Plan do centro
Vixencia
Introdución
Contexto DAFO
Obxectivos
Seguimento
Realizouse unha reunión inicial, no mes de setembro, para valorar a direción que debe tomar o novo plan de traballo.
Acórdase, entre os membros do equipo, realizar unha reunión de traballo cada mes, para valorar a marcha das accións desenvoltas, contrastando a realidade cos indicadores utilizados e guiándonos pola temporalización incluída na propia descrición dos obxectivos.
Cada trimestre, e nesta mesma lapela, reseñaranse os avances do plan, recollendo aquelas actuacións desenvoltas segundo a planificación acordada.
Abordouse, de inicio, o traballo de preparación e optimización das aulas virtuais dos diferentes departamentos. Os traballos de mantemento explicados no decálogo de bo uso da AV foron divulgados de novo, apoiados nos vídeos titoriais producidos para este fin. Nesta mesma web, preparouse o recurso de reservas de espazos, centrado na xestión das aulas de Polos Creativos (obxectivo nº 9).
Así mesmo, se abordou o obxectivo nº 2, propoñendo intercambios de experiencias e coñecementos entre profesores en relación coa competencia dixital.
Deseñouse e planificouse tamén, os contidos do PFPP, que desta vez se vai centrar na formación do equipamento de Polos Creativos.
Neste trimestre centrouse o desenvolvemento do curso de formación en equipamento dos Polos Creativos, que ven definido no obxectivo nº 4.
Así mesmo, seguimos traballando na ampliación da base de datos que contén unha recompilación de aplicacións dixitais de interese para a función docente (obxectivo nº 6).
De igual xeito, promoveuse a participación do profesorado en cursos de formación no eido das competencias dixitais. Duas persoas obtiveron o certificado do nivel de competencia dixital B2 ao superar con éxito este curso. Esta actuación englóbase dentro do obxectivo nº 7.
Neste último trimestre as actuación dirixíronse a traballar o obxectivo nº 8, a través do cal se promovía a utilización do libro de cualificacións da AV para mellorar e optimizar os traballos de xestión do profesorado. Obsérvase un aumento significativo do profesorado que comeza a utilizar este recurso. Así mesmo, obsérvase un notable incremento da utilización de funcións avanzadas na cualificación que propón Moodle.
Avaliación
A avaliación deste plan pasa por contrastar, ao final do ano, os obxectivos acadados, en función do seguimento que se levará a cabo ao longo dos tres trimestres do curso. Por un lado, valorarase a realización das accións previstas e, en último termo, compararase o/os indicadores definidos para cada un dos obxectivos coa realidade obtida na actividade do noso centro. As desviacións detectadas con respecto ao planificado, serán os piares básicos para definir as actuacións precisas para os vindeiros anos.
En canto aos obxectivos que teñen un cumprimento plurianual, será preciso valorar si o indicador seleccionado se axusta á realidade, modificándoo en caso contrario.
En xeral, o resultado da aplicación de medidas propostas, concretadas nos 9 obxectivos do plan, resultou moi satisfactoria. Abordáronse practicamente tódolos puntos, ainda que algúns deles non se puideron levar a cabo.
Buscar a maneira de propoñer situacións e/ou proxectos que poidan ser desenvoltos desde unha perspectiva multidisciplinaria. Este aspecto debe pasar ademais por coordinar, dalgún xeito, os horarios do profesorado que desexe propoñer actuacións nesta liña, de maneira que sexan compatibles entre os participantes (coincidencia horaria, secuencia de espazos horarios,...)
Tamén se debe estudar a maneira de acometer o obxectivo nº 3, aquel que fala da coordinación con entidades privadas da contorna. Desde o ámbito do ciclo formativo do noso centro, e coa entrada da nova lexislación que o regula (FP dual) poderíase, seguramente, ter unha actuación máis adecuada,
Comunicación e difusión
A primeira medida para difundir este documento foi a súa exposición no claustro de profesores. Nese foro debatíronse as particularidades do mesmo e déronse a coñecer os aspectos máis relevantes. A continuación, trasladouse o documento a un espazo da Aula Virtual do centro, no que se creou un curso específico para este fin. Alí, ademais da exposición do plan, albérganse todas as actividades e recursos que van xurdindo en relación cos obxectivos do plan. Finalmente, unha vez rematada a actualización do presente documento, elaborouse unha infografía resumo, coa referencia aos 9 obxectivos do plan. Este documento foi enviado a todo o claustro e colgado nun panel informativo da sala de profesores, para a súa consulta pública.
Finalmente, existe un acceso permanente na páxina web do instituto, a través do cal se pode consultar o documento aprobado. O enlace a ese documento é o seguinte: Plan Dixital
No presente curso, está previsto que a aplicación Educalidade funciones coma un repositorio dos Plans Dixitais de todos os centros educativos. As actualizacións do documento, que se irá revisando ao longo dos vindeiros cursos, podera ser consultada a través do buscador da aplicación Educalidade.