1. Contextualización do Plan Dixital no centro. Contribución ao Proxecto Educativo do Centro

O noso centro está ubicado no centro da cidade de Ourense, na rúa Doutor Fleming, paralela a unha das principais vías articulatorias da cidade (rúa Progreso) e preto da Avda. de Portugal e do barrio do Couto. A nosa comunidade  educativa está composta por familias cun nivel socioeconómico medio-baixo que viven nesta contorna. Na etapa da ESO contamos tamén con alumnado procedente de Centros de Educación Infantil e Primaria próximos, sobre todo do barrio da Valenzá, pertencente ao veciño municipio de Barbadás.
A maioría dos pais e nais dos nosos alumnos só posúen estudos elementais ou medios, sendo unha minoría os que realizaron estudos universitarios. Así mesmo, adoitan ser traballadores por conta propia (autónomos) ou traballadores do sector servizos (limpeza, hostalaría, etc.). Unha alta porcentaxe do alumnado pertence a familias procedentes de países estranxeiros polo que a diversidade cultural e lingüística no centro é unha das nosas señas de identidade e a inclusión unha das nosas prioridades estratéxicas. Un terzo das familias posúe un ou como moito dous dispositivos móbiles con conexón a internet polo que o acceso que 33% do alumnado ten a recursos dixitais fóra do centro é limitado.
O Plan Dixital está recollido no noso Proxecto Educativo de Centro, no que figura como un instrumento que axuda a favorecer e impulsar o uso dos medios dixitais tanto nos procesos de ensino-aprendizaxe como no resto dos procesos de xestión do centro, sempre co obxectivo último de colaborar no desenvolvemento integral do alumnado. O centro xa contaba cun profesor coordinador TIC, encargado de avaliar a competencia dixital do profesorado, crear e manter as aulas virtuais, formar ao profesorado, alumnado e familias no seu emprego, administrar a web e as contas do centro nas redes sociais, organizar actividades de formación do profesorado sobre competencia dixital financiadas e recoñecidas polo CFR de Ourense, logo das cales se deseñaron e empregaron recursos en rede abertos, e puxeron en marcha 5 proxectos de innovación financiados polo SEPIE e enmarcados no programa Erasmus + así como o proxecto Ciencia Activa e a participación no programa de Escola Embaixadora do Parlamento Europeo. Ademais, e en colaboración coa secretaría do centro, a coordinación TIC encárgase de inventariar o equipamento e infraestructura TIC e comunicarse cunha empresa para o seu mantemento, e para a adquisición de novo equipamento ou ampliación de infraestruturas.
De cara ao curso 2022-23, o Plan Dixital vai contribuír á mellora dos procesos de ensino e aprendizaxe e da competencia dixital da comunidade educativa, ao desenvolvemento profesional do profesorado, á nosa infraestrutura tecnolóxica, ao noso modelo de liderado e xestión dos recursos humanos e materiais e ás prácticas de avaliación, todas elas áreas prioritarias recollidas na Programación Xeral Anual do vindeiro curso escolar e arredor das cales se articulan os obxectivos deste plan. 

1.3. Breve xustificación do mesmo

Este documento foi elaborado ao abeiro da normativa que aparece listada a continuación:

- Art. 111 bis, Art. 121 e Art. 132 da LO 2/2006, de 3 de maio, de Educación.
- Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
- Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022.
- Resolución do 3 de setembro de 2021, da Secretaría xeral de Educación e Formación Pro fesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.

3. Proceso de elaboración

O Plan Dixital foi elaborado por un equipo constituído por 5 integrantes:

- María José Novo Escanciano (coordinadora e titora do 6o curso de educación infantil)
- Beatriz Temes Pérez (directora)
- Beatriz Nieto Outomuro (xefa de estudos)
- Eva Pousa Quelle (secretaria)
- Francisco José Rodríguez Zorelle (titor de 3º de primaria)

O proceso de elaboración do Plan Dixital estivo precedido pola realización do curso online en fProfe. Logo de completar esta formación, o equipo levou a cabo un total de 10 reunións (5 presenciais e 5 en liña) para completar as seguintes fases:

1. Recollida de datos para analizar a situación do centro a través da administración das enquisas SELFIE (1º trimestre do curso 2021-22)
2. Análise DAFO partindo dos resultados das enquisas administradas (2º trimestre do curso 2021-22)

3. Establecer os obxectivos clave do Plan Dixital e redactar as accións que os permitirán alcanzar, a súa temporalización e os seus indicadores de logro (maio de 2022)
4. Redacción do Plan Dixital (maio-xuño 2022)

Ao longo desas reunións asignáronse diferentes funcións a cada un dos membros do equipo no que se refire á análise da valoración do centro, intercambiáronse e elixíronse propostas de obxectivos e accións de mellora e establecéronse datas límites para a redacción e revisión do informe DAFO e do Plan Dixital.

Toda a comunidade escolar participará no proceso de avaliación do Plan Dixital, cuxos axentes responsables serán o coordinador TIC e os membros do equipo directivo. O proceso de avaliación levarase a cabo durante o curso escolar 2022-23 en 2 fases diferenciadas:
- Fase de avaliación procesual: Levarase a cabo nas últimas 2 semanas de cada trimestre. Os instrumentos a empregar serán listas de control dixitais para valorar o estado de execución de cada acción e cuestionarios con indicadores cualitativos e cuantitativos administrados ao alumnado, profesorado e familias (segundo a acción o requira) a través da aula virtual do centro. Os aspectos a valorar serán fundamentalmente tres: o estado da execución das accións expostas no apartado 3.1., a valoración dos resultados dos cuestionarios e, de ser o caso, as posibles modificacións das accións e propostas de mellora.

- Fase de avaliación final: Levarase a cabo en xuño de 2023. Os instrumentos a empregar serán listas de control dixitais para valorar os indicadores de logro de cada obxectivo e cuestionarios con indicadores cualitativos e cuantitativos administrados ao alumnado, profesorado e familias (segundo o obxectivo o requira) a través da aula virtual do centro. Os resultados desta avaliación servirán como punto de partida para un novo ciclo de análise da situación do centro do que se derivarán propostas de mellora para actualizar o Plan Dixital. Asimesmo, volveremos a utilizar a ferramenta SELFIE comparando cos datos do Informe SELFIE previo para rediseñar o plan de acción e por en marcha unha versión actualizada do Plan Dixital para o curso 2023-24.

O seguimento da implementación do Plan Dixital no seu primeiro ano amosa que os obxectivos foron cumpridos case na súa totalidade, coa consecuente contribución a mellorar as diferentes áreas de competencia dixital.

Na área de Colaboración e Redes, o uso dos espazos de Aula Virtual como vía de comunicación co alumnado experimentou unha normalización, especialmente na educación secundaria, logo de unha fase inicial de aprendizaxe. Nos útlimos cursos de primaria,  a introdución do diario de aula resultou ademais eficaz como vía de comunicación coas familas, entre as que tivo unha boa aceptación. Nos primeiros curso de primaria, onde as diferencias en canto á dispoñibilidade de medios e á competencia dixital das familias inicide máis directamente no aproveitamento destas por parte do alumnado, a súa utilización foi menos regular. En canto á colaboración entre o profesorado, aínda que se produciu tamén unha normalización no seu uso, non se converteu na vía de comunicación preferente.

En canto á Infraestrutura e Equipamento, solventáronse as incidencias que se foron detectando para non perder funcionalidades nas aulas e ampliouse a dotación de equipos a 16 na aula de informática, que tamén se dotou dunha novo monitor multimedia, e renovouse o equipo de Secretaría. Por outra banda, solicitáronse presupostos e axudas para continuar coa mellor na dotación de tecnoloxía dixital de cara ao vindeiro curso. Por todo isto, conclúese que é unha área na que tamén se experimentou unha notable mellora.

A formación recibida por todo o profesorado sobre ferramentas dixitais para a avaliación formativa, contribuíu de maneira significativa á área de Desenvolvemento Profesional Continuo, pero tamén ás de Implementación na Aula e Prácticas de Avaliación, xa que se dotou ao profesorado de novas ferramentas e perspectivas para o proceso de avaliación, que á súa vez guían a planificación das sesións e a metodoloxía e recursos empregados durante as mesmas. Ademais, promoveuse a formación continua do profesorado en materia de competencia dixital, tendo en conta o marco de referencia europeo, de maneria que, en función do perfil competencial de cada un, se realizase a formación específica para equlibrar o nivel de competencia nas diferentes áreas. Sen embargo, detectouse que o uso destas ferramentas por parte do profesorado é asimétrico,  En consecuencia, deberase seguir a traballar nesta liña, para mellorar as competencias do profesorado e tratar de promover que se xeralice máis o seu uso

Por outra parte, a Área de Apoios e Recursos Pedagóxicos viuse favorecida pola creación dos grupos de formación do profesorado e do departamento de orientación no entorno de aula virtual en Google Classroom, ao permitir o intercambio de experiencias e proxectos, e a creación dun banco de recursos de uso común, polo que se estima proveitoso manter estes grupos nos seguintes cursos e e continuar a contribuír ao banco de recursos.

Por último, a consecución dos obxectivos contribuiu tamén positivamente a área de Liderado, ao propiciar que máis docentes fixeran propostas de aplicación das tecnoloxías dixitais nas aulas e planficasen proxectos innovadores a raíz das competencias adquiridas, que contribuíran finalmente a mellorar a Competencia Dixital do Alumnado.

A través da observación dos resultados acadados, así como das respostas obtidas aos cuestionarios de avaliación do PD, parece conveniente continuar a traballar na mesma liña, pero modificando algúns aspectos concretos para tratar de mellorar os resultados en algunhas das áreas onde se atoparon máis dificultades.

Neste sentido, proponse redeseñar a estrutura da aula virtual para axilizar e facer máis eficaces as comunicacións. Tamén se plantexa reflexionar sobre as vías de comunicación cos pais, estendendo o uso de Abalar e os diarios de aula. Por outra parte seguirase promovendo a formación continua do profesorado, incorporando as tecnoloxías emerxentes baseadas na Intelixencia Artificial e tratando de que se comencen a implementar na aula.

Para a consecución efectiva dos obxectivos establecidos neste Plan Dixital é fundamental que toda a comunidade comunidade educativa coñeza a súa existencia e sea consciente dos seus obxectivos. Para iso, o coordinador TIC e os membros do equipo directivo serán os responsables de implementar un plan de difusión que se concretará nas seguintes accións: