En primeiro lugar, para xustificar o PD, cabe mencionar en primeira instancia a LOE 2/2006, de 3 de maio, de Educación, concretamente no seu artigo 111 de “Tecnoloxías da Información e a Comunicación”, onde expón a necesidade de aplicar medidas de aproveitamento e mellora das ferramentas dixitais dos centros, así como a promoción do seu uso. Seguidamente, no artigo 121 (en relación co artigo anterior), fai mención á necesidade de recoller no proxecto educativo unha estratexia dixital do centro. Deste xeito, en relación ao mencionado, no artigo 132 de “Competencias do director/a”, faise mención á promoción da innovación educativa e impulsión de plans para a consecución dos fines do PE, como é a elaboración do presente Plan Dixital.

Por outra banda, para cumprir co establecido na disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e Bacharelato, no curso académico 2021-2022 onde expón explicitamente que os centros elaborarán no curso citado anteriormente o seu plan dixital de acordo coas instrucións que se diten.

Por último, cómpre facer mención á resolución precisa pola que se rexe este presente documento no referente á elaboración do documento, atendendo deste xeito á resolución do 3 de setembro de 2021, da Secretaría Xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros sostidos con fondos públicos da Comunidade Autónoma de Galicia para o curso 2021-2022.

A contribución do Plan Dixital ao Proxecto Educativo abrangue diferentes actuación e liñas d aprendizaxe que, evidentemente, supoñen unha mellora nas liñas educativas marcadas no noso centro educativo. Un dos obxectivos sobre os que se basea o noso eixe vertebrador en canto ao PE se refire, é conseguir unha mellora no manexo das novas tecnoloxías por parte do alumnado así que como acercar ás familias o uso das aplicacións propias da Consellería de Educación; así como realizar diversos talleres e charlas relacionados coas TIC (redes sociais, uso de app, dependencia do teléfono…). Polo tanto, podemos dicir que o Plan Dixital contribúe enormemente a reforzar esas actuación previstas no PE, indo de tarefas moi sinxelas como pode ser o manexo de softwares básicos por parte do alumnado como a utilización de programas máis específicos de programación.

Por outra banda, cabe destacar a gran relación que ten o PD cos Plans e Proxectos que se están levando a cabo no centro e que seguiremos a realizar nos vindeiros cursos. Así por exemplo a participación no Proxecta Plus “aprendo programando” supón unha relación directa e estreita coa dixitalización e mellora do centro neste apartado, e así co propio Plan Dixital contribuíndo na utilización de programas e manexo de paquetes informáticos.

Outro programa que consideramos que se debe destacar é a participación no ErasmusPlus, a través da cal o alumnado e profesorado vese na necesidade de manexar plataformas específicas do programa como pode ser “etwinning”. Ademais, a parte de ditas plataformas, supuxo para o alumnado unha familiarización coas novas tecnoloxías debido á necesidade de realizar traballos online cos socios Europeos (Portugal e Italia), así como recorrer a vídeo chamadas e traballos interactivos grupais; polo que a través deste programa estamos contribuíndo enormemente ao Plan Dixital e á inversa, o PD contribúe e reforza estas necesidades de uso das tecnoloxías así como axuda moito a detectar necesidades no alumnado e profesorado en relación á dixitalización.

Edixgal; é evidente que a implantación no centro deste programa, de cara ao curso 2022/23 suporá un paso adiante na mellora de tódolos aspectos relacionados co mundo dixital, tanto en mellora dos equipos do centro, como en dotación, recursos, utilización de novos sistemas operativos, iniciación ao mundo dixital no caso de algúns nenos e nenas e afondamento noutros casos. Así como a necesidade de traballar cos libros electrónicos suporá unha necesidade de utilización e dominio por parte do alumnado e o profesorado.

Para rematar este apartado, imos facer mención ao Clube de Ciencias (programa de innovación no que estamos inmersos), e a través do cal se traballa con infinidade de recursos electrónicos (busca de información, elaboración de presentacións, traballos con aplicacións informáticas específicas, edición de vídeos, etc.)                  

No tocante á avaliación do plan, as reunións do equipo que forma parte do plan Dixital do centro serán trimestrais, onde se valorarán aspectos como o desenvolvemento e a consecución dos obxectivos propostos inicialmente no apartado 3.1, a análise dos resultados de ferramentas, tales como a enquisa SELFIE ou a análise DAFO, marcados no apartado 2.3 e a concreción dos obxectivos personalizados ó noso centro, a partires dos resultados das mesmas ferramentas.

Os procedementos para avaliar o noso plan serán os indicadores de logro marcados nas táboas previamente elaboradas no apartado 3, onde se define cada obxectivo e se engade o indicador, marcado como “Acadado” ou “Non acadado”, segundo se desenvolvese o obxectivo proposto.

Como o carácter desta avaliación é modificable e autoavaliable, as propostas de mellora, o estado da execución das accións definidas polo centro e a resolución de erros, son outros dos aspectos a valorar nas reunións trimestrais de avaliación do plan, sendo modificados ou mellorados polo equipo cando sexa preciso, ou cando os obxectivos non fosen acadados.

Por último, a avaliación final e as reunións para levala a cabo serán anuais e valorarase o logro dos obxectivos e fixaranse as propostas de mellora do plan.

O plan dixital do CPI Uxío Novoneira terá en conta aspectos como a infraestrutura tecnolóxica, a formación docente, os contidos educativos dixitais, a equidade no acceso, a seguridade e privacidade, así como a avaliación e seguimento. Un enfoque integral que aborde estes aspectos clave pode axudar a garantir unha implementación exitosa e beneficios para toda a comunidade educativa.

Valoramos moi positivamente o aumento na utilización da aplicación Abalar, o mesmo que acadar o obxectivo de uso de ordenadores por parte do alumnado. Así mesmo mellorou a competencia no uso de software básico asociado a E-Dixgal.

Os resultados obtidos, tras realizar a avaliación do PDC, quedarán reflectidos na Memoria Anual do centro, así como as propostas de mellora que se consideraron oportunas. Ademais, resulta aconsellable realizar, con carácter anual ou bianual, unha comparativa da situación do centro volvendo avaliar a competencia dixital do mesmo a través da ferramenta SELFIE. Para o vindeiro curso manteremos os nosos obxectivos.

Para a difusión do Plan Dixital entre toda a comunidade educativa, elaboramos un plan estratéxico de publicidade entre toda a comunidade educativa, que se baseará nos seguintes puntos de actuación (non se teñen que realizar necesariamente no orde que aparecen a continuación):

• Trasladarase toda a información necesaria respecto ao plan dixital ao claustro de profesores e profesoras, no vindeiro claustro e CCP de fin de curso cun punto específico sobre dito plan.

• Porase en coñecemento das familias do centro o presente documento, a través das canles oficiais (Abalar e web oficial do centro). Na web, en concreto, crearase un aviso específico o día da publicación e a maiores un apartado específico na propia web para maior facilidade no caso de querer consultar o documento.

• A maiores, na reunión de familias de fin de curso, explicaranse brevemente as principais actuacións do presente documento de cara ao funcionamento do centro e a relación co PE e PXA de cara aos vindeiros cursos.

• Imprimirase unha copia do PD, que quedará na sala de profesorado, para que todo o profesorado e persoal non docente teña acceso a ela; así como haberá outra en secretaría por si algunha familia quere realizar algunha consulta.

• En setembro, no claustro de inicio de curso 2022-2023 haberá un punto da reunión adicado ao PD para trasladar toda a información relevante ao novo claustro.

• Do mesmo xeito, na posterior reunión de familias do vindeiro curso, farase o mesmo que o mencionado no punto anterior.