Contextualización:
O IES Francisco Asorey, aínda que foi inicialmente creado para nove unidades, hoxe en día conta con vinte e sete (tres liñas de ESO, dúas liñas de Bacharelato, un ciclo de FP Básica, dous Ciclos de grao medio, dous Ciclos de grao Superior e unha liña dos Niveis III-IV de EPA).
O Plan dixital contribuirá ao Proxecto Educativo do centro, integrándose cos outros plans que se desenvolven no centro:
• Plan de Formación Permanente do Profesorado co fin de mellorar as Competencias Dixitais Docentes.
• Proxectos de Formación do profesorado e innovación tecnolóxica.
O Plan Dixital formará parte da Programación Xeral Anual do curso 2022/23, dentro do ámbito de potenciación das novas tecnoloxías.
Xustificación normativa:
A normativa na que se basea o Plan Dixital do noso centro é a seguinte:
• Art. 111 bis, Art. 121 e Art. 132 da LO 2/2006, de 3 de maio, de Educación
• Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
• Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
Proceso de elaboración:
O equipo de redacción do plan dixital estivo formado por Asunción Moreno Rego, David Touceda Bugallo, Ángel Rey Roca e José Carlos García Valladares (Coordinador do equipo de dinamización do Plan Dixital) que colaboraron na realización da enquisa SELFIE, test CDD e a correspondente análise de datos DAFO. Recibiuse a fomación para o emprego destas ferramentas no PFPP "Análise da competencia dixital do centro e elaboración do Plan Dixital".
A continuación definíronse os obxectivos que constitúen o Plan de acción que se consideraron de maior utilidade. Finalmente redactouse o documento do Plan Dixital.
Situación de partida:
O IES Francisco Asorey dispón dos seguintes espazos e aulas especializadas:
• Catorce aulas de propósito xeral, dotadas con ordenador e proxector.
• Seis aulas dotadas con equipamento Abalar (ordenador, proxector, pizarra dixital interactiva, punto de acceso WiFi e un ordenador portátil por alumno).
• Catro aulas pequenas para grupos reducidos (arredor de quince alumnos).
• Aula de Debuxo con PC, proxector e sistema de megafonía.
• Aula de Música con PC, proxector e sistema de megafonía.
• Taller de Tecnoloxía cun PC e proxector.
• Dúas Aulas de Informática dotadas cada unha delas con 30 equipos para o alumnado e proxector.
• Laboratorio de Ciencias con PC e proxector.
• Laboratorio de Física e Química con PC e proxector.
• Dúas aulas de Apoio (unha delas equipada para a PT con ordenador e tres tablets).
• Ximnasio con PC portátil e proxector.
• Taller especializado para o primeiro curso de FP Básica equipado con 20 equipos para o alumnado, un PC profesor e proxector.
• Taller especializado para o segundo curso de FP Básica equipado con 16 equipos para o alumnado, un PC profesor, proxector e impresora.
• Seis aulas especializadas para os ciclos de electrónica (Polivalente, Electricidade, Telecomunicacións, Informática, Sala de Produción audiovisual e FOL). Cada aula dispón de 12 equipos informáticos para o alumnado, PC de profesor e proxector. Hai ademais diverso equipamento dixital específico para a didáctica dos ciclos medios e superior de telecomunicacións e informática.
• Catro talleres especializados para os ciclos de administración cun total de 90 ordenadores, canón proxector e unha impresora por taller.
• Departamentos e despachos con equipamentos informáticos básicos.
• Sala de Profesores con 8 ordenadores e impresora/fotocopiadora/escáner.
O centro dispón dos seguintes servizos dixitais corporativos: páxina web http://www.iesfranciscoasorey.es/, Abalar e Aula Virtual.
Todo o centro dispón dunha infraestrutura de datos cableada, mentres que os puntos de accesos Wi-Fi só están dispoñibles nas aulas con equipamento Abalar.
O mantemento dos equipamentos dixitais do centro realizase por un equipo TIC pertencente ao Departamento de Electricidade e Electrónica. As tarefas que realizan son:
• Soporte ao profesorado no emprego das TICs facendo especial énfase no emprego das aulas virtuais e videoconferencias coas ferramentas corporativas proporcionadas pola Consellería de Educación.
• Mantemento e soporte do equipamento de audiovisuais do Salón de Actos.
• Mantemento eléctrico básico (cambio de tubos, pequenas reparacións)
• Substitución e limpeza dos proxectores.
• Soporte aos blogues desenvoltos e mantidos co esforzo persoal dos departamentos implicados e que son accesibles dende a páxina web do centro.
• Instalación, mantemento e configuración de software.
• Instalación, mantemento, reparación e configuración de hardware.
• Instalación, mantemento, reparación e configuración de rede.
• Instalación, mantemento, reparación e configuración de sistemas e equipos audiovisuais.
• Asesoramento, xestión e aprovisionamento de compras relativas ás TIC.
• Mantemento e soporte das aulas Abalar.