1.XUSTIFICACIÓN DO PLAN DIXITAL EN RELACIÓN COA NORMATIVA VIXENTE
- Art. 111 bis, Art. 121 e Art. 132 da LO 2/2006, de 3 de maio, de Educación
- Disposición adicional quinta da Resolución do 17 de xuño de 2021, da Secretaría Xeral de
Educación e Formación Profesional, pola que se ditan instrucións para o desenvolvemento
das ensinanzas de EI, EP, ESO e bacharelato no curso académico 2021-2022
- Resolución do 3 de setembro de 2021, da Secretaría xeral de Educación e Formación
Profesional, pola que se ditan instrucións para o deseño, elaboración e implementación do
Plan Dixital nos centros docentes sostidos con fondos públicos da Comunidade Autónoma de
Galicia para o curso 2021-2022
2. CONTEXTUALIZACIÓN DO P.D. NO CENTRO E CONTRIBUCIÓN AO PROXECTO EDUCATIVO.
A E.E.I A Capela está situada na parroquia de San Paio de Carreira, concello de
Ribeira,no lugar da Capela. A nivel económico, trátase dunha poboación que obtén os seus
ingresos maioritariamente de actividades do sector primario (pesca, agricultura) e do sector
terciario (industria e servizos, maioritariamente nas empresas relacionadas co mar .
A poboación da zona está tendo un pequeno aumento da natalidade, dato que repercute
moi positivamente no número de matriculas cada ano na escola, no curso actual un total
de 25. O tipo de vivenda máis habitual e maioritaria do alumnado do centro é unha edificación
propia, enclavada no ámbito rural. En canto as características familiares, trátase de familias
nucleares, que se atopan aumentadas pola presenza na vivenda dos avós regularmente ,e
outros familiares achegados.
A lingua vehicular da poboación e do aprendizaxe é o galego.
Dentro dos Obxectivos da PXA referidos ao propio centro, cabe sinalar os seguintes :
1. Traballar nas xestións oportunas para conseguir unhas aulas ben acondicionadas, tanto
nos espazos, coma no mobiliario e no material didáctico e dixital.
2. Continuar coa formación dende o centro destinada a crear un “PATIO VIVO” con ambientes
propios da etapa de educación infantil. Traballaremos neste obxectivo coa continuación por 3o
ano consecutivo do noso PFPP : Transformación do patio, así como tamén coa presentación
dos CP Innova e CP Inclúe-T.
3.Continuar a formación en aulas virtuais para a posta en marcha da páxina web da escola
(xa creada) e unha aula virtual propia.
3.PROCESO DE ELABORACIÓN
Dadas as características da escola, o Plan Dixital foi enteiramente elaborado polas
dúas mestras definitivas-titoras, sendo a coordinadora a mestra responsable da escola.
