A aplicación das TIC ao traballo da aula convértese nunha peza clave na educación e formación das novas xeracións. A súa importancia social e o lugar preferente que ocupan xa na vida dos nenos e das nenas, fai que deban estar presentes nos centros educativos, de modo que aqueles adquiran os coñecementos e habilidades necesarias para abordar con garantía de éxito a súa utilización nos contornos de aprendizaxe, familiares e de lecer. Trátase de que o alumnado, ao rematar a escolarización obrigatoria, acade unha competencia dixital.
Polo tanto, as TIC convértense nun instrumento indispensable no noso centro educativo, tanto polas posibilidades que abre a súa utilización didáctica no proceso de ensino-aprendizaxe, como na mellora da xestión académica e dos recursos do centro.
A creación do plan dixital está alicerzado na seguintes referencias legais:
Art. 111 bis, Art. 121 e Art. 132 da LO 2/2006, de 3 de maio, de Educación
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
A liña de traballo sobre o PD está enmarcada no P2105176 do PFPP 2021/2022 36003388 dentro do itinerario Plan Dixital de centro. A continuación constituímos un pequeno grupo de traballo para elaborar este PD no que estivesen incluídos, ademais do equipo directivo, o coordinador TIC e tendo en conta as aportacións de tódolos membros do Claustro.
Os intrumentos de recollida de información foron o informe SELFIE e o test TCDD
Para traballar nestas áreas, marcaremos uns obxectivos, concretados nos indicadores de logro, ao longo do curso 2022/2023. Cabe sinalar que, os responsables encargados de poñer en marcha o traballo para alcanzar os obxectivos dentro de cada área, precisarán da colaboración por parte de toda a comunidade educativa (especialmente dos mestres/as que obteñan destino no cento no vindeiro curso), así como do equipamento e asesoramento prestados pola administración para dotar ao centro das ferramentas que precisa para lograr os obxectivos propostos.
Para cada obxectivo cumprimentarase unha táboa que recolle:
Ata onde queremos chegar para cada un dos obxectivos e con que elementos. Esta información reportarana os indicadores e os seus valores de partida e de chegada.
Determinar as accións para conseguir cada obxectivo, elixir os responsables das mesmas, acordar unha temporización e determinar os recursos necesarios.
Para realizar o seguimento do plan dixital do centro faranse unha reunión do equipo TIC polo menos unha vez o mes. Nestas reunions serán valorados o cumpliemnto dos obxectivos es as accións asociadas. Ademais o coordinador TIC realizará unha reunión co asesor ADIX do centro para recibir asesoramento de como mellorar dito plan.
2 reuinion do equipo TIC xa que hai duas novas incorporacion respecto o curso pasado.
Explicación do plan dixital o claustro.
Cumpliementos dos obxetivos do primer trimestre.
Realizouse o seguimento trimestral de acordo co planificado e para poder analizar a evolución do plan dixital estudando a execución das accións e valorando os indicadores dos obxectivos propostos.
Analizamos que os obxectivos do PD correspondentes ao 1º e 2º trimestre se desenvolven segundo programado inicialmente no plan, excepto:
O obxectivo O07PD Afianzar coñecementos dixitais e infraestrutura nas familias do alumnadoestá pendente de realización.
A acción AO2.1: Crear unha formación dentro do PFPP encargado da formación e da mentorización sobre o programa Abalar non se realizará no presente curso.
A acción AO3.2: Solicitar e instalar os discos duros sólidos e a ampliación da memoria RAM dos equipos máis obsoletos atrasou ao terceiro trimestre.
As accións seguintes están pendentes de realización:
AO4.2: Crear recursos dixitais adaptados ao currículo de EP + EI.
AO4.3: Publicar na aula virtual recursos dixitais adaptados ao currículo de EP + EI creados polo profesorado.
Consideramos satistactorio, en liñas xerais, o desenvolvemento do Plan Dixital no presente curso.
Consideramos prioritario partir da realidade dixital na que se atopaba a comunidade educativa, polo que establecemos como obxetivo prioritario a detección das necesidades, a fin de establecer medidas reais e útiles.
A consecución deste obxectivo xa foi en si un éxito xeral para abrir unha liña de actuacións que será extensible aos vindeiros cursos.
Ademais, traballamos conxuntamente no resto dos obxectivos acadando a gran maioría dos establecidos.
O procedemento de seguimento do desenvolvemento do plan e da consecución de obxectivos, farase do seguinte xeito:
•Avaliación procesual por parte dos responsables de cada obxectivo, supervisado polo Equipo TIC, valorando e adaptando, se fose necesario, o cumprimento das accións a desenvolver de cada obxectivo nas datas previstas. Esta avaliación procesual farase ao remate de cada avaliación.
•Avaliación final levarase a cabo ao finalizar o curso académico nunha xuntanza entre o coordinador TIC e os responsables de cada obxectivo. Nesta, farase unha reflexión sobre o cumprimento dos obxectivos e resultados obtidos. Estes datos, recolleranse na memoria de fin de curso. Tamén se deixarán recollidas as propostas de mellora, así como esbozadas as liñas de traballo do plan de acción do ano seguinte.
A difusión do Plan Dixital, para dalo a coñecer entre toda a comunidade educativa á que afecta, levarase a cabo mediante:
Presentación no claustro de fin de curso, así como no primeiro do vindeiro curso académico, para que todo o profesorado coñeza cales son os obxectivos, liñas de traballo e responsabilidades que ten no Plan Dixital.
Presentación e aprobación, se procede, por parte o Consello Escolar.
Publicación, no apartado correspondente, na páxina web do centro para que poida ser consultado por toda a comunidade educativa.
