O CEIP Plurilingüe Virxe do Mar está catalogado na Rede de Centros como centro de 3 unidades de Educación Infantil e 6 unidades de Educación Primaria.
Na actualidade están en funcionamento 3 unidades de Educación Infantil e 8 de Educación Primaria, contamos con dous grupos en 2º e 5º de Educación Primaria.
O claustro está composto por 20 membros máis dúas mestras de relixión católica, que pertencen aos claustros do CEIP Ponte de Xubia e CEIP de Piñeiros.
No presente curso están matriculados 208 alumnos/as, 63 en Educación Infantil e 145 e Educación Primaria.
Tendo en conta a Guía de elaboración do Plan Dixital do INTEF, o presente documento enténdese como un instrumento que debe favorecer e impulsar o uso dos medios dixitais tanto nos procesos de ensinanza-aprendizaxe como nos procesos de xestión do centro, sempre co obxectivo último de colaborar no desenvolvemento integral do alumnado, polo que pasará a formar parte do PEC, da PXA e do proxecto de dirección.
Para a súa elaboración tívose en conta onde está actualmente e a onde quere chegar o centro, estes datos facilitaron trazar o camiño a seguir. Avaliouse a situación do centro con relación ao uso das TIC para poder deseñar e emprender un proceso de transformación no centro nunha organización que aprende, sendo so posible se é unha organización dixitalmente competente.
Non se trata dun documento pechado e ríxido, será sometido ás revisións periódicas necesarias para facer os axustes pertinentes segundo as demandas que, en materia dixital, vaian xurdindo, coa finalidade de ser un documento operativo e vixente en todo momento que abarcará todos os ámbitos da xestión escolar.
No ámbito estatal o preámbulo da Lei orgánica 2/2006, do 3 de maio, de educación, xa pon de manifesto nos artigo 111bis.2 “los entornos virtuales de aprendizaje que se empleen en los centros facilitarán la aplicación de planes educativos específicos diseñados por los docentes para la consecución de objetivos…..”; No artigo 121 “ el proyecto educativo de l centro recogerá la estratedia digital del centro según el artículo 111bis.5 “ Las administraciones educativas y los equipos directos de los centros promoverán el uso de las tecnologías de la información y la comunicación (TIC) en el aula como medio didáctico apropiado y valioso para llevar a cabo las tareas de enseñanza y aprendizaje……..”
No ámbito da nosa comunidade autónoma a Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022, na disposición adicional quinta establece que os centros docentes elaborarán no curso 2021/2022 o seu plan dixital de acordo coas instrucións que se diten.
Ditas instrucións están recollidas na Resolución do 3 de setembro de 2021, da Secretaría Xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
O contexto socioeconómico e cultural do alumnado é moi diverso, dándose a circunstancia de que moitas familias proceden doutras autonomías e tamén do estranxeiro, que nalgúns casos precisa tamén de apoio educativo específico, ben sexa para a adquisición do idioma ou para acadar un nivel académico semellante ao dos rapaces escolarizados no centro. Por todo isto, existe unha grande diversidade lingüística e, sobre todo, cultural. Ademais, a sobrecarga de matricula doutros centros escolares do Concello, fai que o noso centro acolla a nenos e nenas que non residen no entorno máis próximo.
Na análise de composición social ou procedencia económica das familias dedúcese que unha porcentaxe moi alta pertence a unha clase social medio-baixa.
As familias, en xeral, son colaboradoras existindo unha comunicación directa e constante ante calquera situación anómala. Aínda que existe un horario de atención ás familias, sempre se lles dá facilidades para acudir ao centro noutro momento, se por diversas circunstancias non puidesen vir nas horas de titoría.
A ANPA do centro, amosa disposición de colaboración e implicación nas distintas actividades ou celebracións que se programan desde o centro.
A maioría do alumnado do centro vive no entorno inmediato do mesmo, polo tanto pertence a un ambiente urbano. A meirande parte pertence a unha clase media baixa, so a nai ou o pai traballan e unha pequena parte dos alumnos vive nunha familia sen que ningún dos seus proxenitores teña traballo.
Non todas as familias dispoñen dos medios necesarios para lograr un bo hábito de estudo e mellorar o seu rendemento académico.
Tanto o absentismo escolar (fundamentalmente debido a enfermidades) como a puntualidade son, en xeral, satisfactorios.
O Plan Dixital é un instrumento de planificación integrado no PEC, que persegue fundamentalmente o desenvolvemento do tratamento da información e competencia dixital a integración das TIC como ferramenta didáctica nos procesos de ensino-aprendizaxe e nos distintos plans e programas do centro.
A Comisión Europea desenvolveu a ferramenta de autoavaliación SELFIE que permitiu obter en liña un informe de autoavalición do centro e no marco da Comunidade Autónoma os resultados do testCDD permitiu elaborar o informe DAFO. Destes informes o grupo de traballo tivo a documentación para a elaboración do Plan.
Nunha primeira análise, tívose en conta onde está actualmente e a onde quere chegar o centro, estes datos facilitaron trazar o camiño a seguir. Avaliouse a situación do centro con relación ao uso das TIC para poder deseñar e emprender un proceso de transformación no centro nunha organización que aprende, sendo so posible se é unha organización dixitalmente competente.
Non se trata dun documento pechado e ríxido, será sometido ás revisións periódicas necesarias para facer os axustes pertinentes segundo as demandas que, en materia dixital, vaian xurdindo, coa finalidade de ser un documento operativo e vixente en todo momento que abarcará todos os ámbitos da xestión escolar.
