Datos básicos do centro
IES da Pobra do Caramiñal, c/ Xobre, 22, 15949 A Pobra do Caramiñal, A Coruña.
Email: ies.pobra.caraminal@edu.xunta.gal. Páxina web: https://www.edu.xunta.gal/centros/iespobracaraminal/ . ESO, bacharelato e ciclos, medio de auxiliar de enfermería e superior de dietética (282 alumnos en ESO, 76 en bacharelato e 79 en ciclos, 53 profesores.
Contextualización do Plan Dixital no centro. Contribución ao Proxecto Educativo do Centro
Característica socioeconómicas e culturais do contexto do centro (as podemos extraer do Proxecto Educativo). O alumnado do IES da Pobra do Caramiñal provén, na súa maioría, do propio concello da Pobra, agás no caso dos ciclos formativos (C.F.), onde hai unha parte considerable que reside nos concellos limítrofes, e que acude a este pola oferta dos dous ciclos da Formación Profesional da familia de Sanidade: Ciclo Medio de Enfermería e Ciclo Superior de Dietética. Proveñen, xa que logo, de lugares de Ribeira, Rianxo, Boiro e o Son, de onde se desprazan diariamente, fundamentalmente en autobús e coche particular. En canto aos medios de transporte utilizados polo alumnado de C.F. (aquel que reside máis lonxe e que procede de diferentes concellos), o máis importante é o coche particular e o autobús de liña regular. Hai, como é lóxico, un grupo importante de alumnas e alumnos que se desprazan a pé ata o centro. A distancia que teñen que percorrer oscila entre menos de 2 quilómetros e máis de 30, sendo o grupo máis numeroso aquel que se sitúa entre os cinco e os dez quilómetros. O tempo que tardan en chegar á casa sitúase en arredor dos 20 minutos como media, situándose un grupo importante en torno á media hora de traxecto. No referente ós alumnos de ESO e Bacharelato, o medio de transporte máis utilizado é con moita diferencia o autobús. Hai dúas compañías de transporte para estes alumnos, dos cales os da ESO non deben pagar nada (están subvencionados pola Xunta) e os de Bacharelato pagan a través dun sistema de tiquets. A compañía de autobus é Ferrín.
Incardinación e contribución do PD ao Proxecto Educativo. Relación con outros Plans e proxectos do centro: traxectoria no ámbito das novas tecnoloxías, programas de innovación nos que participa. O noso centro leva todos estes anos traballando nos primeiros cursos con Abalar, que virá a ser sustituido no curso que ven por Edixgal, a sua traxectoria nas novas tecnoloxías
Contribución do PD á Programación Xeral Anual do curso 22/23. Este plan dixital servirá de apoio a todas as accións emprendidas no vindeiro curso, colaborando na relación e comunicación entre o centro e as familias, fomentando unha mellora metodolóxica do profesorado no tocante ao emprego das novas tecnoloxías e servirá de garante no proceso de alfabetización dixital do alumnado, velando porque este se faga dentro de criterios unificados no claustro de profesores.
Breve xustificación do mesmo
É fundamental dar un enfoque de centro ao uso dos recursos pedagóxicos dixitais, aproveitando as posibilidades e recursos dispoñibles, de modo que se converta nun proxecto compartido para os membros da comunidade educativa, que dea coherencia e guíe o uso das tecnoloxías. Será un instrumento que forme parte do Proxecto Educativo, o Proxecto de Dirección e a Programación Xeral Anual ( PXA). Neste senso o centro leva apostando polas novas tecnoloxías, incorporando a sua labor diaria o uso de aulas virtuais, dde pizarras e equipos nas aulas, e fomentando desde o departamento de tecnoloxía coñecementos en robótica, programación e impresión 3D.
A referencia fundamental para que os centros desenvolvan o seu potencial dixital a través dun Plan é o Marco Europeo para Organizacións Educativas Dixitalmente Competentes ( DigCompOrg), desenvolto polo Centro Común de Investigación ( JRC, Joint Research Centre), da Comisión Europea. Este Marco é parte do estudo Furthering Innovative Education, posto en marcha pola Dirección Xeral de Educación Cultura da Comisión Europea e o Centro Común de Investigación–Instituto de Estudos de Prospectiva Tecnolóxica ( IPTS). A elaboración deste marco europeo ten tido en conta e ten mapeado outros marcos xa existentes e recoñecidos, como OPEKA (Finlandia), Microsoft SRT, School Mentor (Noruega), Vensters (Holanda), Speak Up NRP (EE. UU.) ou HEInnovate, asi como as instruccións que se poden seguir na web do INTEF (Instituto Nacional de Tecnologías Educativas y de Formación del Profesorado) entre outros. O plan dixital desenvolvese en cumprimento da seguinte normativa:
Art. 111 bis, Art. 121 e Art. 132 da LO 2/2006, de 3 de maio, de Educación
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
