Plan do centro
Vixencia
Introdución
Contexto DAFO
Obxectivos
Seguimento
O ED do Plan Dixital realizará, alomenos, unha xuntanza por trimestre para valorar a evolución deste Plan.
A persoa mentora ADIX realizará, aquelas visitas que se consideren oportunas para
analizar xunto coa persoa coordinadora do PD, o desenvolvemento do mesmo. Asemade, manterán comunicación fluída para solventar as dúbidas que poidan xurdir.
A persoa coordinadora terá acceso a ferramenta Educalidade para rexistrar os avances e avaliacións deste Plan, baixo a supervisión da persoa directora.
Ao longo do primeiro trimestre do presente curso acadouse o obxectivo O01PD relativo a mellorar a competencia do profesorado no uso dos paneis dixitais como ferrramenta educativa. Concretamente, no caso deste obxectivo, tódalas accións propostas pódense considerar acadadas:
AO1.1: Detección das necesidades de aprendizaxe a través dunha enquisa. Realizouse como paso previo á seguinte acción.
AO1.2: Solicitude de formación ao respecto. Solicitouse ao CFR a creación dun seminario de formación en paneis dixitais.
AO1.3: Aplicación da formación recibida á práctica docente nas aulas. Despois da docencia recibida o día 20 de novembro, o profesorado tivo a oportunidade de adquirir coñecementos e despexar dúbidas sobre o funcionamento dos paneis dixitais, así como de aprender novas funcionlidades que lle permiten un maior aproveitamento deste recurso.
Aproveitouse ademais a oportunidade para reactivar as contas de acceso á aula virtual, tanto do alumnado coma do profesorado que así o solicitou.
Esta última acción está en proceso, xa que o seminario continúa a desenvolverse ao longo do segundo trimestre.
En relación ao O03PD "Fomentar as boas prácticas na rede por parte de toda a Comunidade Educativa", realizouse a acción AO3.1: Participación no Plan Director, proporcionando información sobre ciberseguridade e acoso na rede ao alumnado. As charlas ao alumnado sobre ciberacoso e perigos na internet, tiveron lugar o 17 de outubro. Esta formación completouse, o día 25 de outubro, con outra charla ao alumnado de 6º curso da E.P sobre ciberseguridade, por parte do Concello.
Finalmente, respecto ao O04PD "Desenvolver a competencia dixital da comunidade educativa e o uso das tecnoloxías dixitais no proceso de ensino-aprendizaxe", está iniciada a primeira acción AO4.1 Participación no Programa de Innovación Educativa Polos Creativos. A persoa coordinadora de Polos Creativos do centro acudíu o 17 de outubro ás xornada de acollida, así como ás sesións de formación propostas.
En xeral, o EDPD e a mentora ADIX, consideran que o proceso vai por bo camiño.
No relativo ao O02PD "Xeneralizar o uso de ferramentas corporativas", iniciouse no primeiro trimestre coa realización da enquisa entre o profesorado e, neste segundo trimestre, acadouse a acción AO2.2, xa que se facilitou aos docentes unha relación das ferramentas corporativas, así os manuais de instruccións correspondentes, para facilitar o seu coñecemento e uso por parte do profesorado do centro.
Neste segundo trimestre as actuacións estiveron máis centradas no obxectivo O04PD, levando a término as accións:
AO4.1:Participación no Programa de Innovación Educativa Polos Creativos. A persoa coordinadora de Polos Creativos realizou a formación didáctica e técnica ao respecto.
AO4.2:Configuración das diferentes accións vinculadas ao Polo creativo, partindo dunha análise do contexto e orientadas a contribuír ao desenvolvemento comunitario. O profesorado do centro interesado, participou en dúas formacións sobre Plotter de corte e M-Bot2, realizadas no centro os días 14 e 21 de marzo respectivamente.
AO4.3: Implementación nas aulas dalgunha actividade vinculada ao Polo creativo. Despois da formación recibida e co material de préstamo do CFR, implementáronse diversas actividades nas diferentes aulas do centro: creación de podcast, automatismos en cartón, deseño e corte de pegatinas...
Neste terceiro trimestre, a primeira acción realizada está vinculada ao obxectivo O03PD "Fomentar as boas prácticas na rede por parte de toda a Comunidade Educativa", a través da proposta dunha formación para familias sobre Ciberseguridade e Menores. Esta formación levouse a cabo o día 16 de abril no centro. Na mesma liña, o día 2 de maio, contamos coa presenza do xuíz Jose Antonio Vázquez Taín nunha charla para as familias có título "Os perigo s da internet e as redes sociais. Como protexer aos nos@s menores".
Neste terceiro trimestre, tamén se realizaron outras actividades vinculadas ao obxectivo AO4.3 Implementación nas aulas dalgunha actividade vinculada ao Polo creativo. Solicitouse en préstamo unha cortadora láser e realizáronse algunhas actividades con parte do alumnado do centro.
Avaliación
A valoración xeral é positiva grazas ao profesorado implicado en formarse e en implementar esa formación dentro da aula, creando un clima de aprendizaxe moito máis productivo e motivador entre o alumnado.
Este curso acadároinse tres dos cinco obxectivos propostos, quedando incompleto o número 03PD e pendente o 05PD. Tendo previsto plantexalos como obxectivos para o vindeiro curso.
Para o vindeiro curso continuaremos a profundizar en aspectos relativos á biblioteca creativa, no uso responsable da internet e dos Polos Creativos, tratando de darlle difusión aos traballos realizados polo alumnado do centro a este respecto.
Tamén traballaremos na aplicación inventario que previsiblemente entrará en funcionamento o vindeiro curso.
Comunicación e difusión
A difusión do Plan Dixital entre a comunidade educativa levarase a cabo a través da páxina web do centro e de todos os medios incluídos no Plan de comunicación do centro, da aula virtual e de Abalar.