Plan do centro
Vixencia
Introdución
Contexto DAFO
Obxectivos
Seguimento
O procedemento para realizar o seguimento do Plan será o de establecer na Orde do Día en todas as reunións ordinarias do equipo TIC e en unha ao trimestre da CCP puntos para a avaliación e grao de consecución de obxectivos do mesmo.
Neste trimestre o seguimento unicamente se realiza no equipo TIC, centrándose na dotación recibida de Polos Creativos e na difusión das posibilidades que permite este material.
Tamén se xestiona a colocación de paneis interactivos e de postos de traballo do equipo directivo.
Na CCP e nas reunións do equipo TIC se analizan os aspectos organizativos reflectidos no plan, así como a formación aportada ás familias e alumnado.
En CCP e TIC se valora e comproba o grao de seguimento dos obxectivos relacionados coa creación de contidos e tarefas, así como as ferramentas de avaliación en rede.
Avaliación
Os obxectivos formulados neste plan están pensados para o período 2021/2025, polo que os criterios de avaliación terán tamén a mesma vixencia.
Para o seguimento do Plan de Acción realizaremos unha reunión trimestral específica no equipo de TIC e da CCP para valorar o cumprimento dos apartados reflectidos nas táboas.
Ao final de cada curso correspóndelle ao equipo de TICs valorar o nivel de cumprimento de cada un dos obxectivos, valorando, en función dos resultados e das achegas dos compoñentes, propoñer as variacións a este plan que se consideren oportunas.
Independentemente da valoración que leve a cabo o equipo de TICs e dos indicadores que se reflectirán a continuación neste plan, nas enquisas que a fin de curso se lles pasan aos mestres e ás familias introduciranse items específicos en relación ao emprego das TIC.
Indicadores de avaliación:
• O 70% do alumnado obtén, a final de curso, unha nota igual ou superior a 7 na competencia dixital.
• O 90% do profesorado móstrase satisfeito ou moi satisfeito co desenvolvemento do plan (ítems na enquisa de profesorado)
• O 75% das familias valora positivamente as aprendizaxes e relación coas TIC na escola dos seus fillos/as. (Ítems na enquisa para familias)
• O colexio dispón da dotación material proposta neste plan.
• O 100% dos cursos emprega a aula virtual como ferramenta de traballo habitual e complementario.
• O número de cursos que empregan a robótica aumenta nun 25%.
Comunicación e difusión
Dar a coñecer este plan á comunidade educativa é un labor importante, do que depende, en gran medida, o seu éxito.
Empregaranse todas as canles de comunicación das que dispón o centro.
Nun primeiro lugar enviarase ás familias e mestre vía Abalarmóbil e na canle de difusión de Telegram.
Posteriormente incorporarase ao Proxecto Educativo e será publicado na páxina web e no espazo “Xestión documental na nube”.
Por outro lado, nas reunións de inicio de curso, informarase ás familias da existencia do plan, así como das liñas mestras que lles corresponden nese nivel educativo.
A vixencia do mesmo é de catro anos aínda que se permitirá facer variacións anualmente.