Seguindo o artigo 111 bis da LO 2/2006 o PD do noso centro promoverá os principios de accesibilidade universal e deseño para todas as persoas: en formatos, en contidos, en ferramentas e entornos virtuais de aprendizaxe. A través da aula virtual (en continuo proceso de mellora) o alumnado poderá acceder aos espazos de aprendizaxe virtuais en calquera lugar e momento.
Un dos obxectivos do PD é compensar as desigualdades do noso alumnado por mor das necesidades de aprendizaxe e socioeconómicas, e garantir o dereito á educación en igualdade de condicións.
Especial atención ao uso inaxeitado e de risco na rede das Tics, con programas de prevención.
O Equipo Directivo e o Equipo Tics promoverá a formación do profesorado nestes aspectos.
Será función do director do centro (artigo 132 da Ley Orgánica 2/2006) promover a innovación educativa e impulsar plans para a consecución do PE do centro no que se enmarca este PD de acordo co artigo 121 da mesma Ley Orgánica. Para dar resposta a todo o exposto, este curso, seguindo a disposición adicional quinta da resolución do 17 de Xuño do 2021 pola que se ditan instrucións para o desenvolvemento das ensinanzas da ESO no curso 2021-2022, tras constituir o equipo de dinamización do Plan Dixital e seguindo as instrucións do Equipo ADIX de zona elaboramos este documento, segundo as instrucións marcadas na resolución do 3 de setembro de 2021, da Secretaría Xeral de Educación e Formación Profesional, pola que se ditan as instrucións para o deseño, elaboración e implementación do PD para o curso 2021-2022.
- CARACTERÍSTICAS SOCIOECONÓMICAS E CULTURAIS DO CONTEXTO DO CENTRO.
O noso centro está situado no concello de Carral, na provincia da Coruña; a 17 km da cidade herculina, na súa área metropolitana, xunto cos Concellos de Abegondo, Arteixo, Bergondo, Cambre, Culleredo, Oleiros e Sada. Segundo datos do IGE de 2020 conta con 6473 habitantes, arredor do 15% da poboación é menor de 18 anos e conta cun 3 % de poboación estranxeira.
O concello ten unha extensión de 48.03 km2 , con oito parroquias: Beira (Santa Mariña), Cañás (Santa Baia), Paleo (Santo Estevo), Quembre (San Pedro), Sergude (San Xián) , Sumio (Santiago), Tabeaio (San Martiño) e Vigo (San Vicente).
A proximidade de Carral con A Coruña, provoca unha mobilidade da poboación coruñesa cara a este conxwllo e un aumento moderado da inmigración. A maior parte da poboación concéntrase nos núcleos de Paleo e Tabeaio., cun considerable medre do centro urbano e das zonas arredor da N-550, que influíu na economía local, sector comercial e de servizos. Consta dun parque empresarial, Os Capelos. É un concello, con industrias (madeireiras, materiais de construción). Tamén áreas máis rurais. Salientar a importancia que segue a ter o sector do pan.
O alumnado provén do centro adscrito CEIP Vicente Otero Valcárcel.Tamén de Concellos limítrofes, das parroquias máis próximas como Sarandós (Abegondo), Santa María de Vigo ou Andeiro (Cambre) e de zonas do Monte Xalo pertencentes a Culleredo ou Cerceda.
En xeral, as familias colaboran e amosan interese pola formación dos seus fillos/-as. Participan dende o Consello Escolar, mais non hai ANPA.
As relacións do centro co Concello foron sempre fluidas. Desde diferentes Concellarías vimos mantendo unha comunicación e colaboración próximas. Destacable o labor dos técnicos de Cultura, Deportes, Educación, Servizos Sociais e Normalización Lingüística. Son numerosas as actividades ofertadas polo Concello ao centro: obradoiros dixitais, conferencias, teatro, actividades musicais... así como a disponibilidade das súas instalacións, brindando sempre apoio a calquera iniciativa do centro educativo.
- CONTRIBUCIÓN DO PD AO PROXECTO EDUCATIVO.
O Ies de Carral nace hai sete cursos da división do CPI existente naqueles intres. A dotación Abalar do CPI pasará ao Ies, a 1º e 2º da ESO. O Plan Tics actual data do curso 18-19. Neste xa está o obxectivo de actualizar estes equipos hoxe obsoletos.
O Ies de Carral é un centro que promove o uso das tecnoloxías como unha ferramenta que contribúe ao desenvolvemento da Competencia Dixital do noso alumnado favorecendo a alfabetización informacional e o uso crítico e ético da información.
Tamén consideramos importante a creación dunha identidade dixital postiva, a prevención de adiccións dixitais e a seguridade na rede e no uso dos dispositivos.
- CONTRIBUCIÓN DO PD Á PROGRAMACIÓN XERAL ANUAL DO CURSO 22/23
O Centro pretende seguir ampliando os obxectivos propostos na PXA deste curso destacando en relación coas Tecnoloxías:
1. Optimizar e mellorar os recursos materiais do centro.
2. Promover a formación do persoal docente en proxectos pedagóxicos de innovación, de participación colaborativa por proxectos e a interdisciplinariedade.
3. Plantexar accións encamiñadas ao uso ético das Tics.
Atendendo a esto, plantexamos os seguintes obxectivos específicos no PD:
1. Mellorar a convivencia no centro formando ó alumnado no uso ético das Tics
2. Mellorar a organización e xestión do centro: este PD, a web do centro para facilitar a información entre toda a comunidade educativa, o uso do correo corporativo, ABALAR..
3. Establecer como prioridade as medidas de apoio ao alumnado con NEE -físicas, psíquicas, sensoriais ou socioeconómicas- compensando as desigualdades coas ferramentas e apoiostecnolóxicos necesarios.
4. Propiciar a innovación pedagóxica de todo o profesorado e fomentar o uso da nosa aula virtual. 5. Optimizar e mellorar os recursos informáticos no centro.
A partires da resolución do 3 de Setembro do 2021 constituímos o Equipo de Dinamización do Plan Dixital, no que está representado o Equipo Directivo, o das Tics, o da Biblioteca e o de formación do centro, os cales conformaron o grupo de traballo de elaboración do PD. Pediuse asesoramento e formación ao CFR, de aí o PFPP, -que desenvolve a liña de traballo (54)Plan dixital do centro; integración didáctica das TIC; traballo colaborativo en rede a través de espazos virtuais; educación dixital-: C2131165 PFPP 2021/2022 15032923 – IES de Carral, con dúas actividades asociadas: - O grupo de traballo: C2105305- PFPP C2131165 Elaboración do Plan dixital do centro. - O seminario C2106193 – PFPP C2131165 Creación e difusión de contidos dixitais.
Seguimos as directrices do Equipo Adix, facendo reunións periódicas para elaborar os documentos solicitados en cada momento ata a elaboración final en xuño.
