1 Introdución
a) Datos do centro
CEIP SAN TOMÉ (36015093)
Os Olmos no 20 – 36630 – Cambados
ceip.san.tome@edu.xunta.gal
http://www.edu.xunta.gal/centros/ceipsantome/
https://www.edu.xunta.gal/centros/ceipsantome/aulavirtual/
Alumnado: entre 370 e 400.
Profesorado: 31
b) Contextualización do plan dixital no centro. Contribución ao Proxecto Educativo do Centro
A poboación do barrio de San Tomé pertence a unha clase media, cunha porcentaxe significativa de empregos vencellados ao mar directa ou indirectamente (mariscadoras/es, peixeiras/os, traballadoras/es de depuradoras e conserveiras). O resto de familias ten unha actividade económica propia desta clase, como poden ser traballos administrativos e de servizos.
O nivel de estudos das familias é moi dispar, xa que a diversidade no noso centro é moi grande, existindo pais/nais con nivel de estudos básico ata familias nas que os dous proxenitores teñen estudos superiores.
Cambados caracterízase por unha importante actividade cultural e deportiva, que tamén ten influenza no colexio pola cantidade de eventos organizados polas distintas asociacións e polo concello.
Posúe ademais unha rede museística importante para unha vila de 13800 habitantes e unhas instalacións deportivas de calidade.
A finalidade deste centro educativo é propoñer situacións que xeren aprendizaxe no alumnado, que se forme e desenvolva como individuo da sociedade na que vive. En consecuencia, a propia organización vai mellorando a través da súa práctica e da reflexión sobre ela, así como das relacións que establece coa súa contorna.
O Plan Dixital de Centro debe encaixar no contexto institucional máis amplo que vén recollido noutros documentos institucionais, como o Proxecto Educativo de Centro e ambos os documentos deben estar en total consonancia e ser complementarios.
Neste sentido, non pretendemos que sexa un documento que xere conflitos, senón que recolla o que se leva facendo anos no colexio e que aglutine todas as actuacións no ámbito dixital e tecnolóxico que queremos abordar de cara ao futuro. Intentaremos que encaixe nos programas nos que xa participa o colexio: Edixgal, todas as liñas de contratos programa, plans proxecta, club de ciencia, radio na biblio, etc.
c) Xustificación
En base á normativa vixente e como parte do Proxecto Educativo do Ceip San Tomé elabórase este Plan Dixital, documento que pretende regular a relación coa tecnoloxía nas distintas etapas educativas e ofrecer unha guía de referencia para as familias e
profesorado que sexa sinxela e efectiva. Neste documento trataremos de atopar o equilibrio necesario para que a tecnoloxía se introduza nas aulas de xeito natural sen ter dependencia dela, pero sendo conscientes
de que no século XXI o alumnado debe adquirir unha serie de competencias en relación co seu emprego. Ata hai ben pouco o obxectivo principal era dalas a coñecer, actualmente debemos
regular o seu uso e coñecer os riscos derivados do mesmo. Os centros educativos forman parte dun mundo en cambio permanente e dunha sociedade e mercado laboral cada vez máis dixitalizado e por esa razón, os centros educativos deben dar respostas a esas necesidades e demandas da sociedade e mercado laboral para poder formar cidadáns do futuro coas competencias necesarias para desenvolverse nunha contorna dixitalizada. O uso da tecnoloxía nas diversas
prácticas que teñen lugar nunha organización escolar, desde as relacionadas coas cuestións organizativas, ata as propias dos procesos de ensino e aprendizaxe é xa
ineludible.
A educación é un recurso crave para asegurar a igualdade social, a promoción das persoas e máis xenericamente a mellora das condicións de vida de comunidades e persoas. Así pois, a Estratexia Europa 2020 recoñece a necesidade dunha transformación dos sistemas de educación e formación que garanta a adquisición de competencias dixitais, que á súa vez permitan aproveitar as oportunidades.
Por outra banda, as organizacións educativas teñen a necesidade de revisar as súas estratexias co obxectivo de mellorar a súa capacidade para promover a innovación e sacar o máximo partido das tecnoloxías da información e comunicación, e dos recursos educativos dixitais.
Mediante o obxectivo do Plan Dixital de Centro, pretendemos:
• Avaliar a situación do centro educativo con relación ao uso das TIC nos distintos elementos crave que recolle o Marco Europeo para Organizacións Educativas Dixitalmente Competentes, para poder, a continuación, deseñar e emprender un
proceso de transformación no centro.
• Recoñecer o Plan Dixital de Centro como un recurso clave para a planificación da estratexia dixital dunha organización educativa.
• Transformar o centro educativo nunha organización que aprende, sendo só posible se é unha organización dixitalmente competente.
• Valorar as implicacións das organizacións escolares para desenvolver unha cultura dixital nas mesmas.
d) Proceso de elaboración e equipo
O deseño do Plan Dixital de Centro debe recoller as ideas principais, determinar as prioridades e establecer os niveis de planificación (programas, proxectos e/ou accións) que marcarán o plan de traballo do centro escolar no seu proceso de cambio e mellora.
Así mesmo, a participación do equipo directivo no proceso de deseño e implantación do Plan Dixital de Centro é clave, tanto pola visión global que desde a súa responsabilidade pode achegar (na fase de deseño), como pola capacidade para
mobilizar recursos da organización e de xerar liderados distribuídos que permitan o cambio atendendo a principios democráticos (na fase de implantación).
O Plan Dixital de Centro debería permitir á comunidade educativa:
• Visualizar onde quere que chegue o centro.
• Entender onde está actualmente.
• Trazar o camiño que leve dun estado ao outro.
