contínuo do corpo docente en colaboración cos CFR afondando na estabilización dunha liña TIC nos PFPP. Asimesmo, é importante fomentar a colaboración e o intercambio de boas prácticas entre os docentes da propia escola e cos da contorna.
• Integración curricular: Continuar a promover a integración da tecnoloxía no currículo escolar de maneira transversal. Co Proxecto Documental Integrado que estamos a levar a cabo a través do proxecto de biblioteca, implica a todo o profesorado e consigue que fomentemos a creatividade, o pensamento crítico e o coñecemento de distintas ferramentas dixitais,  Isto implica identificar oportunidades, fomentando a creatividade… 
• Promocionar o acceso a recursos dixitais de calidade, coma os do Espazo Abalar, a aula virtual da escola… tendo como finalidade o enriquecimiento do proceso de ensino aprendizaxe. Fomentar a participación activa da comunidade educativa no plan dixital, involucrando ás familias e outros membros da comunidade educativa. Faranse xuntanzas informativas, enquisas, obradoiros e faladoiros.
• Establecer un sistema de avaliación e seguimento continuo para medir o impacto do plan dixital na aprendizaxe do alumnado.

Este Plan Dixital completo será publicado na Web do centro e enviado ás familias a través da Plataforma Abalarmóbil.

Poderá descargarse na seguinte ligazón