A relación coas familias é especialmente dinámica na maioría dos casos, e especialmente coa ANPA. Sinalar que o centro ten tradición na escolarización de alumnado con Necesidades Educativas Especiais, sendo unha das nosas liñas prioritarias a atención á diversidade e a integración, así como a igualdade entre homes e mulleres, o respecto á diversidade racial, cultural e relixiosa. Nos últimos cursos estase a fomentar a colaboración e comunicación recíproca familia-escola.
O Plan Dixital contribuirá á dar resposta aos plantexamentos metodolóxicos propostos no PEC do Centro, a través dunha actualización a través da formación do profesorado que permita unha implantación de novas metodoloxías activas baseadas no emprego das novas tecnoloxías. O centro xa forma parte da Rede de Centros EDIXGAL e participa no PLAMBE, o que posibilita novas ferramentas pedagóxicas e metodolóxicas. A pretensión deste Plan dixital é contribuír tamén a favorecer cambios metodolóxicos e aportar ferramentas que contribúan activamente a solventar as dificultades e necesidades que se reflictan na memoria final deste curso no momento de elaborar a Programación Xeral Anual para o curso 2022/23.
No centro creouse un grupo de traballo dentro do Plan de Formación do Profesorado do centro, que xunto co asesoramento da mentora da Rede Galega Dixitalgal estableceu as reunións de traballo precisas, adecuando os tempos á posta a disposición dos centros das ferramentas SELFIE e o Test CDD que foron referentes para establecer o punto de partida. No 1º trimestre co asesoramento da mentora do ADIX Vimianzo, Patricia Túnez, realizouse a avaliación inicial, primeiro cunha valoración do equipo do plan de formación e despois co emprego da ferramenta SELFIE, así como sesións de asesoramento e videoconferencias por parte do ADIX Vimianzo. No 2º trimestre fíxose a valoración dos resultados SELFIE e empregouse o test CDD para coñecer a competencia dixital do profesorado do centro, continuando o asesoramento do ADIX Vimianzo. No 3º trimestre procedeuse a realizar as táboas de accións e redactouse o Plan dixital.
Para levar a cabo a avaliacion inicial da dixitalización do centro utilizamos a ferramenta de autoavaliación SELFIE, da Comisión Europea, que proporciona un informe de situación do mesmo. Ademáis tamén se empregou o Test CDD para avaliar a competencia dixital dos mestres e mestras. A parte de toda a información obtida coas dúas ferramentas citadas para a elaboración do DAFO, contamos tamén co asesoramento da persoa mentora e dos membros do EDPD. Cabe sinalar que os datos do SELFIE ás veces son sesgados e requiriron de interpretación, das persoas antes mencionadas, para facer unha interpretación da situación real do centro.
A partir do Informe SELFIE, TCDD e outras fontes, o centro xenerou unha análise DAFO que permite o coñecemento da realidade do centro no eido dixital e facilita a elaboración das liñas fundamentais do Plan Dixital en termos de obxectivos e accións a desenvolver.
Para elaborar o Plan de Acción tivemos en conta toda a información prioritaria para o noso centro. A proposta parte da realidade actual do centro, tentando actuar sobre aqueles aspectos nos que os indicadores dan resultados máis baixos, e cunha perspectiva obxectiva e alcanzable nun curso, evitando espectativas moi altas dado que somos conscientes de que o primeiro ano de aplicación será máis complicado dada a inexperiencia ante o reto. Tentamos planificar aqueles que entendemos máis prioritarios, pero é obvio que teremos que plantexar no futuro outros plans de acción distintos e que foron relegados atendendo a ditas prioridades.
En primeiro lugar consideramos imprescindible establecer nocións básicas sobre a protección de datos e os dereitos de autor entre o profesorado e implementar o emprego de ferramentas institucionais e software libre. Outro aspecto que consideramos importante e crucial é dispoñer no centro de asistencia técnica suficiente que nos aforre tempo a hora de atopar incidencias.
No que se refire ao seguimento e avaliación do Plan Dixital en relación coa consecución dos obxectivos será realizada dende dúas perspectivas: Avaliación procesual: será realizada unha vez ao final da cada un dos trimestres do curso 22-23. Realizarase unha revisión do estado das accións, así como a valoración dos resultados acadados nos distintos obxectivos das táboas dos nosos plans de accións. Ademais, realizaranse propostas de modificación de accións de ser preciso. Utilizaranse os apartados correspondentes das citadas táboas para tal efecto.
Avaliación final: será realizada unha vez ao ano ao remate do curso académico 22-23. Farase unha revisións da consecución dos obxectivos formulados e realizaranse posibles propostas de mellora. Utilizaranse os apartados correspondentes de cada unha das taboas do pian de accion para o seu cumprimento.
Logo da enquisa pasada a todo o profesorado, detectamos que o coñecemento sobre licenzas de autor e ferramentas corporativas era inferior ao grao de se esperaba (70%) polo que se elaborou material e levouse a cabo unha sesión de formación para dalo a coñecer. Actualmente está aloxado na aula virtual do centro.
Neste segundo trimestre púxose o foco na utilización das ferramentas corporativas de comunicación. A totalidade do claustro emprégaas se ben é certo que non o fan con todas elas por igual. Podemos dicir que o obxectivo que tíñamos proposto neste apartado foi acadado.
Asemade fixemos un PFPP no que houbo dúas sesións de docencia de h5p nas que participou a maioría do claustro.
No terceiro trimestre e coincidindo co reemplazo das pantallas por paneis dixitais, elaborouse unha pequena guía de uso e exemplificouse cómo poñelos en marcha.
Seguimos a demandar mais asistencia técnica por parte da administración, xa que moitas veces temos que deixar a nosa labor como docentes para actuar como técnicos/as en momentos determinados (sobre todo cando temos que ser as "mans" da UAC).
Este obxectivo non está acadado polo de agora.
No que que respecta á valoración do Plan Dixital do noso centro, comentar que se levou a cabo na súa totalidade. Os obxectivos realizados axudaron a potenciar distintos aspectos relacionados sobre todo con: infraestrutura tecnolóxica, formación en competencia dixital do profesorado a través dos PFPP e así mesmo, afondar na formación e competencia dixital do noso alumando.
A avaliación do desenvolvemento do plan dixital debe ter en conta os resultados e o impacto na aprendizaxe dos estudantes, así como a experiencia e a retroalimentación dos docentes, pais e outros actores chave. Ao ser este o primeiro Plan Dixital que desenvolvemos os indicadores que permiten esta retroalimentación son moi sutís e haberá que agardar a vindeiros cursos nos que voltemos a realizar un exercizo SELFIE de autoavaliación da situación dixital da comunidade educativa.
Continuaremos traballando neste liña a través da elaboración de novos obxectivos para o vindeiro curso 23-24 sendo prioridade para nós seguir afondando na formación do profesorado e do noso alumnado.
De cara o vindeiro curso, consideramos tras a experiencia deste, centrarnos en menos aspectos e adicarlle máis tempo. Moitas veces a carga burocrática a que estamos sometidos non nos permite afondar como quixéramos en moitos aspectos. Tamén consideramos necesario darlle un cambio as formacións que se leven a cabo no ámbito dixital, buscar a práctica continua do aprendido para que non quede nun mero curso todo os conceptos.
Como propostas de mellora de cara ao curso vindeiro teremos en conta as seguintes:
O Plan Dixital do noso centro enviarase o claustro e ao Consello Escolar vía correo electrónico. Logo será aprobado en Consello Escolar e publicado na web do centro para a difusión entre a Comunidade Educativa.
Enlace: https://www.edu.xunta.gal/centros/ceipcarnota/system/files/PlanDixital_15002761_CEIPPluriling%C3%BCeCarnota_0.pdf
