A E.E.I. da Pastora está situada nunha zona elevada, na ladeira do monte da Pastora, quen da identidade ao centro. Dende o seu miradoiro podemos observar a desembocadura do río Umia, así coma outros municipios veciños. Neste enclave están as ruínas de Santa Mariña Dozo, construídas no s. XVI sobre unha ermitá románica do S. XII, e declaradas Monumento Nacional no ano 1943, e a capela da Virxe da Pastora.

Cambados, vila catalogada como conxunto histórico-artístico, consta de tres barrios: Fefiñáns, co seu Pazo do mesmo nome, neoclásico, con escudos renacentistas e torre almenada, Cambados, centro comercial e administrativo, e Santo Tomé, barrio mariñeiro.

A súa maior riqueza, actualmente, está centrada no turismo e nos viñedos, sen esquecernos da importancia do sector servizos e do seu carácter mariñeiro.

A situación da escola favorece o aproveitamento dos recursos que ofrece o contorno, no noso labor docente: saída ao monte e miradoiro da Pastora, granxas, proximidade aos muíños, Biblioteca, Auditorio, Escola de música, bombeiros, a rede museística, parques, actividades mariñeiras, exposicións e actividades culturais que dan vida e amplían as posibilidades de coñecemento da nosa cultura e identidade.

As familias dispoñen na súa maioría de dispositivos tecnolóxicos dixitaís ( teléfonos móbiles, tabletas, ordenadores) que usan de cotío e que permiten usar ós seus fillos e fillas desde ben novos sen poñer filtros nin control de tempo.

Desde o centro queremos promover o bo uso das novas tecnolóxias polo que no Plan Xeral Anual xa levamos varios anos establecendo obxectivos para achegar ó alumnado un uso correcto dos dispositivos e conseguir unha competencia dixital axeitada.

Os obxectivos xeraís para conseguir a competencia dixital do noso alumnado son:

Dispoñer de habilidades para buscar, obter, procesar e comunicar información, e para transformala en coñecemento.

Incorporar diferentes habilidades, que van dende o acceso á información ata a súa transmisión en distintos soportes unha vez tratada, incluíndo a utilización das tecnoloxías da información e a comunicación como elemento esencial para informarse, aprender e comunicarse.

Iniciar ó alumnado en ser unha persoa autónoma, responsable , crítica e reflexiva ao seleccionar , tratar e utilizar a información, así como as distintas ferramentas tecnolóxicas.

Para conseguir estes obxectivos iremos pouco a pouco dándolles autonomía, de xeito que sexan conscientes dela e utilicen os recursos sen medo algún. A planificación do seu uso estará pensada como un recurso, unha ferramenta que nos vai a axudar a acadar os obxectivos desexados.

Este Plan dixital está adaptado ao establecido na  normativa: Art. 111 bis, Art. 121 e

• Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022

• Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022

• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022 .

A elaboración do plan dixital foi feita ó longo de este curso pola dirección en colaboración co Claustro que aportou os datos recollidos no Selfie e no estudio DAFO. Tendo en conta que o noso é un centro con alumnado solo de infantil ás dificultades que atopamos foi axeitar o plan a toda a comunidade educativa.

No contexto da avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

No contexto da avaliación final a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.

En xeral podemos decir que acadamos os obxectivos plantexados valorando a implementación do mesmo como alta.

Favoreceu a creación de materiais para o traballo na aula que foron axeitados as características da nosa escola e do noso alumnado.

Melloramos no uso dos recursos dixitais na actividade docente.

Ás melloras nos recursos materiais foron : 

Tablets para cada nivel aportados polo centro.

Mellora do recanto de robótica con ampliación do material .

Cableado novo e retirada do armario de conexión a unha zona non usada nin polo alumnado  nin polo Claustro.

Logo da solicitude de WIFI durante varios cursos está prevista a instalación no mes de Agosto. 

A colocación de paneis dixitais interactivos permitiunos mellorar o uso dos encerados no traballo diario porque pemite ter as luces acesas e a visibilidade é perfecta.

Cara o vindeiro curso precisamos que os recursos dixitais creados poidan ser utilizados por todo o Claustro repercutindo no reservorio de materiais non físicos da E.E.I da Pastora.

Unha das propostas é a formación do profesorado no uso dos paneis dixitais interactivos e nos novos robots adquiridos por o centro.

Outro aspecto a ter en conta é a formación das familias tanto no uso das tecnoloxías como nunha educación responsable e positiva. Faremos charlas con diferentes poñentes que poidan aportar solucións para as dubidas das familias.

A difusión do plan de centro será recollida no Plan de Comunicación da E.E.I da Pastora e corresponderá  a dirección logo de ser avaliado Polo Claustro e comunicado ó Consello Escolar. estará colgado na paxina web do centro a disposición de familias e interesados.

Plan Dixital