1.1 Datos básicos do centro
Nome do centro: CEIP Plurilingüe Enrique Barreiro Piñeiro
Enderezo: O Sineiro s/n
Parroquia: Vilariño
Concello: Cambados
Código Postal: 36633
Provincia: Pontevedra
Correo electrónico: ceip.enrique.barreiro@edu.xunta.es
Páxina web: www.edu.xunta.es/centros/ceipenriquebarreiro/
Trátase dun centro de titularidade pública, tipificado como liña 1, é dicir, que conta cun aula por nivel,
exceptuando no 6o curso organizado en dúas unidades, polo tanto contamos con 10 unidades,
3 de Educación Infantil e 7 de Educación Primaria. Nel están escolarizados 172 alumnos/as de
Educación Infantil e Primaria (46 de EI e 126 de EP).
O claustro está formado por 20 mestras/es, dos cales 18 son mulleres e 2 son homes. Entre elas/es
atopamos: 4 mestras en Educación Infantil (3 titoras e 1 mestra de apoio) e 7 titoras de Educación
Primaria. En canto aos especialistas: 1 mestra de música, 1 de relixión compartida, 2 de lingua
estranxeira, 1 de Educación Física, 1 mestra de PT, 1 de AL compartida, 1 orientadora compartida e
1 mestra PT do programa PROA.
1.2 Contextualización do Plan Dixital no centro. Contribución ao Proxecto Educativo do Centro.
Baseándonos nos cuestionarios de contexto das avaliacións diagnósticas realizadas no ano 2011 e do
ano 2012, recóllese unha media das porcentaxes dos empregos dos pais e nais do alumnado do centro:
Máis do 20% son empregados en supermercados, conserveiras, ou pequenas empresas. O 15%
traballa no sector servizos e máis do 10% son empresarios/as de pequenas empresas.
Aproximadamente o 10% é autónomo adicado á agricultura, xa que esta ocupa un lugar destacado
por ser traballado en pequenas e nalgunhas medianas explotacións familiares aínda que se combine
con outros traballos. É moi importante o cultivo e venta de produtos hortícolas, uva Albariña,
Barrantes e Caíño. Tamén a elaboración e venta de viño.
E por último, arredor doutro 10%, dedícanse as labores da casa. Esta labor é ocupada maiormente por
mulleres. Na construción ocúpase un 7% máis ou menos e sobre o 5% dedícase á pesca ou ao
marisqueo. O resto vive doutras actividades como costura, transporte de pasaxeiros, transporte de
mercancías, entre outros.
No que se refire ao nivel sociocultural das familias este é medio-baixo, con implicacións laborais dos
dous proxenitores. A maioría das familias e do alumnado son galego falantes, aínda que actualmente
este dato último está comezando a mudar cara o castelán. Extraendo datos dos cuestionarios de
contexto antes citados, concluímos:
• Pouco máis da metade dos pais e nais, teñen o graduado escolar e arredor dun 15% non acadou os
estudios obrigatorios.
• Aproximadamente o 10% estudiou Formación Profesional media ou FP superior.
• Arredor do 5% ten aprobado o Bacharelato e menos do 5% ten estudios universitarios.
Todo o alumnado dispón de libros na súa casa. Case a metade din usar bastante os libros; un terzo dos
nenos e nenas os usan moito e o 20% restante, úsanos pouco. A inmensa maioría ten ordenador na
casa (un 90% aproximadamente) que usan para recadar información para os seus estudos ou para
comunicarse e programas de xogos.
As leis actuais sinalan a importancia do Plan Dixital dentro do proxecto educativo de centro, que
integre todas as actuacións do centro destinadas ao fomento dos recursos dixitais que permitan
alcanzar as competencias clave.
Coa elaboración do Plan Dixital estaremos contribuíndo á consecución de obxectivos reflectidos no
Proxecto Educativo de centro como poden ser:
¿ Dotar ao centro educativo das infraestruturas necesarias para un bo funcionamento do
mesmo.
¿ Optimizar os recursos que nos oferta a Rede Abalar e ampliar progresivamente os mesmos
e os seus usos, así como avanzar na dotación xeral do centro en medios e recursos
audiovisuais e informáticos.
O Plan Dixital contribuirá á Programación Xeral Anual do curso 22/23, xa que agora hai coñecemento
das debilidades, fortalezas, ameazas e oportunidades do centro polo que se poderán buscar solucións
reais e necesarias como: a posta en marcha do programa E-dixgal, a mellora da conectividade do
centro, fortalecer os coñecementos do profesorado sobre abalar, dar visibilidade á páxina web do
centro ás familias...
1.3 Breve xustificación do mesmo
Atendendo a normativa legal que garda relación co Plan Dixital destacan os seguintes:
¿ Art. 111 bis, Art. 121 e Art. 132 da Lei 2/2006, de 3 de maio, de Educación.
¿ Disposición adicional quinta da Resolución do 17 de xuño de 2021, da Secretaría Xeral de
Educación e Formación Profesional, pola que se ditan instrucións para o desenvolvemento
das ensinanzas de EI, EP, ESO e bacharelato no curso académico 2021-2022.
¿ Disposición adicional terceira da Resolución do 18 de xuño de 2021, da Secretaría Xeral de
Educación e Formación Profesional, pola que se ditan instrucións para o desenvolvemento
dos ciclos formativos de FP do sistema educativo no curso 2021- 2022.
¿ Resolución do 3 de setembro de 2021, da Secretaría xeral de Educación e Formación
Profesional, pola que se ditan instrucións para o deseño, elaboración e implementación do
Plan Dixital nos centros docentes sostidos con fondos públicos da Comunidade Autónoma de
Galicia para o curso 2021-2022.
1.4 Proceso de elaboración
A elaboración do Plan Dixital de centro foi un proceso dinámico, colaborativo, activo e participativo
entre todos e todas os compoñentes que conforman o equipo do PD. Foi moi beneficiosa, a
heteroxeneidade do grupo, xa que as propostas xurdidas foron reais e necesarias para un bo
desenvolvemento das competencias TIC no profesorado, alumnado e familias. O equipo tenta que
con este documento vivo queden plasmadas as necesidades e as fortalezas do centro, e así, poder ir
actuando sobre elas de maneira progresiva ao longo dos vindeiros cursos.
O calendario de actuacións levadas a cabo foron as seguintes:
Novembro 2021: Posta en marcha do plan co contacto do Asesor ADIX cos centros.
Decembro 2021: Configuración e envío do SELFIE nos centros educativos.
Febreiro 2022: Test de Competencia Dixital Docente por parte do profesorado.
Marzo 2022: Realización da matriz DAFO, recompilación de datos e reflexión.
Abril-Maio 2022: Definición de obxectivos e Plan de Acción.
Xuño 2022: Deseño do Plan Dixital e presentación da versión 1.0.