Plan do centro
Vixencia
Introdución
Contexto DAFO
Obxectivos
Seguimento
O seguimento do Plan Dixital realizouse a través das actas das reunións do equipo EDPD e das reunións coa mentora ADIX. Comprobouse en cada reunión o estado dos obxectivos e analizáronse os motivos da evolución de cada un deles.
As funcións que se levaron a cabo durante este trimestre foron:
- Nomeamento de novos coordinadores, tanto do PD como da liña PD do PFPP.
- Funcións de cada equipo.
- Nomeamento do novo equipo dinamizador.
- Revisión dos obxectivos do PD para analizar da pertinencia deles xa que se engaden algúns relativos aos Polos creativos que non estaban contemplados no plan de acción.
- Quedouse en desbotar os obxectivos 1 e 4 por seren substituídos polos Polos creativos.
- Publicación na páxina web do centro do Plan Dixital do centro.
Obxectivo 7: Polos Creativos
- Escolla de espazo para a aula destinada ó Polo Creativo.
- Avaliación da Unidade Técnica da viabilidade da proposta.
- Solicitude de presupostos para as obras da devandita aula.
- Reunión coa Consellería para a asignación de materiais e mobiliario para o Polo Creativo.
- Asistencia da coordinadora á xornada inicial da formación para coordinadores de Polos Creativos en Santiago de Compostela (2/12/22).
- Reunión co profesorado participante no proxecto para a posta en común das propostas que se van levar a cabo en cada departamento.
No segundo trimestre leváronse a cabo as accións que enumeramos a continuación:
Obxectivo 2 (Empregar a AV do centro como ferramenta de ensinoaprendizaxe). En proceso.
Obxectivo 3 (Emprego do abalar-pro como ferramenta de comunicación coas familias). En proceso.
Obxectivo 5 (edixgal). En proceso.
Obxectivo 6 (Formación en SAAC baseadas nas TIC). Recibiuse formación a través dunha liña do PFPP no uso do comunicador grid 3 usado como plataforma dixital de adaptación do currículo para alumnado con PC e con TEA. En proceso.
Obxectivo 7 (Polos Creativos):
- Pendentes de que a administración educativa subministre todo o material de Polos Creativos.
- O día 28 de febreiro viñeron a instalar o panel dixital.
- Pendentes da aceptación das obras para acondicionamento da aula de Polos Creativos. Estes inconvenientes fan que a aula de Polos Creativos non estea montada de todo xa que non procede montala para despois desmontala para as obras.
- Elaboramos un inventario con fotos de todo o material, número de expediente e descrición para maior control e posta en coñecemento do profesorado.
- Elaboradas normas de uso da aula e material.
- Creada un espazo na Aula Virtual do centro para compartir materiais entre os participantes no proxecto.
- Iniciado proxecto transversal sobre posta en valor da contorna próxima: saída co alumnado, entrevista e visita guiada cun arqueólogo que participou nas diferentes escavacións do castro próximo de Santomé. Feitas e gravadas entrevistas coa veciñanza e persoal do centro para coñecer necesidades. Traballos de robótica na materia de proxecto competencial de primaria. Traballo en secundaria, na materia de proxecto competencial, sobre coidado da contorna: ecoloxía e reciclaxe.
- Formación da coordinadora do PD no manexo de ferramentas:
- impresora 3D (esta ferramenta aínda non se recibiu no centro) e programas necesarios para o seu uso
- cortadora láser e software para o seu uso
- o mércores 19 de abril recibirá formación no uso do escáner 3D e no plóter de corte.
Aparte dos obxectivos o equipo do PD tamén levou a cabo o seguinte:
- Posta en marcha de aula dixital móbil con carro de carga e portátiles de educa en dixital que non se precisan para préstamos.
- Xestión da baixa de equipos tecnolóxicos obsoletos: a través da UAC os que pertencen á Xunta e directamente os adquiridos polo centro.
Obxectivo 2 (Empregar a AV do centro como ferramenta de ensinoaprendizaxe). Non se vai acadar.
Obxectivo 3 (Emprego do abalar-pro como ferramenta de comunicación coas familias): recibiuse a formación o día 4 de maio. Queda avaliar o uso da ferramenta polos docentes.
Obxectivo 7 (Polos creativos). Lévanse a cabo diversos proxectos en Primaria e na ESO en distintas materias no marco do programa. Ademais, o alumnado de 4º de ESO da materia de Plástica gañaron un premio ao mellor proxecto creativo do Reto de Polos. O 13 de xuño a coordinadora asiste a unha xornada de formación sobre Realidade Virtual e recibe as 3 grafas de RV asignadas.
Avaliación
Que imos avaliar
- Eficacia ou utilidade do plan nos distintos ámbitos.
- Estrutura organizativa para a elaboración e implementación do Plan.
Accións ou procedementos de avaliación
- Reunións periódicas.
- Mediante unha enquisa dixital cunha mostra da comunidade educativa.
Procedementos para a análise dos resultados
- Reunións periódicas e postas en común unha vez ao trimestre.
- Extracción de conclusións e coordinación co Equipo Directivo.
A frecuencia establecida será por anualidade, unha vez ao ano , nela valoraranse o logro dos obxectivos plantexados e as propostas de mellora.
Dos 7 obxectivos iniciais, pasamos a ter 8 xa que nos aprobaron o proxecto de Polos Creativos que pasou a ser o centro do PD.
Desbotáronse 3 obxectivos:
- obxectivo 1, uso de pantalla dixitais porque estaban obsoletas e non se podían calibrar.
- obxectivo 4, ferramentas institucionais, para centrarnos nos Polos Creativos e na promoción do uso de abalar pro.
- obxectivo 7, creación de recursos na AV, porque consideramos que tiñamos demasiados obxectivos.
Modificouse un deles:
- obxectivo 2, de xeito que só fose unha presentación de cada materia. Non foi acadado por falta de publicidade.
O obxectivo 3 do emprego de Abalar-pro, foi acadado parcialmente xa que si que se deu a formación, pero con moi pouca asistencia. Non se emprega esta ferramenta de xeito maioritario para comunicarse coas familias.
O resto dos obxectivos: 5, 6 e 8 foron acadados.
Podemos mellorar en:
- Consensuar os obxectivos coa totalidade do claustro para conseguir a maior implicación posible.
- Reducir o número de obxectivos a acadar.
- Incidir na formación dos docentes e alumnado na protección de datos.
- Continuar coa promoción do uso de Abalar para comunicarse coas familias.
- Formarse para optimizar en EI e EP os paneis dixitais novos.
- Crear na AV un espazo para compartir documentos de funcionamento do centro.
Comunicación e difusión
O Plan Dixital do centro darase a coñecer a través da páxina web do CPI, ao mesmo tempo que se difundirá entre as familias a través da Asociación de Nais e Pais; Á hora de elaborar os trípticos para as xornadas de acollida do novo alumnado e difusión dos mesmos nas escolas infantís da zona, o Plan Dixital estará presente nel.