Contextualización do Plan Diixital no centro. Contribución ao Proxecto Educativo do Centro.

Características socioeconómicas e culturais do contexto do centro:

O CEIP das Fontiñas está situado na cidade de Santiago de Compostela, concretamente no barrio de Fontiñas, do que recibe o seu nome. Neste barrio, ben comunicado e dotado de servizos públicos, hai vivendas de carácter social na que a maioría dos seus habitantes teñen un nivel económico baixo, outras vivendas de protección oficial cun nivel económico medio e outras de promoción particular sendo o nivel económico das familias medio-alto. Estas desigualdades reflíctese na heteroxeneidade dos nosos grupos de clase. Por último destacar a frecuencia de casos de absentismo escolar que padecemos, protagonizado na maioría dos casos por familias de alumnado de etnia xitana.

Conta con dúas liñas tanto en educación infantil como educación primaria, aínda que neste curso 21 – 22 tanto en 6º de infantil como en 4º de primaria presenta un desdobre. Conta con 37 mestres e mestras que conforman o catálogo do profesorado tres ATE (auxiliar técnico administrativo), unha administrativa e dous conserxes.

Incardinación e contribución do Plan Dixital ao Proxecto Educativo:

O noso centro acolleuse en 2012 ao Proxecto Abalar da Consellería de Educación, o cal supuxo unha modernización das aulas en canto ás TIC. Nese momento as aulas modernizáronse con canóns, PDI e un ordenador (nalgúns casos portátiles) para o profesorado en cada aula, ao alumnado concedíaselle un convertible (portátil + tablet).

No ano 2020 o centro acóselle ao proxecto EDIXGAL o que trouxo consigo un cambio cualitativo no emprego das TIC xa que os portátiles, tanto do alumnado como do profesorado, cédense durante os dous anos nos que se imparte o proxecto. No resto das aulas do centro pasouse en poucos anos de ter só unha computadora, a ter un equipo informático, un canón e unha PDI.

O noso centro, neste momento non está adscrito a ningún programa de Innovación Dixital, aínda que se valorará poñer en marcha algún nos vindeiros cursos académicos. No que sí está adscrito o centro é a diferentes programas relacionados con aspectos que xiran arredor da biblioteca como poder ser o PLAMBE.

Contribución do Plan Dixital á Programación Xeran Anual do curso 22/23:

• Potenciar a coordinación e a colaboración entre os diferentes equipos docentes para a redacción de proxectos, especialmente o Plan Dixital.
• Continuar no proxecto EDIXGAL e abrirnos a outro tipo de programas.
• Contribuir de xeito transversal na imprentenación no Plan Dixital a través do traballo realziado entre o profesorado.
• Qiue o Plan Dixital sirva para mellorar a formación de todo o profesorado e tamén a do alumnado desenvolvendo un pensamento crítico e reflexivo.
• Potenciar actividades de participación de toda a comunidade educativa por medio do uso de recursos compartidos.
• Promover a utilización de aulas vrituais (EVA XUNTA ou Moodle) como ferramenta de apoio a profesorado e alumnado.
• Promover a utilización de ferramentas de software libre para compensar as desigualdades tecnolóxicas que hai entre as famliias.
• Facilitar o acceso ás ferramentas pro parte do alumnado con encesidades educativas especiais.
• Analizar as necesidades, tanto de recursos como de formación que a nosa comunidade educativa puidese demandar.
• Acordar un orzamento mínimo de dedicación aos labores tecnolóxicos que estean vencellados co feito educativo.
• Implementar no curso 22/23 un plan de comunicación que abrangue a todos os membros da comunidade educativa.
• Que sexa un verdadeiro plan no que seta implicada toda a comunidade educativa.

Ao longo do curso farase unha avaliación procesual e tamén unha avaliación final que terán en conta os obxectivos establecidos no Plan de Acción.

O procedemento de seguimento do desenvolvemento do plan e da consecución de obxectivos, indicando:

- No contexto da avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

- No contexto da avaliación final a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.

Desde o CEIP das Fontiñas facemos a seguinte valoración dos obxectivos propostos no Plan de Acción e posteriormente incorporado ao Plan Dixital do noso centro:

1.- Fomentar o uso dos dispositivos corporativas: Aula Virtual, EDIXGAL, Abalar Móbil. Este obxectivo cumpriuse ao 100%. Tanto profesorado como alumnado empregou as canles mencionados. O EDIXGAL foi o fío condutor para o alumnado de 5º e 6º de Educación Primaria a través dos seus convertibles nas aulas. Fíxose unha forte campaña desde o centro para que as familias e o profesorado empregase o Abalar Móbil sendo moi alto o porcentaxe de familias e profesorado que o empregan unicamente como método de contacto e por último o emprego da Aula Virtual do Centro creceu dun xeito amplo no presente curso coa creación de contido útil para o profesorado no día a día ademais da creación de cursos para o alumnado que no sexa EDIXGAL.

2.- Elaboración dun banco de recursos propios na aula virtual do centro á disposición do claustro. Comezouse a crear durante o 1º trimestre por parte do coordinación do equipo TIC unha serie de recursos na aula virtual de centro e nas aulas EDIXGAL de diferentes materias así como a incorporación doutros recursos procedentes da rede ou doutras páxinas corporativas como Agueiro. Obxectivo cumprido.

3.- Fomentar a participación do alumando en proxectos interdisciplinares ao longo de curso. Obxectivo cumprido, o alumnado coa axuda dos seus equipos participou en diferentes proxectos interdisciplinares descubrindo novas funcionalidades e posibilidades.

4.- Colaborar con outras entidades. Obxectivo non cumprido. Este obxectivo foi elaborado co propósito de establecer canles de comunicación entre o equipo directivo con outros equipos da contorna ou con outro tipo de asociacións e institucións coas cales colabora o centro a través de medios dixitais o cal non se puxo en funcionamento.

5.- Solicitar a renovación dos equipos informáticos do centro. Desde comezos do presente curso 22 – 23 foi constante a solicitude de renovación dos equipos informáticos do centro a través da Xefatura de Estudios, Coordinación EDIXGAL e Dirección do centro. Nalgúns casos as demandas foron concedidas de xeito satisfactorio, mentres que noutros casos non se puido completar a renovación solicitada. Obxectivo cumprido.

6.- Reorganizar os espazos do centro educativo para facilitar o ensino e aprendizaxe das novas tecnoloxías. Este obxectivo non foi cumprido dado que polo aumento de matrícula do alumnado non houbo aulas dispoñibles para facilitar o ensino e aprendizaxe das novas tecnoloxías. Hai que ter que dado este hándicap o centro tampouco puido participar na convocatoria dos Polos Creativos.

7.-Mellorar a competencia dixital do profesorado. Este obxectivo foi cumprido en parte xa que desde o centro púxose á disposición do profesorado un PFPP en materia de competencia dixital non chegando a participar a totalidade do profesorado.

8.- Reflexionar sobre a necesidade do desenvolvemento profesional continuo nas TICS. Obxectivo cumprido. Para facer esta reflexión púxose á disposición do profesorado unha serie de enquisas para facer unha sondaxe sobre as inquedanzas do profesorado neste eido; deste xeito esta reflexión fíxose cuantificable.

9.- Empregar rúbricas para a avaliación de traballos feitos favorecendo a retroalimentación ao alumando en MOODLE // 10:- Empregar os libros de cualificación de MOODLE ou EDIXGAL.  Obxectivo cumprido de xeito parcial. Non todo o profesorado que emprega a plataforma EDIXGAL e as ferramentas de Moodle avalían a través da propia plataforma; pola súa banda si hai mestres que o fan, facendo partícipe ao alumnado.

• Fomentar a formación e a participación do profesorado nos plans de formación propostos en materia dixital.
• Renovar o equipamento informático do centro dentro das nosas posiblidades.
• Concienciar da importancia do uso de aplicativos como Abalar, Agueiro, correo electrónico, etc... como ferramentas de comunicación tanto interna como extern
• Crear contidos e compartilos a través da aula virtual do centro e do entorno virtual de aprendizaxe da plataforma EDIXGAL.
• Crear redes e canles de comunicación con outros equpos directivos e entidades da contorna.

A estratexia para comunicar e difundir o Plan Dixital será a seguinte:
• Publicación do Plan Dixital na páxina web do centro.
• Dar coñecemento do Plan Dixital ao Claustro e Consello Escolar na seguinte xuntanza que levemos a cabo. Tanto Claustro como Consello Escolar deben coñecer en profundidade o Plan Dixital de centro.

Un dos obxectivos que nos propuxemos para este curso 22-23 foi a elaboración dun Plan de Comunicación de centro de xeito que se garanta a difusión Plan de Acción e outros plans e proxectos aos que nosacollamos en base a un protocolo e unha estratexia concreta.