Na actualidade, o IES Porto do Son acolle a modalidade de Educación Secundaria Obrigatoria (1º, 2º, 3º e 4º), bacharelato de ciencias sociais e de ciencias e tecnoloxía e máis o ciclo formativo de grado medio “Guia no medio natural e de tempo libre”. 

No curso académico 2023/2024 hai matriculados un total de 377 alumnas e alumnos distribuídos de acordo co seguinte esquema:

• 1º ESO con tres grupos A, B e C con 19, 19 e 18 alumnas e alumnos respectivamente.
• 2º ESO con tres grupos A, B e C con 22 alumnas e alumnos cada grupo.
• 3º ESO con tres grupos A, B e C con 22, 22 e 23 alumnas e alumnos, respectivamente.
• 4º ESO con tres grupos con 18, 17 e  alumnos e alumnas respectivamente.
• 1º de Bacharelato con tres grupos de 15, 16 e 23 alumnas e alumnos, respectivamente.
• 2º de Bacharelato con dous grupos de 23 e 19 alumnas e alumnos respectivamente.
• 1º CF con 23 alumnas e alumnos
• 2º CF, dous grupos de 18 e 2 alumnas e alumnos respectivamente

A día de hoxe prestan os seus servizos no centro 47 profesores, un administrativo, dous conserxes e 4 limpadoras.

O profesorado repártese nos seguintes departamentos: Ciencias Naturais, Artes Plásticas, Economía, Filosofía, Educación Física, Física e Química; Francés, Inglés, Lingua Castelá e Literatura; Lingua Galega e Literatura; Grego, Matemáticas, Música, Orientación, Relixión, Tecnoloxía, Xeografía e Historia; PROA e ARCO.

Tal e como se recolle no Proxecto Educativo de Centro, a coordinación da actividade xeral do Centro corre a cargo do equipo directivo, cuxa composición é a seguinte: Santiago López, director; Francisco Mariño, xefe de estudos; Sandra Alvite, vicedirectora; Luisa Lires, secretaria.

O IES Porto do Son atópase no lugar das Laxes, concretamente a uns dous mil metros da capital do concello que dá nome ao propio centro e que está situado na ria de Muros e Noia da provincia da Coruña. O terreo que ocupa resalta pola súa forte pendente, a súa constitución rochosa e a estreita relación coa praia de Cabeiro e costa da ría amplamente exposta ao nordés.

O perfil socio-laboral do Concello de Porto do Son non é moi alentador, con, aproximadamente 9.271 habitantes e unha media de idade 44,70 anos (datos do 2018); o concello perde poboación cada ano. A taxa de paro é, no verán, dun 19%, predominando no emprego un sector servizos que triplica os demais sectores; no secundario predomina a ocupación na construción sendo as actividades do primario maioritariamente pesqueiras. Estas actividades inflúen na motivación e nos intereses do alumnado debido a que os traballos habituais da súa contorna non esixen máis alá do título da ESO.

No centro, o nivel de competencia curricular xeral é mellorable, xa que nos atopamos nun marco no que o índice socioeconómico do centro é medio-baixo. O ambiente de traballo é bo sendo a comunicación entre alumnado e profesorado fluída.

As nais e pais do noso alumnado sitúanse maioritariamente entre os 40-50 anos de idade e apenas un 2% exerce profesións liberais. Un 57% vive en pequenos núcleos rurais, o 65% non ten, ou ten estudos básicos e só o 12 % acada os estudos universitarios. A poboación sonense dispón dunha biblioteca pública e de 8 casas da cultura situadas nas distintas parroquias. Soamente un 10% recoñece facer uso da biblioteca pública sendo incluso, a intervención en actos culturais, esporádica. Un 7% da poboación non ten acceso a web e a conectividade (ancho de banda) do territorio é baixa. Para rematar, hai que lembrar tamén a baixa participación e implicación dos pais e das nais na vida do IES a cal se fai evidente na pobre asistencia ás votacións do Consello Escolar.

Con respecto ao tratamento da realidade dixital educativa, partimos dunha situación, recollida no PEC, moi parecida a da maioría de centros Galegos de características similares ao noso. Dentro deste PEC faise referencia á abordaxe das TIC como unha ferramenta máis para implementar metodoloxías activas. Neste senso, o PD servirá dun punto de partida para organizar os diferentes proxectos interdisciplinares do no noso centro, dado que, en gran medida, todos eles xiran entorno ás TIC e ao proceso de dixitalización do alumnado:

• Club de Ciencias.
• Plan TIC.
• PLAMBE.
• Espazo MAKER.
• Polo creativos.
• PFPP vinculado aos dispositivos de Polos Creativos.

En base a este punto de partida o PD deberá contribuír na PXA como un documento guía que defina os diferentes aspectos da dixitalización no centro educativo, desde a súa propia organización e da infraestrutura dixital que posúe ata os diferentes plans e programas anuais (plan de biblioteca, programa de formación de profesorado, etc.).

A avaliación deste plan pasa por contrastar, ao final do ano, os obxectivos acadados, en función do seguimento que se levará a cabo ao longo dos tres trimestres do curso. Por un lado, valorarase a realización das accións previstas e, en último termo, compararase o/os indicadores definidos para cada un dos obxectivos coa realidade obtida na actividade do noso centro. As desviacións detectadas con respecto ao planificado, serán os piares básicos para definir as actuacións precisas para os vindeiros anos. 

En canto aos obxectivos que teñen un cumprimento plurianual, será preciso valorar si o indicador seleccionado se axusta á realidade, modificándoo en caso contrario.

En xeral, o resultado da aplicación de medidas propostas, concretadas  nos 9 obxectivos do plan, resultou moi satisfactoria. Abordáronse practicamente tódolos puntos, ainda que algúns deles non se puideron levar a cabo.

Buscar a maneira de propoñer situacións e/ou proxectos que poidan ser desenvoltos desde unha perspectiva multidisciplinaria. Este aspecto debe pasar ademais por coordinar, dalgún xeito, os horarios do profesorado que desexe propoñer actuacións nesta liña, de maneira que sexan compatibles entre os participantes (coincidencia horaria, secuencia de espazos horarios,...)

Tamén se debe estudar a maneira de acometer o obxectivo nº 3, aquel que fala da coordinación con entidades privadas da contorna. Desde o ámbito do ciclo formativo do noso centro, e coa entrada da nova lexislación que o regula (FP dual) poderíase, seguramente, ter unha actuación máis adecuada,

A primeira medida para difundir este documento foi a súa exposición no claustro de profesores. Nese foro debatíronse as particularidades do mesmo e déronse a coñecer os aspectos máis relevantes. A continuación, trasladouse o documento a un espazo da Aula Virtual do centro, no que se creou un curso específico para este fin. Alí, ademais da exposición do plan, albérganse todas as actividades e recursos que van xurdindo en relación cos obxectivos do plan. Finalmente, unha vez rematada a actualización do presente documento, elaborouse unha infografía resumo, coa referencia aos 9 obxectivos do plan. Este documento foi enviado a todo o claustro e colgado nun panel informativo da sala de profesores, para a súa consulta pública.

Finalmente, existe un acceso permanente na páxina web do instituto, a través do cal se pode consultar o documento aprobado. O enlace a ese documento é o seguinte: Plan Dixital

No presente curso, está previsto que a aplicación Educalidade funciones coma un repositorio dos Plans Dixitais de todos os centros educativos. As actualizacións do documento, que se irá revisando ao longo dos vindeiros cursos, podera ser consultada a través do buscador da aplicación Educalidade.