Xustificación do PD en relación coa normativa vixente.

En Galicia eos compromisos dos ODS e da Axenda 2030 reflectíronse no eixo da dixitalización no proxecto “Estratexia Galicia Dixital 2030” (EGD 2030) e, dentro desta, a “Estratexia de Educación Dixital 2030” senta as bases e marca o camiño para conseguir unha transformación dixital nas aulas a través de 12 programas entre os que se atopa o Plan Dixital de Centro.

Ademais da normativa que regula as estratexias e programas citadas no parágrafo anterior hai que destacar as seguintes normas que regulan o Plan Dixital:

•            Art. 111 bis, Art. 121 e Art. 132  da LO 2/2006, de 3 de maio, de Educación.

•            Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.

•            Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022.

•            Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.

Contextualización do PD no Centro e contribución ao Proxecto Educativo.

A competencia dixital é unha das competencias clave nas que é preciso traballar co alumnado de xeito transversal ao longo do seu período escolar básico. Por este motivo é fundamental que cada centro teña definida unha estratexia neste ámbito. Pretendemos, por tanto, que o Plan Dixital sexa un instrumento de planificación integrado no Proxecto Educativo que marque as liñas para tratar a información acadar a competencia dixital e a integración das TIC como ferramentas didácticas nos procesos de ensinanza-aprendizaxe.

O Plan Dixital concíbese como un documento vivo que contén os acordos acadados no Centro con respecto aos obxectivos xerais do plan, as estratexias de dinamización e a xestión dos recursos tecnolóxicos e a inclusión das TIC nas diferentes concrecións curriculares. Ainda que o Plan Dixital garda unha estreita relación coa competencia  Tratamento da Información e competencia dixital , a natureza complexa e globalizadora desta competencia implica que as decisións tomadas neste documento contribúan ao desenvolvemento do resto das competencias básicas, especialmente , a competencia para Aprender a aprender, competencia en Comunicación Lingüística e competencia Social e cidadá.

Pola súa parte na PXA do curso que ven, como documento de concreción do Proxecto educativo, ligaremos parte dos obxectivos coa dixitalización, tanto do centro como da sociedade.

Proceso de elaboración.

O primeiro paso para a elaboración deste Plan foi a realización dunha enquisa (SELFIE) e un TEST de comoerencia dixital dos docentes (Test CDD) á comunidade educativa  onde se deron a coñecer as necesidades  e as fortalezas con respecto a competencia dixital. Posteriormente, analizamos os resultados nunha matriz que reflectiu as Debilidades, Ameazas, Fortalezas e Oportunudades (DAFO)  e propuxemos, en función deles, un plan de acción para alcanzar os obxectivos propostos para mellorar os puntos débiles con respecto á integración do dixital a nivel de toda a comunidade educativa, as instalacións e as infraestruturas.

Que imos avaliar

- Eficacia ou utilidade do plan nos distintos ámbitos.

- Estrutura organizativa para a elaboración e implementación do Plan.

Accións ou procedementos de avaliación

- Reunións periódicas.

- Mediante unha enquisa dixital cunha mostra da comunidade educativa.

Procedementos para a análise dos resultados

- Reunións periódicas e postas en común unha vez ao trimestre.

- Extracción de conclusións e coordinación co Equipo Directivo.

A frecuencia establecida será por anualidade, unha vez ao ano , nela valoraranse o logro dos obxectivos plantexados e as propostas de mellora.

Dos 7 obxectivos iniciais, pasamos a ter 8 xa que nos aprobaron o proxecto de Polos Creativos que pasou a ser o centro do PD.

Desbotáronse 3 obxectivos:

• obxectivo 1, uso de pantalla dixitais porque estaban obsoletas e non se podían calibrar.
• obxectivo 4, ferramentas institucionais, para centrarnos nos Polos Creativos e na promoción do uso de abalar pro.
• obxectivo 7, creación de recursos na AV, porque consideramos que tiñamos demasiados obxectivos.

Modificouse un deles:

• obxectivo 2, de xeito que só fose unha presentación de cada materia. Non foi acadado por falta de publicidade.

O obxectivo 3 do emprego de Abalar-pro, foi acadado parcialmente xa que si que se deu a formación, pero con moi pouca asistencia.  Non se emprega esta ferramenta de xeito maioritario para comunicarse coas familias.

O resto dos obxectivos: 5, 6 e 8 foron acadados.

Podemos mellorar en:

• Consensuar os obxectivos coa totalidade do claustro para conseguir a maior implicación posible.
• Reducir o número de obxectivos a acadar.
• Incidir na formación dos docentes e alumnado na protección de datos.
• Continuar coa promoción do uso de Abalar para comunicarse coas familias.
• Formarse para optimizar en EI e EP os paneis dixitais novos.
• Crear na AV un espazo para compartir documentos de funcionamento do centro.

O Plan Dixital do centro darase a coñecer a través da páxina web do CPI, ao mesmo tempo que se difundirá entre as familias a través da Asociación de Nais e Pais; Á hora de elaborar os trípticos para as xornadas de acollida do novo alumnado e difusión dos mesmos nas escolas infantís da zona, o Plan Dixital estará presente nel.