Breve xustificación:

• Art. 111 bis, Art. 121 e Art. 132 da LO 2/2006, de 3 de maio, de Educación
• Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
• Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022

Contextualización do Plan Dixital no centro.Contribución ao Proxecto Educativo do Centro

• Característica socioeconómicas e culturais do contexto do centro:

O IES Punta Candieira é un centro público de Educación Secundaria e Formación Profesional dependente da Consellería de Cultura, Educación e Universidade (Xunta de Galicia), cunha longa traxectoria impartindo docencia no marco de Educación Secundaria  e da F P.
Situado en Cedeira (A Coruña), o centro conta cunha ampla oferta educativa centrada na diversidade e compensatoria das desigualdades que supón ser centro de zona rural, dando resposta a necesidades de formación do alumnado do pobo e localidades próximas (concellos de Cariño, Ortigueira, Cerdido, San Sadurniño, Moeche...), cunha variada oferta en educación regrada á que se suma formación complementaria en linguas estranxeiras.

• Incardinación e contribución do PD ao Proxecto Educativo.

O IES Punta Candiera participa actualmente nos seguintes programas: Proxecto Edixgal, Polos Creativos, Plan Dixital de Centro, Internacionalización do centro educativo, Plan de mellora do Centro, Convivindo en igualdade, Dinamización da Biblioteca Escolar, etc.
Co plan dixital trataranse de potenciar e mellorar as vías de comunicacións telemáticas, empregadas para favorecer o Plan de Atención a Diversidade.

O presente PD ten unha clara relación co proxecto Edixgal, contando que o alumnado dispón de medios informáticos en todos os cursos da ESO, deste xeito poderán levarse a cabo as medidas expostas no punto 3, Plan de Acción.

• Contribución do PD á Programación Xeral Anual do curso 23/24.

O centro educativo ten como obxectivo principal e superior a formación do alumnado en competencias profesionais, pero sin esquecer a formación social, educando cidadáns en valores. Para isto a programación xeral anual propón unhas liñas de actuación no tocante a tecnoloxía e os usos dixitais, pero dun xeito xenérico, sin concretar en accións. Incidese nas competencias dixitais pero non se especifica nada en concreto para a formación de alumnado e profesorado.
O PD vén a servir de nexo de unión entre os diferentes programas nos que participa o centro e os obxectivos globais, presentando acción concretas a realizar, coas correspondentes métricas e marcas a perseguir.

Proceso de elaboración

O equipo do curso 23/24 está composto 9 docentes do claustro de distintos departamentos. Durante o curso 21/22 o traballo realizado fíxose por fases:

ANÁLISE E DIAGNOSE DE SITUACIÓN DOS CENTROS

1. Presentación do centro na aula virtual do Adix Ferrol 2.

2. Dada de alta na aplicación Selfie e proposta das preguntas personalizadas.

3. Lanzamento das enquisas Selfie para o claustro e alumnado do centro.

4. Informe dos resultados Selfie.

5. Lanzamento do test de competencias dixitais docentes desde Fprofe.

6. Informe do test CDD.

7. Realización do DAFO coa información recollida.

    

DESEÑO E ELABORACIÓN DO PLAN DIXITAL

1. Realización e entrega dos obxectivos do plan de acción.

2. Elaboración do plan dixital de centro.

No curso 22/23 o equipo do Plan Dixital estaba composto  por 8 docentes de distintos departametos e niveis educativos.

Como xa se comentou con anterioridade neste apartado, no curso 2023/2024 o equipo do Plan dixital está composto por 9 docentes de distintos departamentos (Matemáticas, Bioloxía e xeoloxía, Electricidade, Comercio, Tecnoloxía e Mantemento) e niveis educativos (Secundaria e Bacharelato e Formación Profesional) .

De forma xeral, todos os obxectivos foron acadados. Cabe destacar que:

• O Obxectivos 5 recibiu unha baixa colaboración por parte do claustro o que fixo que se acadara unha porcentaxe menor da esperada. Isto débese a que a a acción AO5.1 (creación dun equipo de persoal docente dirixido a resolver dúbidas TIC) se realizou con éxito, pero a acción AO5.2 (Creación dun foro na Aula Virtual para todo o claustro enfocado ao intercambio de información para xerar recursos en liña) non tivo impacto debido a nula colabración do persoal docente.
• No que respecta ao Obxectivo 6 cabe destacar que non se realizaron as enquisas inicial e final asociadas as accións AO6.1 e AO6.2, polo bo nivel dixital do 80 % do profesorado.

• Tamén nos gustaría destacar a consecución do Obxectivo 2. Os grupos e subgrupos constituídos para resolver incidencias TIC foron moi activos e eficientes ao longo de todo o curso, resolvendo os problemas que ían xurdindo con moita eficiencia. Tamén funcionou moi ben o foro creado para comunicar as distintas incidencias aparecidas.

Hai que recordar que este plan consta de 5 cursos académicos, empezando no curso 2021/2022. O presente curso é o terceiro ano do desenvolvemento do Plan Dixital de Centro, polo que se espera que a consecución dalgún dos obxectivos sexa de maneira parcial.

No Plan dixital do curso 2022/2023 a proposta de mellora era que se tomarían medidas para conseguir unha maior colaboración por parte da comunidade educativa.

Algunhas desas medidas que se tomaron foron moi efectivas (infografías, carteis informativos...). Conseguiuse que máis membros da comunidade educativa colaborasen, pero pensamos que aínda hai que conseguir unha colaboración maior.

Outra proposta de mellora é cambiar, ou incluso suprimir algún dos obxectivos, como por exemplo o obxectivo 6, xa que a comunidade educativa estase a formar en competencias dixitais e, segundo pasa o tempo, está máis preparada.

Consideramos que o Plan Dixital de Centro é un plan dinámico, que debe evolucionar co tempo, polo que debemos valorar novas necesidades e establecer obxectivos realistas e renovados.

O PLAN DIXITAL "cólgase" na páxina web do centro informando a toda a comunidade educativa.

No claustro de principio de curso informouse a todo o profesorado de cómo e onde acceder ao citado documento.