Xustificación do Plan Dixital en relación coa normativa vixente

O marco normativo aplicable ao noso Plan Dixital é o seguinte:

• Art. 111 bis, Art. 121 e Art. 132  da LO 2/2006, de 3 de maio, de Educación.
• Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022. Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022.
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.

Contextualización do PD no centro e contribución ao Proxecto Educativo

O Plan Dixital do centro debe estar integrado no Proxecto Educativo, según se recolle na LOMLOE no seu Artigo único, Modificación de la Ley Orgánica 2/2006, de 3 de mayo, de Educación, punto 62, apartado  1  “O proxecto educativo do centro recollerá asimesmo a estratexia dixital do centro, dacordo co establecido no artigo 111 bis.5.”, co fin de desenvolver a competencia dixital da comunidade educativa, promover a innovación e sacar o máximo partido das tecnoloxías da información e comunicación, e dos recursos educativos dixitais.

O Plan Dixital do centro contribúe á consecución dos seguintes obxectivos do Proxecto Educativo da E.O.I.:

           A) Obxectivos do centro

• Organizar e xestionar un centro público de aprendizaxe de linguas modernas avanzado e eficiente, no que a planificación e optimización dos recursos humanos e materiais estea á disposición dunha oferta educativa ampla e axustada aos intereses e demandas sociais.
• Impulsar a participación de todo o persoal en actividades que favorezan a súa formación e fomentar a incorporación ao centro de programas institucionais, de ámbito galego, estatal e europeo, e proxectos de innovación pedagóxica e de mellora continua.

           B) Obxectivos de xestión

• Impulsar a eficacia, a rapidez e a axilidade na consecución de todos os procesos administrativos e de xestión do centro.
• Procurar a mellora continua do funcionamento das canles de comunicación existentes para favorecer a difusión da información do centro.
• Manter a xestión académica e administrativa informatizada.

  C) Obxectivos humanos e de recursos

• Consolidar a participación dos integrantes dos diferentes colectivos en cursos ou calquer outro tipo de actividade de formación permanente que repercuta positivamente na calidade e atención do seu traballo, ao mesmo tempo que faciliten unha atmosfera axeitada para consolidar a actualización e renovación continuas dos profesionais que traballan no noso centro. Favorecer o intercambio de técnicas, ideas e metodoloxía sobre as novas tecnoloxías entre o persoal do centro.
• Optimizar o uso das instalacións, os recursos e a tecnoloxía existentes no centro tendendo a estender ao máximo a súa utilización e racionalización e a promover a reciclaxe de materiais diversos, priorizando en todo momento a renovación e ampliación tecnolóxica de ditos medios para lograrmos un centro moderno e eficaz no ensino e aprendizaxe de idiomas.

           D) Obxectivos pedagóxicos

• Potenciar o uso das TIC dentro e fóra da aula entre o alumnado e aproveitar os recursos que ofrece a internet para a autoaprendizaxe.
• Poñer a disposición do alumnado con dificultades de tipo cultural, físico ou psíquico os medios e adaptacións necesarias para a súa integración.

Co fin de acadar estes obxectivos, a E.O.I. ten posto en marcha os seguintes proxectos e medidas:

• Impulso da aplicación das novas tecnoloxías da educación no ensino e aprendizaxe de linguas, mellorando a autonomía e capacidade de autoaprendizaxe do alumnado e xeralizando a avaliacion formativa.
• Elaboración e posta en práctica dun plano de innovación e investigación educativa e formación do profesorado, con actividades que versan sobre temas relacionados coas novas tecnoloxías da información e a comunicación, e outros que sexan de interese do profesorado na mellora da súa práctica docente e co obxectivo posto na calidade e excelencia docentes e, así mesmo, un plano de programas europeos.
• Creación de bancos de materiais didácticos compartidos, elaborados polo profesorado con recursos materiais e humanos da escola, para potenciar o traballo en equipo e a coordinación entre cursos e niveis.
• Potenciación da comunicación interior e exterior optimizando en todo momento as posibilidades que ofrecen a páxina web e as redes sociais.

Proceso de elaboración

Para a elaboración do Plan Dixital a dirección estableceu un equipo de dinamización do Plan Dixital e nomeou os seus membros: a Vicedirectora, como membro do equipo directivo, os Xefes de Estudos das seccións, e o Xefe de Recursos (Coordinador TIC) como coordinador do equipo. Ademáis, estableceuse un espazo dixital no que se creou un curso para o desenvolvemento do Plan Dixital e foi nomeada unha asesora do equipo ADIX para o noso centro. O coordinador foi o encargado de transmitir a información sobre as tarefas a realizar a todo o equipo do Plan Dixital. Leváronse a cabo reunións para establecer as liñas xerais de traballo, decidir as preguntas propias do centro a incluir na ferramenta de diagnose SELFIE, facer unha análise dos resultados do SELFIE e o test CDD, deseñar as liñas principais do informe DAFO, e a partir del, elaborar o Plan de Acción. O traballo desenvolveuse en grupo ou de maneira individual e as conclusións puxéronse en común en reunións celebradas por videoconferencia na plataforma Webex. O proceso de redacción dos distintos informes, Plan de Acción e Plan Dixital fíxose de maneira colaborativa sobre documentos compartidos en Google Drive, por lle dar un carácter máis eficiente ao proceso.

O plan avaliarase en función dos resultados obtidos, no marco dos obxectivos e prazos previstos, e das condicións de aplicación. Esta avaliación realizarase ao remate de cada trimestre do curso, e para realizar este proceso reunirase o equipo de dinamización do Plan Dixital, que valorará, en función dos datos recollidos previamente o nivel de cumprimento dos indicadores de logro. Nesta avaliación procesual se propoñerán medidas de mellora no caso de se detectar erros no plan, xa fora na temporalización do mesmo, ou nos resultados acadados.

Así mesmo, ao remate do curso levarase a cabo unha avaliación final dos logros acadados na realización do plan, valorarase o nivel de cumprimento dos obxectivos e se propoñerán melloras para a consecución dos mesmos.

O encargado da realización desta avaliación final será o equipo de dinamización do plan dixital, que remitirá o seu informe para o estudo e aprobación por parte dos órganos colexiados pertinentes.

O plan será publicado, xunto co Proxecto Educativo e Programación Xeral do centro, na páxina web da E.O.I.

Así mesmo, se incluirá este punto de información sobre o Plan Dixital na orde do día da última reunión do Claustro, e levarase o Plan Dixital á última reunión do Consello Escolar para a súa aprobación.

Tamén se elaborará un pequeno resumo dos obxectivos do plan que será enviado a toda a comunidade escolar a través do correo corporativo.