A escola atópase situada na parroquia de Vilariño, no concello de Cambados, a un quilómetro escaso do centro da devandita localidade. Trátase dunha zona rural moi próxima ao casco urbano.
O medio de vida da meirande parte da poboación son o mar e o agro, explotado este, na maior parte dos casos, en pequenos minifundios e invernadoiros, así como plantacións vitivinícolas.As familias do alumnado da escola dedícanse, na súa maioría, ao agro, ao mar e en pequenas empresas locais (perruquerías, panaderías, construcións, talleres mecánicos, etc…).
Se ben a etapa eductiva desta Escola fai que o emprego de tecnoloxías dixitais, así como a elaboración de proxectos dixitais se circunscriba a aspectos moi elementais a nivel dixital, é importante que este PD contribúa a desenvolver algúns dos obxectivos xerais do centro.
Tamén o PD debe contribuir á consecución das competencias básicas: competencia matemática,competencia no coñecemento e na interacción co mundo físico, competencia social e cidadá, competencia para aprender a aprender, competencia de autonomía e iniciativa persoal, competencia lingüística, competencia cultural e artística, e, por suposto, o tratamento da información e competencia dixital.
Este Plan Dixital está contextualizado pola seguinte normativa:
-
Art. 111 bis, Art. 121 e Art. 132 da LO 2/2006, de 3 de maio, de Educación.
-
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
-
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022.
-
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
No proceso de elaboración do presente plan tívose en conta:
- A normativa actual e atendendo á Resolución do 3 de setembro de 2021, comezouse o proceso de elaboración do PD desta Escola Infantil seguindo os pasos ditados na devandita Resolución. Dado que a Escola só conta cunha mestra titora non hai Equipo de Dinamización, anque estamos en constante comunicación e colaboración co CEIPP Enrique Barreiro Piñeiro de Vilariño, ao que esta Escola está adscrita. Naturalmente participouse no PFPP asociado ao Plan Dixital.
Os pasos que se seguiron para a elaboración do Plan Dixital recollidos na Resolución do 3 de setembro, seguindo o asesoramento dos mentores no deseño, elaboración e implementación do mesmo. Estes pasos foron:
- Realizouse a análise da situación do centro, a través das ferramentas SELFIE e TCDD.
- Realizouse a diagnose do centro cos datos recollidos mediante as devanditas ferramentas creando o informe DAFO.
- Posteriormente, e atendendo a este informe DAFO, elaboráronse uns obxectivos axeitados ás características e necesidades da escola, ao tempo que realizables.
- Nun derradeiro momento elaborouse o Plan Dixital, unindo todos os elementos anteriores para a súa posterior aprobación, se procede, polo Consello Escolar.
