Plan do centro
Vixencia
Introdución
Contexto DAFO
Obxectivos
Seguimento
No que se refire ao seguimento e avaliación do Plan Dixital en relación coa consecución dos obxectivos será realizada dende dúas perspectivas:
Avaliación procesual: será realizada unha vez ao final da cada un dos trimestres do curso 22-23. Realizarase un revisión do estado das accións, así como a valoración dos resultados acadados nos distintos obxectivos das táboas dos nosos plans de accións. Ademais, realizaranse propostas de modificación de accións de ser preciso. Utilizaranse os apartados correspondentes das citadas táboas para tal efecto.
Tamén se revisarán os plans de acción nas visitas realizadas pola mentora.
- Conformar un equipo de dinamización do plan dixital (OBX 1): Xa acadado.
- Deseñar e implementar un currículo para a adquisición de competencias dixitais entre o alumnado (OBX 2): en elaboración enquisa para enviar ao profesorado para recabar información sobre as necesidades do currículo TIC.
- Incorporar un sistema NAS (Network Access Server) para os datos manexados pola dirección do centro (OBX 3): en fase de valoración de orzamentos.
- Estandarizar os equipos do centro a un paradigma homoxéneo de software libre (OBX 4): aprazado ata posta en marcha da aplicación inventario da Consellería. Si están levando a cabo certas actuacións en determinados equipos do centro como aulas de informática.
- Cursar un plan de formación do profesorado de dobre liña no manexo das ferramentas de avaliación da Aula Virtual para o profesorado e na necesidade de coñecemento de recursos libres abertos (OBX 5): aprobadas xa datas de formación para a que leva por título “Avaliación a través de aulas virtuais”.
- Crear un caderno onde se recollan os cambios diarios sobre os equipos informáticos do centro (OBX 6): en elaboración libro de incidencias para recoller necesidades ou fallas nos equipamentos.
Revisión do estado dos plans de acción con parte do EDPD
- Conformar un equipo de dinamización do plan dixital (OBX 1): Xa acadado.
- Deseñar e implementar un currículo para a adquisición de competencias dixitais entre o alumnado (OBX 2): xa realiazada reunión con equipo TIC e profesorado Tecnoloxía e Xefatura pendente de recompilación de ideas.
- Incorporar un sistema NAS (Network Access Server) para os datos manexados pola dirección do centro (OBX 3): xa instalado.
- Estandarizar os equipos do centro a un paradigma homoxéneo de software libre (OBX 4): xa se están levando a cabo certas actuacións en determinados equipos do centro como aulas de informática.
- Cursar un plan de formación do profesorado de dobre liña no manexo das ferramentas de avaliación da Aula Virtual para o profesorado e na necesidade de coñecemento de recursos libres abertos (OBX 5): xa executada a formación de EDIXGAL e realizada tamén docencias de Aulas Virtuais. Están encamiñando as horas restantes ao produto final.
- Crear un caderno onde se recollan os cambios diarios sobre os equipos informáticos do centro (OBX 6): xa acadado.
Revisión do estado dos plans de acción con parte do EDPD
- Conformar un equipo de dinamización do plan dixital (OBX 1): Xa acadado.
- Deseñar e implementar un currículo para a adquisición de competencias dixitais entre o alumnado (OBX 2): xa realiazada reunión con equipo TIC e profesorado Tecnoloxía e Xefatura pendente de recompilación de ideas. A concreción final quedará para o vindeiro curso.
- Incorporar un sistema NAS (Network Access Server) para os datos manexados pola dirección do centro (OBX 3): xa instalado.
- Estandarizar os equipos do centro a un paradigma homoxéneo de software libre (OBX 4): xa acadado.
- Cursar un plan de formación do profesorado de dobre liña no manexo das ferramentas de avaliación da Aula Virtual para o profesorado e na necesidade de coñecemento de recursos libres abertos (OBX 5): xa acadado.
- Crear un caderno onde se recollan os cambios diarios sobre os equipos informáticos do centro (OBX 6): xa acadado.
Avaliación
No que se refire ao seguimento e avaliación do Plan Dixital en relación coa consecución dos obxectivos será realizada dende dúas perspectivas:
Avaliación procesual: será realizada unha vez ao final da cada un dos trimestres do curso 22-23. Realizarase un revisión do estado das accións, así como a valoración dos resultados acadados nos distintos obxectivos das táboas dos nosos plans de accións. Ademais, realizaranse propostas de modificación de accións de ser preciso. Utilizaranse os apartados correspondentes das citadas táboas para tal efecto.
Avaliación final: será realizada unha vez ao ano ao remate do curso académico 22-23. Farase unha revisións da consecución dos obxectivos formulados e realizaranse posibles propostas de mellora. Utilizaranse os apartados correspondentes de cada unha das táboas do plan de acción para o seu cumprimento.
O desenvolvemento do plan dixital precisa o enfoque dun proceso continuo e evolutivo. Representou un desafío para a comunidade educativa e terá continuidade, a través das distintas actividades tecnolóxicas que se realizan no noso centro, no vindeiro curso 23-24.
Varios factores condicionaron o desenvolvemento do Plan Dixital, a infraestrutura tecnolóxica dispoñible, a formación e capacitación dos docentes, a dispoñibilidade de recursos dixitais adecuados e as metodoloxías de ensino. De aí que en propostas de mellora, continuemos optando por un profundo enfoque na formación do profesorado no que ás TIC se refire.
A avaliación do desenvolvemento do plan dixital debe ter en conta os resultados e o impacto na aprendizaxe dos estudantes, así como a experiencia e a retroalimentación dos docentes, pais, nais e outros actores chave. Ao ser este o primeiro Plan Dixital que desenvolvemos, os indicadores que permiten esta retroalimentación son moi sutís e haberá que agardar a vindeiros cursos. Será nese momento, cando se realice un novo exercicio SELFIE de autoavaliación da situación dixital da comunidade educativa, cando teñamos unha visión máis completa dos resultados do traballo realizado.
No que se refire ás propostas de mellora do PD do noso centro destacar o seguinte:
- Realizar unha reavaliación das necesidades tecnolóxicas e os recursos dispoñibles no centro educativo coa finalidade de determinar que recursos adicionais son necesarios.
- Afondar na formación e no desenvolvemento profesional contínuo do corpo docente en colaboración co CAFI afondando na estabilización dunha liña TIC nos PFPP.
- Integración curricular: Promover a integración da tecnoloxía no currículo escolar de maneira transversal. Isto implica identificar oportunidades para utilizar ferramentas dixitais en diversas materias e actividades, fomentando a creatividade, a colaboración e o pensamento crítico dos estudantes. Isto relaciona directamente con obxectivo 2 do noso plan dixital que quedou estado parcial. No vindeiro curso académico intentarase recuperar para acadar a súa consecución.
- Fomentar a participación activa da comunidade educativa no plan dixital, involucrando ás familias, estudantes e outros membros da comunidade na toma de decisións e na implementación de estratexias dixitais.
No que respecta a posibles obxectivos curso 23-24
- Formar ao profesorado no manexo e aproveitamento dos novos paneis dixitais interactivos.
- Posta en marcha da aplicación inventario.
- Crear un espazo de almacenamento TIC en centro.
- Implementar un currículo para a adquisición de competencias dixitais entre o alumnado.
Comunicación e difusión
Unha vez aprobado o Plan Dixital do noso centro será publicado na web do mesmo. Ademais enviarase un enlace ás familias coa entrada para facelas coñecedoras da súa publicación. Tamén se enviará a todo o claustro vía correo electrónico e ao Consello Escolar.
Enlace ao Plan Dixital do noso centro