1. Introdución
1.1. Datos básicos do centro
NOME: CPR. Plurilingüe Hermanos Quiroga Rodríguez
DIRECCIÓN: 2ª Travesía Antonio Palacios nº 16 O Porriño Pontevedra
CORREO: cpr.hermanos.quiroga@edu.xunta.gal
WEB: www.colegiohermanosquiroga.es
ETAPAS EDUCATIVAS: INFANTIL, PRIMARIA, ESO
Nº DE ALUMNOS/AS: 276
PROFESORADO: 21
1.2. Contextualización do Plan Dixital no centro. Contribución ao Proxecto Educativo do
Centro
O CPR Plurilingüe Hermanos Quiroga é un centro urbano. O contexto social e cultural que
define a comunidade do Hermanos Quiroga está caracterizado pola existencia de grupos sociais de
diferente condición (en canto á súa procedencia e dimensión étnica, situación económica e social,
intereses e motivacións, etc.).
O noso alumnado provén maioritariamente dos barrios achegados de familias con
residencia principalmente no Porriño.
En canto ao nivel de formación, a maioría dos pais posúen estudos primarios. Os estudos
secundarios posúenos o 80% das nais e pais, sendo menor a posesión de estudos superiores.
No noso centro, como reflexo da sociedade actual, convive alumnado diverso: alumnado
cun bo rendemento académico xunto con alumnado con necesidades educativas especiais derivadas
dalgunha discapacidade, alumnado con atraso escolar que precisan adaptacións significativas do
currículo, alumnado desmotivado, con actitudes e/ou comportamentos pouco axeitados ante as
aprendizaxes escolares e, tamén, alumnado cunhas características culturais ou sociais que se afastan
dos da maioría.
O noso contexto socioeconómico é de nivel medio pero azoutado polas circunstancias
destes 2 últimos anos que provocan inestabilidade e incerteza en toda a contorna.
Nun mundo cada vez máis dixitalizado aspiramos a que este Plan mellore a competencia
dixital de toda a comunidade educativa e formar ao noso alumnado en igualdade e preparalos para
os desafíos que se lles presentan no futuro.
1.3. Breve xustificación do mesmo
¿ Art. 111 bis, Art. 121 e Art. 132 da LO 2/2006, de 3 de maio, de Educación
¿ Disposición adicional quinta da Resolución do 17 de xuño de 2021, da Secretaría Xeral de
Educación e Formación Profesional, pola que se ditan instrucións para o desenvolvemento
das ensinanzas de EI, EP, ESO e bacharelato no curso académico 2021-2022
¿ Disposición adicional terceira da Resolución do 18 de xuño de 2021, da Secretaría Xeral de
Educación e Formación Profesional, pola que se ditan instrucións para o desenvolvemento
dos ciclos formativos de FP do sistema educativo no curso 2021- 2022
¿ Resolución do 3 de setembro de 2021, da Secretaría xeral de Educación e Formación
Profesional, pola que se ditan instrucións para o deseño, elaboración e implementación do
Plan Dixital nos centros docentes sostidos con fondos públicos da Comunidade Autónoma de
Galicia para o curso 2021-2022
1.4. Proceso de elaboración
O coordinador TIC dentro do Equipo de Dimanización do Plan Dixital do Centro Hermanos
Quiroga é Javier Martínez López. O seu labor será o de establecer
a coordinación cos diferentes profesores e departamentos, para configurar o acceso ás novas
tecnoloxías en todos os ciclos educativos. O profesorado participará do proxecto a través dos
coordinadores dos xefes do departamento, colaborando na xestión e a dinamización escolar e
incluíndo nas súas programacións as actividades que se expoñen neste proxecto.
