O CEIP plurilingüe Infante Felipe atópase no centro urbano de Salvaterra, máis concretamente na Rúa da Escola s/n. A súa construcción inicial data dos anos 70, si ben, a posteriori, sufriu varias reformas e ampliacións.
Na actualidade conta con 21 unidades en funcionamento (sendo 6 de Educación Infantil e o resto pertencentes a Educación Primaria) e un claustro formado por 32 mestres. Nel impártense ensinanzas correspondentes ao 2º ciclo da Educación Infantil e aos 3 ciclos da Educación Primaria, concretamente neste curso 2.013/2.014, contamos con 2 liñas en Infantil, 3º, 5º e 6º e 3 liñas en 1º, 2º e 3º, rondando o número de alumnos sobre os 420. Estamos adscritos ao IES Salvaterra de Miño, co que mantemos varios contactos ao longo do curso que nos permiten seguir liñas de actuación comúns e procurar que a transición entre a etapa de Primaria e Secundaria sexa o menos traumática posible.
O horario do centro é de 8:50 a 13:50 horas para o alumnado, contando ademais cos servizos de comedor e transporte escolar (debido á presencia elevada de nenos das diferentes parroquias dos arredores), ademais dunha oferta de actividades extraescolares polas tardes organizadas pola ANPA e polo Concello. Destacar finalmente que os martes pola tarde teñen lugar as distintas reunións dos mestres (Comisión de Coordinación Pedagóxica, Equipos de Ciclo, Equipo de Normalización Lingüística...) así como se recibe oficialmente aos pais.
Contextualización do Plan Dixital no centro. Contribución ao Proxecto Educativo do Centro
Con respecto ao alumnado que acude ao centro dicir que é moi variado en canto a intereses, motivacións, capacidades e necesidades, sendo a gran maioría deles, castelán falantes.Nos últimos anos, aumenta, progresivamente ademais, a presenza de alumnos procedentes de latinoamérica e , moi especialmente, de Marrocos.
En canto ás familias, mencionar que, en xeral, o seu nivel económico pódese situar nun termo medio, de clase media, con salientable preocupación polos estudios dos/as seus/súas fillos/as. Contan en xeral con condicións axeitadas para o estudo na casa apoiados polos/as seus/súas pais/nais. A maioría das familias traballa no sector servizos, seguido do sector industrial. A incidencia do paro aumenta nos últimos meses.Pódese afirmar que na maioría das familias a lingua habitual é o castelán, e nunha porcentaxe moi baixa galego e castelán.
O PD contribue a consecución dos obxectivos da programación xeral anual, tanto dos relacionados coas familias como co profesorado e alumnado e coa contorna facilitando a comunicación e os medios para levala a cabo.
¿ Na Lei orgánica 3/2020, do 29 de decembro, pola que se modifica a Lei orgánica 2/2006, do 3 de maio, de educación, no seu preámbulo, establecese o seguinte:
O uso xeneralizado das tecnoloxías de información e da comunicación en múltiples aspectos da vida cotiá acelerou cambios profundos na comprensión da realidade e na maneira de comprometerse e participar nela, nas capacidades para construír a propia personalidade e aprender ao longo da vida, na cultura e na convivencia democráticas, entre outros. Este cambio de enfoque require dunha comprensión integral do impacto persoal e social da tecnoloxía, de como este impacto é diferente nas mulleres e os homes, e unha reflexión ética acerca da relación entre tecnoloxías, persoas, economía e ambiente, que se desenvolva tanto na competencia dixital do alumnado como na competencia dixital docente. En consecuencia, faise necesario que o sistema educativo dea resposta a esta realidade social e inclúa un enfoque da competencia dixital máis moderno e amplo, acorde coas recomendacións europeas relativas ás competencias clave para a aprendizaxe permanente.
¿ Na modificación do artigo 121 da Lei Orgánica 2/2006, do 3 de maio, de Educación:
O proxecto educativo do centro recollerá, así mesmo, a estratexia dixital do centro, de acordo co establecido no artigo 111 bis.5.»
¿ Artigo 132 da devandita Lei establece como competencias dos directores e directoras, entre outras, fomentar a cualificación e formación do equipo docente, así como a investigación, a experimentación e a innovación educativa no centro.A disposición adicional quinta da Resolución do 17 de xuño de 2021, da Secretaría Xeral de Educación e Formación Profesional (DOG 30 de xuño), pola que se ditan instrucións para o desenvolvemento das ensinanzas de educación infantil, educación primaria, educación secundaria obrigatoria e bacharelato no curso académico 2021-2022, e na disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de formación profesional do sistema educativo no curso 2021- 2022 sinala que os centros docentes elaborarán no curso 2021-2022 o seu Plan Dixital de acordo coas instrucións que se diten.
¿ Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022.
¿ Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
Proceso de elaboración
Para a elaboración do PD. Organizouse un equipo que comenzou poñendo a disposición do profesorado e alumnado a enquisa da plataforma SELFIE e a partir da información obtida elabórase unha análise das fortalezas e débilidades do centro con respecto á competencia dixital.
Con esta información seleccionamos os obxectivos a acadar e elaboramos a redacción do Plan.
