O centro conta desde o curso 2009/2010 cun plan de integración das tecnoloxías da  información e a comunicación, que fora apoiado polo Claustro de Profesorado e Consello Escolar.

    O seus obxectivos son:

• Introdución das TIC nos procesos de ensinanza e aprendizaxe do centro.
• Aumentar a competencia na utilización das TIC do profesorado e do alumnado.
• Establecer horas de formación para o profesorado no horario xeral do centro.
• Utilizar as TIC na mellora da xestión e organización do centro.
• Manter actualizada a páxina Web do centro.
• Aumentar cada curso escolar os recursos técnicos dos que dispón o centro.
• Ser un centro educativo de referencia no uso das TIC.

    O IES Lama das Quendas é actualmente un centro E-Dixgal en toda a educación secundaria obrigatoria. O alumnado de 1º a 4º de ESO ten dispoñible portátil de alumnado con cobertura wi-fi en todas as aulas. A maioría de materias deste alumnado impártese con libro dixital.

    Noutras etapas educativas (Bacharelato, ESA) empregase de forma moi importante a aula virtual do centro como medio habitual de docencia.

    Un dos obxectivos marcados neste Plan Dixital é o de potenciar o emprego desta ferramentas.

Xustificación do Plan Dixital

• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
• Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.

Proceso de elaboración

    A partir da resolución de 3 de setembro, antes citada, iniciouse a planificación e busca de información para a redacción do Plan Dixital do centro (PD).

    Formouse un equipo de traballo, composto 8 integrantes, de entre o profesorado do centro, que no marco dunha liña de formación PFPP se encargou dos pasos necesarios.

    En sucesivas etapas marcadas dende as asesorías ADIX,  na redacción do PD partimos das ferramentas SELFIE e do Test CDD coas que a comunidade educativa proporcinou a información necesaria para seleccionar obxectivos e plans de acción concretos.  A selección de información relevante entre os abundantes datos recollidos fixose mediante unha metodoloxía de análise DAFO (debilidades, amenazas, fortalezas, oportunidades).

    Durante o primeiro curso de vixencia do PD, o curso 2022-2023, o seguimento do desenvolvemento do plan e da consecución de obxectivos marcados levouse a cabo mediante avaliacións trimestrais e unha avaliación final.

    As avaliacións trimestrais, nas reunións do Claustro e do Consello Escolar de fin de trimestre, consistiron en informar sobre:

• Estado de execución das acción do Plan Dixital.
• Análise e valoración de resultados.
• Modificacións das accións, se procede.
• Propostas de mellora.

    A avaliación final, coincidindo co Claustro e Consello Escolar de fin de curso. Nesta avaliación valorouse:

• Grado de cumprimento do Plan dixital e avaliación do mesmo.
• Propostas de mellora ou modificación.

Para o presente e seguintes cursos, considerase suficiente unha única avaliación ao final do curso escolar.

Unha vez por curso, e cando se teñan todos os datos definitivos, o equipo responsable do Plan Dixital reunirase para avaliar obxectivos, acción e indicadores de cara a unha posible revisión.

    A primeira versión do Plan Dixital do IES Lama das Quendas foi presentado ao Claustro do profesorado e aprobado en reunión do 30 de xuño de 2022 e tamén aprobado polo Consello Escolar con data de 30 de xuño de 2022.

    A versión actual foi aprobada, xunto coa programación xeral anual, o 17 de outubro de 2023. 

    Estará dispoñible para toda a comunidade educativa na páxina web do centro mediante ligazón específica dedicada ao Plan Dixital e na aplicación Educalidade.