Característica socioeconómicas e culturais do contexto do centro.

O IES Carlos Casares é un centro rural da alta montaña ourensá. Acolle alumnado dunha zona con innumerables núcleos illados de poboación, o que dificulta o acceso a ocio, oportunidades, cultura… de calidade.

Incardinación e contribución do PD ao Proxecto Educativo.

Relación con outros Plans e proxectos do centro: traxectoria no ámbito das novas tecnoloxías, programas de innovación nos que participa… O noso centro está a participar por cuarto ano consecutivo no proxecto de libros dixitais E-Dixgal. Neste senso, un grupo de 10 docentes vén de publicar material e recursos propios a través do portal educativo Recursos Abalar. Da mesma forma, o noso alumnado traballa con contidos dixitais a través de proxectos como Aprendo Programando ou Rapazas nas TIC (Plan Proxecta) e outros similares. Consideramos fundamental ofrecer ao noso alumnado as mesmas oportunidades que o resto de nenas e nenos galegos, sendo consciente que nos ubicamos nunha zona con problemas de comunicación e mobilidade.

Contribución do PD á Programación Xeral Anual do curso 22/23.

Agardamos seguir a participar no vindeiro curso no proxecto E-Dixgal así como en diferentes programas do Plan Proxecta. Concretamente o PD permitiranos por un lado garantir accesibilidade a toda a comunidade educativa e por outro a integración en diferentes proxectos, non só dixitais, senón tamén aqueles que utilizan o medios dixitais como vía. Reseñable tamén a oportunidade de formación para o profesorado en eidos coma a avaliación e autoavaliación dixital da práctica docente.

No contexto da avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

Para o obxectivo 1: o 100 do alumnado tivo equipo e conectividade, e está satisfeito coa xestión.

Para o obxectivo 2: durante todo o curso creáronse diferentes vídeos e outros materiais dixitais para promover as actividades do IES, e están publicados en RRSS @ochoupin

Para o obxectivo 3: respecto ao alumnado, o uso EDIXGAL é xa unha realidade, tanto a nivel de comunicación, calendario, etc.; respecto ao profesorado creouse un curso na aula virtual con diferentes modelos de pdf e outros documentos editables, así como un curso de titoriais TIC; respecto ás familias, valoramos como máis operativo dar a información para uso ABALAR ao comezo do vindeiro curso, mesmo cos impresos de matrícula.

Para o obxectivo 4: o coordinador de Polos Creativos transmitiunos toda a información referente ao mesmos. Creáronse, entre outros materiais: curso aula virtual, chapas conmemorativas feira das ciencias, impresión 3D trofeos premio, creación dunha emisora de radio no IES.

Para o obxectivo 5: Comezouse a gravación dunha simulación dun proceso de mediación escolar, que servirá como soporte de formación. Está previsto que para o vindeiro curso se remate toda a montaxe e publicación.

Con respecto aos obxectivos:

Obx.3) Entregar material informativo práctico sobre o uso de ABALAR ás familias coa folla de matrícula para o vindeiro curso.

Obx.5) Rematar o vindeiro curso a montaxe do material didáctico "Formación Mediación Escolar"

Definición da estratexia ou protocolo para a publicidade e difusión do plan dixital entre toda a comunidade educativa (posterior á súa aprobación).

- Publicación na web do IES

- Presentación aos novos Claustro e CE

- Inclusión nos documentos propios de centro

- Promocións das accións específicas a desenvolver dentro do plan

- Revisión/actualización do buzón de suxerencias