O CIFP Portovello de Ourense pertence á rede pública de centros integrados de formación de Consellería de Cultura, Educación, Formación Profesional e Universidades da Comunidade Autónoma de Galicia. Foi creado en 2011 a partir do IES Portovello. O noso Centro de Formación atópase no barrio de "As Lagoas" nunha zona próxima ao centro da cidade de Ourense, e preto da zona universitaria de dita cidade; de xeito exacto na Rúa Luis Trabazos, 1. Os datos de contacto co centro son:

• Teléfono: 988788903/988788901
• Correo electrónico: cifp.portovello@edu.xunta.gal
• Páxina web: www.cifpportovello.gal

Está conformado por dúas edificacións, totalmente diferenciadas:

• Edificio A: neste impártense os ciclos formativos que constitúen a oferta das familias profesionais de Administración e Xestión, e Comercio e Márketing, nas diferentes modalidades. Atopamos a Secretaría, Despacho de Dirección, Despacho de Relación con empresas-FCT, Calidade, TICS e Acreditación. Tamén conta cun espazo para Viveiro de empresas.
• Edificio B: situado na Praza Fernando Folgoso, 4. No que se  imparten os ciclos formativos da familia profesional de Servizos Socioculturais e á Comunidade. Neste edificio situamos Vicedirección e Despacho de Xefatura de Formación, Despacho de Coordinación de Formación e Despacho de Programas Internacionais.

O total de alumnado matriculado neste curso académico 21-22 é de 585 persoas en réxime ordinario, e 729 persoas en réxime de adultos. 

Contextualización do Plan Dixital no centro. Contribución ao Proxecto Educativo do centro.

O CIFP Portovello é un centro urbano, situado no barrio das Lagoas que, se ben hai pouco tempo podía considerarse como unha zona periférica da cidade, hoxe forma parte do núcleo central da mesma.

A procedencia dos usuarios do CIFP é maioritariamente da zona occidental da provincia de Ourense, sur da provincia de Lugo e este da provincia de Pontevedra, aínda que en determinados ciclos e modalidades pódense atapar facilmente alumnos/as do resto da comunidade autónoma, en especial do sur da provincia de Pontevedra.

O entorno económico pertence maioritariamente ao sector servizos aínda que con empresas de moi pouco tamaño que dificulta a implantación de determinadas modalidades de formación. A pouca industria radica no cercano Polígono de San Cibrao da Viñas e no de Pereiro de Aguiar, onde se atopan as empresas mais significativas como Adolfo Domínguez, Lonia Textil, Unvi, Coalsa e diversas empresas auxiliares do sector do automóbil.

En canto ao entorno social destacar o alto grao de envellecemento da poboación unido a taxas de natalidade cada vez mais baixas que aportan unha variable moi influínte a hora de deseñar a oferta formativa, tanto de ciclos da denominada formación inicial como da formación para desempregados ou acreditación de competencias.

A contribución á planificación xeral anual é mellorando a capacidade dixital do centro en canto a utilización das novas tecnoloxías, tendo en conta que o centro dispón de amplas instalacións tecnolóxicas e tendo en conta que o persoal pertence ao ámbito da formación profesional polo que dito coñecemento dixital está garantido.

Breve xustificación do mesmo

o    Art. 111 bis, Art. 121 e Art. 132 da LO 2/2006, de 3 de maio, de Educación.
o    Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022.
o    Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.

Proceso de elaboración

No comezo do curso escolar 2021-2022 constituíse o PFPP: Análise da competencia dixital do centro e elaboración do plan dixital do CIFP Portovello coordinado por Bienvenido Causo Domínguez (Coordinador TIC's) e no que participou o 70% do claustro. Así mesmo, constituíse o equipo de dinamización do plan dixital formado por:
Coordinadora: Mª Jesús Carnero Gómez Profesorado colaborador:
•    Abel Ocampo Sánchez
•    Sabela Fraga Domínguez
•    Bienvenido Causo Domínguez
•    Daniel García Franco
Para a elaboración do Plan seguiuse o seguinte cronograma de traballo:

Data da Sesión    Plan de Traballo
20/12/2021    Presentación da información sobre o Plan Dixital e sobre a realización do SELFIE ao profesorado.
18/03/2022    Realización do test CDD por parte do profesorado do centro
21/03/2022    Análise do informe SELFIE: propostas para a elaboración do DAFO do Plan Dixital.
31/03/2022    Extracción dos datos máis relevantes do SELFIE e realización do DAFO do Plan Dixital no Board dispoñible na aula virtual do centro.
19/04/2022    Sesión telemática informativa por parte dos mentores dixitais para a elaboración do Plan de Acción.
20/04/2022    Recóllense aportacións por parte do profesorado para a elaboración do Plan de Acción, identificando os catro obxectivos prioritarios para o viendeiro curso 2022-2023
18/05/2022    Elaboración do Plan de Acción
02/06/2022    Elaboración do Plan Dixital
 

• No contexto da avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
• No contexto da avaliación final e frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.

A valoración deste obxectivo proposto para este curso é bastante positiva para o centro, xa que se realizou o emprego de ferramentas dixitais para desenvolver a práctica docente por parte do profesorado implicado; formándonos en novas app e novas tecnoloxías que poder aplicar na aula, creando para todos os docentes aula virtual e foros para poder compartir as experiencias con estas novas prácticas e novas tecnoloxías que coñecemos. 

Aínda así hai actividades que se deberán facer o vindeiro curso, sobre todo, no caso de enquisas, na que se debe buscar a data axeitada para facelas sen afectar a outras enquisas do centro nin a períodos de avaliacións para que se poidan facer con total calma e reflexión por parte de toda a comunidade educativa. 

A app de incidencias tecnolóxicas e todas as apps planificadas para facer, foron descartadas por ter un orzamento moi elevado para o centro, así que non se realizarán en vindeiros cursos. 

A falta de tempo da coordinación e da empresa tecnolóxica da páxina web coma polos orzamentos das apps que non son factibles polas en marcha neste momento. O que se pretende é poñer aplicativos para mellorar a páxina web. 

As propostas de mellora van de cara a mellorar o plan dixital para o vindeiro curso e poder facer un seguimento máis axeitado: 

• Facer reunións mensuais coa empresa colaboradora da páxina web para poder ir implementando as melloras solicitadas 

• Cubrir o seguimento do plan dixital e completalo mensualmente na aplicación de Educalidade 

• Realizar as enquisas nun período de tempo que non haxa outras enquisas para non saturar ao persoal ou ao alumnado 

• Formación en ferramentas dixitais para seguir fomentando o seu uso entre o profesorado 

• Compartir as boas prácticas dixitais docentes nas plataformas creadas 

• Verificar o correcto funcionamento do aplicativo de rexistro de resultados de aprendizaxe e o de rexistro de formación interna do profesorado. 

• Comunicación a través da páxina web do centro educativo e os distintos medios de comunicación interna.
• Exposición no claustro de fin de curso
• Exposición e aprobación no Consello Social de fin de curso para a súa incorporación no Plan Anual do Centro para o curso 2022-2023.