Este centro consta de  2 unidades mixtas que abrangen os seguintes cursos (4º-5º-6º de Educación Infantil e 1º e 2º Educación Primaria).

Este centro está adscrito ao C.P.I. Castro Baxoi. Consta de dúas mestras unha definitiva e outra con plaza habilitada e unha mestra de inglés itinerante con outras 3 escolas unitarias da zona.

Esta é unha escola rural, unitaria, mixta e pública, de educación infantil e o primeiro ciclo de primaria  que pertence á Consellería de Educación da Xunta de Galicia e está situada na parroquia de Bemantes. O seu modelo educativo esta¿ baseado en pedagoxías activas e vivenciais. Un espazo humano, pedagóxico e reflexivo, adicado ao coidado, desenvolvemento e aprendizaxe de todos os  nenos e  nenas coa finalidade de potenciar e respectar as habilidades naturais de cada un deles.

A finalidade do noso Centro educativo é que o alumnado aprenda e fórmese como individuo da sociedade na que vive. En consecuencia, a propia organización vai mellorando a través da súa práctica e da reflexión sobre ela, así como das relacións que establece coa súa contorna.

O Plan Dixital de Centro debe encaixar no contexto institucional máis amplo que vén recollido noutros documentos institucionais, como o Proxecto Educativo de Centro e ambos os documentos deben estar en total consonancia e ser complementarios.

Este Plan Dixital de Centro propón recoller as actuacións para mellorar a competencia dixital do Centro e de todos os sectores da comunidade educativa. O
proceso de desenvolvemento e difusión das tecnoloxías é imparable. Tanto para a mellora dos procesos educativos que ocorren fóra ou dentro da aula, como para aqueles procesos que contribúen a que os centros educativos cumpran a súa función formativa, consolidáronse xa unha serie de recursos, ferramentas e servizos. Por este motivo é necesario que abordemos a tecnoloxía desde unha perspectiva máis global, entendendo o Centro como a unida de transformación e deseñando plans de mellora que poidan ser desenvoltos no Centro.
O Marco de Competencia para Organizacións Educativas Dixitalmente Competentes permítenos facer unha análise da realidade dos nosos centros e deseñar un plan de acción. Os centros educativos formamos parte dun mundo en cambio permanente e dunha sociedade e mercado laboral cada vez máis dixitalizado e por eles debemos dar respostas a estas necesidades e demandas da sociedade e mercado laboral para poder formas cidadáns do futuro coas competencias necesarias para desenvolverse nunha contorna dixitalizada. O uso da tecnoloxía é necesario nas diversas prácticas que teñen lugar nunha organización escolar, desde as relacións coas cuestións organizativas ata os procesos de ensino e aprendizaxe.

É evidente que, para asegurar a igualdade social, a mellora das condicións de vida de comunidades e persoas, a educación é un recurso crave. A Estratexia Europa 2020 recoñece a necesidade dunha transformación dos sistemas de educación e formación que garanta a adquisición de competencias dixitais e permita aproveitar as oportunidades.

É necesario que as organizacións educativas revisen as súas estratexias co obxectivo de mellorar a súa capacidade para promover a innovación e sacar o máximo partido das tecnoloxías da información e comunicación, e dos recursos dixitais.

Mediante o obxectivo do Plan Dixital de Centro preténdese:

• Avaliar a situación do noso Centro educativo con relación ao uso das TIC nos distintos elementos crave que recolle o Marco Europeo para Organizacións Educativas Dixitalmente Competente para poder deseñar e emprender un proceso de transformación no Centro.
• Recoñecer o Plan Dixital de Centro como un recurso crave para a planificación da estratexia dixital dunha organización educativa.
• Transformar o noso Centro educativo nunha organización que aprende, sendo só posible se é unha organización dixitalmente competente.
• Valorar as implicacións das organizacións escolares para desenvolver unha cultura dixital nas mesmas. 

O deseño do Plan Dixital de Centro recollerá as ideas principais, determinará as prioridades e establecerá os niveis de planificación [programas, proxectos e/ou accións] que marcarán o plan de traballo do Centro escolar no seu proceso de cambio e mellora. 

O Plan Dixital de Centro debería permitir á comunidade educativa:

• Visualizar onde quere que chegue o Centro.

• Entender onde está actualmente.

• Trazar o camiño que leve dun estado ao outro.

Para avaliar o seguimento do desenvolvemento do plan será necesario medir o grao da consecución de obxectivos  que nos marcamos.Tamén será necesario comprobar a efectividade das actuacións levadas a cabo de xeito específico e concreto.

Todos estes aspectos abrangarán:

- A avaliación  trimestral. 

- A avaliación final . O informe de progreso formará parte da Memoria anual do Centro.

Para levar a cabo a avaliación, teremos en conta os seguintes instrumentos e ferramentas:

Os indicadores asociados a cada un dos obxectivos e accións.

Dada a natureza do noso proxecto educativo e as características do centro, as propostas implementadas tentaron cohexionar tanto os obxectivos do Plan dixital cos do noso centro e particularidades. Algúns dos obxectivos non se cumpliron e considerase a necesidade de incorporar algún outro no vindeiro curso (propostas de mellora).

De cara ao vindeiro curso tentarase achegarse a aqueles obxectivos que non se cumpliron como o de achegar o ABALARPRO as familias. A vez que se considera necesario incorporar outros de especial necesidade para que consten como prioridades non tanto para nos como centro sino como prioritarios para a Consellería ( acceso a sede electrónica das unitarias e sinatura dixital para as mesmas, co fin de axilizar tramiter e facilitar o traballo administrativo).

A difusión do Plan Dixital ten como obxectivo compartir, informar e difundir os resultados concretos do proxecto. 

Medidas de difusión:

• Reunións entre mestres onde se darán a coñecer os aspectos referidos a este plan.
• Difusión a través da web do centro a toda a comunidade educativa. 
• A memoria final de curso onde se establecerán as propostas de mellora.