Xustificación do Plan Dixital en ralación coa normativa vixente
A elaboración do plan dixital ten a súa xustificación no regulado pola normativa vixente, máis concretamente en:
A Lei orgánica 2/2006 do 3 de maio, de educación.
Artigo 111 bis
3. O Ministerio de Educación e Formación Profesional impulsará, previa consulta ás Comunidades Autónomas, a compatibilidade dos formatos que poidan ser soportados polas ferramentas e contornas virtuais de aprendizaxe no ámbito dos contidos educativos dixitais públicos, co obxecto de facilitar o seu uso con independencia da plataforma tecnolóxica na que se alberguen.
4. O Ministerio de Educación, Cultura e Deporte ofrecerá plataformas dixitais e tecnolóxicas de acceso a toda a comunidade educativa, que poderán incorporar recursos didácticos achegados polas Administracións educativas e outros axentes para o seu uso compartido. Os recursos deberán ser seleccionados de acordo con parámetros de calidade metodolóxica, adopción de estándares abertos e dispoñibilidade de fontes que faciliten a súa difusión, adaptación, reutilización e redistribución e serán recoñecidos como tales.
5. As Administracións educativas e os equipos directivos dos centros promoverán o uso das tecnoloxías da información e a comunicación (TIC) na aula como medio didáctico apropiado e valioso para levar a cabo as tarefas de ensino e aprendizaxe. As Administracións educativas deberán establecer as condicións que fagan posible a eliminación no ámbito escolar das situacións de risco derivadas da inadecuada utilización das TIC, con especial atención ás situacións de violencia na rede. Fomentarase a confianza e seguridade no uso das tecnoloxías prestando especial atención á desaparición de estereotipos de xénero que dificultan a adquisición de competencias dixitais en condicións de igualdade.
6. O Ministerio de Educación e Formación Profesional elaborará e revisará, previa consulta ás Comunidades Autónomas, os marcos de referencia da competencia dixital que orienten a formación inicial e permanente do profesorado e faciliten o desenvolvemento dunha cultura dixital nos centros e nas aulas.
7. As Administracións públicas velarán polo acceso de todos os estudantes aos recursos dixitais necesarios, para garantir o exercicio do dereito á educación de todos os nenos e nenas en igualdade de condicións. En todo caso, as tecnoloxías da información e a comunicación (TIC) e os recursos didácticos que se empreguen, axustaranse á normativa reguladora dos servizos e sociedade da información e dos dereitos de propiedade intelectual, concienciando no respecto dos dereitos de terceiros.
Contextualización do Plan Dixital no centro. Contribución ao Proxecto Educativo do Centro
O centro ten unha ubicación urbana, na cidade de Pontevedra, e nas proximidades dunha das vías de comunicación ca súa contorna (Poio, Sanxenxo). Unha parte considerable do alumnado procede destes concellos.
A zona representa todas as características dunha cidade en proceso de expansión urbanística, na que domina claramente o sector servizos, especialmente a vida comercial e funcionarial. Neste contexto, destacar que a lingua vehicular predominante na zona, e por extensión do noso alumnado é o castelán.
A poboación do Concelloello, suma un total duns 84.000 habitantes.
Mediante o obxectivo do Plan Dixital de Centro preténdese:
- Avaliar a situación do noso Centro educativo con relación ao uso das TIC nos distintos elementos crave que recolle o Marco Europeo para Organizacións Educativas Dixitalmente Competente para poder deseñar e emprender un proceso de transformación no Centro.
- Recoñecer o Plan Dixital de Centro como un recurso crave para a planificación da estratexia dixital dunha organización educativa.
- Transformar o noso Centro educativo nunha organización que aprende, sendo só posible se é unha organización dixitalmente competente.
- Valorar as implicacións das organizacións escolares para desenvolver unha cultura dixital nas mesmas.
A finalidade do noso Centro educativo é que o alumnado aprenda e fórmese como individuo da sociedade na que vive. En consecuencia, a propia organización vai mellorando a través da súa práctica e da reflexión sobre ela, así como das relacións que establece coa súa contorna.
O Plan Dixital de Centro debe encaixar no contexto institucional máis amplo que vén recollido noutros documentos institucionais, como o Proxecto Educativo de Centro e ambos os documentos deben estar en total consonancia e ser complementarios.
A dixitalización do centro será clave tamén para a consecución de moitos outros dos obxectivos estratéxicos establecidos no Plan Anual:
Obxectivo 5: Potenciar o uso e a dotación dos recursos dixitais do centro, optimizando o uso e aproveitamento dos mesmos, das infraestructuras e materiais disponibles.
Proceso de elaboración
O deseño do Plan Dixital de Centro ha de recoller as ideas principais, determinar as prioridades e establecer os niveis de planificación (programas, proxectos e/ou accións) que marcarán o plan de traballo do Centro escolar no seu proceso de cambio e mellora. Así mesmo, a participación do equipo directivo no proceso de deseño e implementación do Plan Dixital de Centro é clave, tanto pola visión global que pode achegar, como pola capacidade para mobilizar recursos da organización e de xerar liderados distribuídos que permitan o cambio.
O Plan Dixital de Centro debería permitir á comunidade educativa:
- Visualizar onde quere que chegue o Centro.
- Entender onde está actualmente.
- Trazar o camiño que leve dun estado ó outro.
Todo o traballo foi estruturado en tres fases, con diferentes etapas dentro de cada unha delas:
Fase 1: Diagnose da situación de centro
1.1. Enquisa sobre a situación actual do colexio no ámbito dixital. Emprego de SELFIE.
1.2. Estudo da competencia dixital do profesorado. Realización do Test CDD en Fprofe.
1.3. Interpretación dos resultados obtidos nos dous puntos anteriores. Xeración dun cadro DAFO sobrea situación do colexio en materia dixital.
Fase 2: Deseño e elaboración do Plan dixital
2.1. Obxectivos do plan de acción
2.2. Elaboración do plan dixital
Fase 3: Implementación, seguimento e avaliación do Plan Dixital
Esta fase desenvolverase ao longo do presente curso 2023/24, unha vez elaborado e aprobado este Plan
