Datos básicos do centro
- Nome: CEIP Alfredo Brañas
- Dirección: R/ Porta Santa, 19 – Paiosaco – 15145 A Laracha (A Coruña).
-Teléfono e Fax: 881 880 700 – 881 880 701
- Código de centro: 15025256
- Correo-e: ceip.alfredo.branas@edu.xunta.gal
- Páxina web: www.edu.xunta.gal/centros/ceipalfredobranas
- Blogues: http://ceipalfredobranas.blogspot.com/
https://oblogdefiruca.blogspot.com/
-Etapas Educativas : Infantil e Primaria
-Número de alumnado: 149 alumnos e alumnas
Contextualización do Plan Dixital no centro. Contribución ao Proxecto Educativo do Centro
O CEIP alfredo Brañas está situado a 700 m do centro urbano do lugar de Paiosaco, pertencente a parroquia de Lestón (San Martiño), no concello da Laracha. Acoden ao centro alumnado residentes nas parroquias de Lestón, Coiro, Erboedo e Soandres. Por proximidade xeográfico tamén temos alumnado da parroquias de Monteagudo e Larín do Concello de Arteixo que buscan un centro .
Se ben tradicionalmente a agricultura e gandería eran os sectores económicos predominantes , a proximidade da factoría Inditex mudou o tecido económico de todo o concello. Moitas das nosas nais traballan ben en talleres asociados á factoría ou ben na sede da mesma e moitos dos nosos pais traballan en empresas subsidiaras de transportes e construción tamén para dita empresa. A agricultura e a gandería seguen presentes fundamentalmente como autoabastecemento, se ben o sobrante seguen a comercializalo na Feira de Paiosaco que segue a ser outro dos motores económicos da zona.
O ISEC, segundo as ultimas enquisas realizadas, sitúan o nivel económico da zona no grado medio ou grado medio -baixo.
Ao estar ente dous núcleos poboados como Arteixo e Laracha, Paiosaco recibe poboación inmigrante cada ano procedente de Africa, América Latina e en menor medida de Europa do Leste. O 10% do noso alumnado pertence a ese grupo de poboación. A maioría son parellas novas que escollen Paiosaco por ser máis económica a vivenda que os núcleos antes citados. Este aporte migratorio contribúe a que o centro manteña unha ocupación mínima do 70% do total da matrícula.
Tendo en conta todo o antedito, o noso alumnado é heteroxéneo, con un alto nivel de participación nas actividades complementarias , se ben, a maior idade máis sedentarios na utilización do tempo libre, fundamentalmente polo uso de dispositivos electrónicos.
As relacións coas familias son satisfactorias e sempre que as condicións o permiten, participan activamente na vida do centro.
Unha vez finalizado e aprobado o Plan dixital incorporarase ao Proxecto Educativo de centro. Compre sinalar que para o curso 2022/23 teremos que reformar toda a documentación do centro debido a entrada en vigor a LOMLOE.
Evidentemente, aínda que a elaboración deste Plan foi esixida por normativa, no centro eramos consciente de que tiñamos que incrementar o traballo coas novas tecnoloxías e polo tanto a presencia dese traballo na procura de proporcionar ao noso alumnado unha competencia dixital, figurará como cada ano na PXA e nas programacións correspondentes.
O Plan de Dixital compartirá protagonismo co Plambe , co proxecto Digicraft e, no caso de que se nos conceda, co programa de Polos Creativos.
Proceso de elaboración
Sinalar neste apartado, a colaboración en todo momento prestada pola nosa asesora ADIX, moi presente pese a que tivo que dar a cara dado que todos os materiais chegaron tarde e as instrucións foron variando segundo o momento para acabar finalmente nunha carreira ás tolas por acabar.
Pese esa mala temporalización, o proceso de elaboración comezou realizando un cuestionario SELFIE por parte de alumnado, claustro e dirección e posteriormente o cuestionario TCDD por todo o profesorado. Ambos procesos contaron cunha alta participación.
