O CRA DE NARÓN é un colexio Rural Agrupado, un centro de titularidade pública dependente da Consellería de Cultura Educación e Ordenación Universitaria. A estrutura do Centro é diferente á de un colexio convencional, pois componse de 2 escolas de Educación Infantil e 1 de Educación Infantil e Primaria con 11 aulas funcionando neste momento. As escolas que compoñen o CRA sitúanse nas parroquias de: Sedes, O Val e Alto do Castiñeiro (Domirón). Polo tanto, abarca as etapas de educación infantil e educación primaria.
O centro está situado no concello de Narón, ó norte da provincia da Coruña, na comarca de Ferrolterra. A sede do centro atópase en Lugar Igrexa (San Xiao), S/N BAJO, 15578, A Igrexa.. O número de teléfono é o 981 388 782 e o correo electrónico é cra.naron@edu.xunta.gal. Na actualidade o número de profesores con base no centro é de 22. A maiores contamos con 2 mestres de relixión compartidas con outros colexios da zona e con base neses centros. Dentro do persoal non docente, contamos con 2 ATE itinerantes. Con respecto ó alumnado, neste curso 2021/22 contamos con 176 alumnos/as, que se distribúe por escolas: sedes 13 alumnos/as, domirón 64 alumnos/as e o Val 99 alumnos/as. O centro conta cunha páxina web Profesorado | CRA de Narón (xunta.gal) que permite a apertura do funcionamento do centro (documentos, actividades, novas,…) a toda a comunidade educativa.
Para a realización da análise DAFO empregouse a autoavaliación SELFIE e tamén os test de CDD nos que participaron 14 docentes dun total de 24 que foron convidados. É dicir participou o 58,3% do profesorado.
A partir dos datos obtidos no Informe SELFIE e no Test CDD, o centro realizou unha profunda reflexión e xerou unha análise DAFO que é de utilidade para a elaboración das liñas fundamentais deste Plan Dixital.
Reunións co mentor Adix correspondente.
Estado da execución das accións, análise e valoración dos resultados.
Estado da execución das accións, análise e valoración final dos resultados, tendo en conta os obxectivos acadados ou non para continuar o ano próximo con eles.
A avaliación atenderá a aspectos relacionados co alumnado, aos relativos ao profesorado e o funcionamento xeral do centro, así como a implicación das familias.
No contexto da avaliación procesual, realizarase en distintos momentos ó longo de todo o proceso de implantación, e como mínimo unha vez ó trimestre. Este proceso permitiranos coñecer o estado de execución das actuacións, a análise e valoración dos resultados e, de ser o caso , as posibles modificacións das actuacións e as propostas de mellora.
A avaliación final informaranos sobre o grao de cumprimento dos obxectivos e da realización e adecuación das actuacións levadas a cabo. Será como mínimo unha vez ao ano.
Utilizaranse procedementos tales como: cuestionarios ou reunións co profesorado implicado.
Cumpriuse un dos obxectivos propostos, grazas a implicación da coordinadora de TIC´s do centro, que ao mesmo tempo coordinou o PFPP relativo a acadar ese obxectivo: Crear recursos dixitais para empregar na práctica docente.
A implicación do profesorado foi irregular dependendo das súa formación previa e do interese por aplicar eses recursos nas súa aula ou materia.
A coordinación co coordinador TIC e do PFPP foi fluída en reunións informais para ir comentando como ía tanto a realización de actividades como a posibilidade de formarnos no uso das pantallas dixitais, aínda que finalmente este obxectivo non puido chegar a completarse.
Acadar o obxectivo pendente que quedou sen acadar neste curso escolar 2022/23: Adquirir maior competencia no emprego das Pantallas Dixitais para o desempeño de tarefas docentes. No 1º trimestre informouse ao claustro da inminente chegada e instalación das novas pantallas dixitais polo que se retrasou a formación para o 2º e 3º trimestre do curso, pero as pantallas non chegaron ata o 3º trimestre, e a día 6 de xuño seguen sen estar instaladas. Polo tanto este obxectivo queda adiado para realizarse no seguinte curso escolar 2023/24.
O plan dixital, unha vez aprobado polo claustro e consello escolar, debe ser coñecido e asumido por todas as persoas integrantes da comunidade educativa.
O equipo directivo do centro levará a cabo as actuacións necesarias para que o plan sexa coñecido, aplicado e valorado por todos os sectores da comunidade educativa. Por este motivo, despois de ser aprobado, farase público a través da páxina web do centro.
