1. Introdución
Nome do centro: CPI Plurilingüe de Rodeiro
Dirección: Rúa B, nº 14
Correo: cpi.rodeiro@edu.xunta.es
Páxina web: https://www.edu.xunta.gal/centros/cpirodeiro/
Etapas educativa: Infantil, primaria e ESO
Nº de alumnado: 167
Profesorado: 26
¿ O Centro Público Integrado de Rodeiro é o único Centro do Concello do mesmo nome, situado na súa capitalidade (Rodeiro) e, ó que polo tanto, acoden alumnos de tódolos pobos do mesmo, repartidos nun total de vinte parroquias: ALCEME, ASPERELO, AZ, CAMBA, SAN SALVADOR, SANTA EULALIA, CARBOENTES, FAFIÁN, GUILLAR, NEGRELOS, PEDROSO, PORTELA, RIO, RIOBÓ, RODEIRO, SALTO, SENRA e VILELA.
Ten unha extensión de 167 quilómetros cadrados e unha poboación de entorno ós 3000 habitantes. Pola súa situación xeográfica estamos en plena zona de montaña, (nas ladeiras do Monte Faro) e totalmente rural, posto que non se observa ningún núcleo urbano de certa relevancia. A calidade de vida está por debaixo da media galega, ó ser unha zona deprimida carente de industria. O seu nivel cultural é medio-baixo. Dedícanse maioritariamente ós traballos gandeiros e agrícolas, e como característica coas demais zonas rurais de Galicia a súa poboación está bastante envellecida, A infraestrutura dos servizos sociais cínguese case exclusivamente ó núcleo urbano: Biblioteca, Centro Médico, Concello, Garda Civil, Polideportivo, Pistas deportivas.
A lingua usual é o galego case que no 100% dos habitantes polo que a súa implantación xa podemos considerar que está feita se menoscabo do apoio que precisa e a valoración da mesma é, salvo casos illados, positiva.
O centro vén funcionando dende 1974 e actualmente conta con 13 unidades, estando atendidas por 28 profesores de Infantil, Primaria e Secundaria.
Os alumnos contan con transporte escolar pola mañá e pola tarde, dado que ó mediodía comen no comedor escolar do centro. O CPI declárase aconfesional, aínda que a maioría dos pais solicitan o ensino da Relixión Católica.
¿ A incardinación e contribución do Plan Dixital ao Proxecto Educativo fai que o centro conte con máis recursos para conseguir os obxectivos fixados nas diferentes programacións didácticas.
¿ A contribución do Plan Dixital á Programación Xeral Anual do curso 22/23 permitirá insertar e introducir novos aspectos relacionados coa dixitalización do centro.
O noso Plan Dixital plantexámolo de acordo coa seguinte normativa:
¿ Art. 111 bis, Art. 121 e Art. 132 da LO 2/2006, de 3 de maio, de Educación
¿ Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
¿ Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
¿ Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
Este Plan Dixital elaborámolo partindo das directrices transmitidas polo CEFORE. Para o seu desenvolvemento comezamos coa realización dun traballo de campo que consistiu na recollida de datos a través de enquisas nas que participaron tanto alumnado como profesorado do CPI de Rodeiro. A continuación fixemos unha análise dos resultados desas enquisas e de aí un DAFO que nos permitiu coñecer as fortalezas, debilidades, ameazas e oportunidades para poder desenvolver o plan. Despois fíxose unha valoración que nos permitiu extraer conclusións.
