O IES Plurilingüe San Rosendo de Mondoñedo acolle principalmente alumnos procedentes dos concellos de Mondoñedo e Lourenzá. Non obstante, unha minoría importante e significativa procede do veciño concello de Abadín e outro grupo de alumnos procede doutros concellos cercanos. No caso dos ciclos formativos acollemos incluso alumnado de fóra de Galicia. A contorna do centro é eminentemente rural e de interior, pese á cercanía da costa. As densidades de poboación son baixas e sufrimos dunha tendencia alta á diminución e envellentamento da poboación, arrastrada desde os anos 50 do século pasado cando se rexistrou unha forte emigración cara as capitais, a costa e outras zonas industriais. Non obstante, nos últimos anos notouse a incidencia da inmigración de familias principalmente de orixe marroquí e latinoamericanas. A nivel económico, o sector primario ocupa aínda boa parte da ocupación (por exemplo, os produtos hortícolas de Mondoñedo e a Faba de Lourenzá, de recoñecido prestixio), a pesar da crise do sector lácteo e gandeiro que trouxo o peche de moitas explotacións. Nos últimos anos o sector industrial recibiu tamén duros golpes co peche parcial ou total de importantes fábricas na contorna (Ecar, Hermida, Alcoa...). O comercio vese tamén afectado pola baixada da demanda local, como consecuencia da diminución da poboación e o debilitamento económico polas diferentes crises que atravesamos. En canto a infraestruturas dixitais hai aínda moita marxe de mellora, como se demostrou coa recente pandemia, que descubriu moitos problemas de conectividade de moitas familias e que cobraron crecente importancia que antes non se lles outorgaba. En xeral as conexións a Internet dos núcleos urbanos son mellores cás dos rurais, aínda que recentemente existen plans de mellora e extensión de fibra por moitos puntos da área de influencia principal do centro que agardamos poidan contribuír nun futuro próximo a unha mellor conectividade. Tendo en conta esta situación, e tamén que a finalidade do centro é formar ao alumnado e axudalo a desenvolverse na sociedade na que vive, o presente Plan Dixital trata de achegar accións de mellora no ámbito da competencia dixital, polo que tamén debe estar integrado noutros documentos como o Proxecto Educativo do centro, complementándoos e servindo, ademais, como instrumento para a reflexión e a mellora. O Plan Dixital e outros plans e programacións a desenvolver no centro deberán ser totalmente compatibles e complementarios. Un exemplo importante é a Programación Xeral Anual do curso vindeiro 23/24, que terá en conta o presente Plan Dixital.

O procedemento de seguimento e avaliación do Plan Dixital en relación co grao de consecución de obxectivos nos seguintes contextos:

No contexto da avaliación procesual, a frecuencia da súa realización, que será como mínimo unha vez ao trimestre, facendo xuntanzas do Equipo de Dinamización do Plan Dixital e levantando actas de ditas reunións, e os aspectos a valorar, que serán, como mínimo, o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora. Analizarase se os obxectivos e as accións do Plan Dixital se están a acadar ou non.

No contexto da avaliación final mediante os correspondentes instrumentos, a frecuencia da súa realización, que será como mínimo unha vez ao ano, e os aspectos a valorar, que serán, como mínimo, a valoración do logro dos obxectivos e as propostas de mellora.

A raíz dos resultados da enquisa a valoración con respecto ao uso dos espazos queda como sigue:

O 45% do profesorado que contestou a enquisa non usou nunca nin a aula de informática, nin a aula de polos creativos  nin a aula de proxeccións; polo que haberá que seguir incidindo nesta faceta do plan para que o profesorado se anime a utilizar a dotación. Un 45% usou algo do equipamento de polos creativos. En cambio case o 90 % usa algunha vez á semana a dotación edixgal co alumnado.

Un 70% do profesorado titor usa habitualmente abalar para as comunicacións entre profesorado e familias.

A formación que esperan o vindeiro ano pode ser: QGIS, AutoCAD, Gravación de imaxe e son, usos da IA e ampliar o que se aprendeu coa maquinaria de polos creativos.

En canto as propostas de mellora como resultado da enquisa:

- Aumentar a integración das actividades desenvolvidas nestes espazos nos currículos das materias

- Que funcione todo como ten que funcionar, incidindo na pronta comunicación de incidencias e resolución.

- Formación específica para os espazos

- Maior implicación da comunidade educativa no plan dixital para que poda ter maior impacto.

A ter en conta para o deseño do novo plan dixital.

Neste apartado imos ver cales son os protocolos ou estratexias que serán precisos para publicitar e difundir o plan dixital do centro entre a comunidade educativa. O plan Dixital de Centro recolle as accións e os obxectivos a desenrolar para mellorar a competencia dixital do noso centro. Este plan debe estar revisado, polos dinamizadores do equipo do PD en cada curso escolar. Como ben sabemos, a súa presenza é importante no centro, pois garante que seguimos preocupados e con gañas de mellorar as competencias dixitais que tan importantes son no noso día a día. Ademais, as tecnoloxías son imparables e debemos estar actualizados para mellorar os procesos educativos existentes e os que están por vir. No mundo que vivimos é moi necesario que este plan dixital se manteña activo e deseñemos plans de mellora que poidan ser desenrolados co impulso do equipo directivo do centro. Unha vez elaborado este Plan Dixital de Centro é fundamental divulgalo e compartilo cos integrantes do centro educativo. En primeiro lugar, debemos presentalo e aprobalo en Claustro e Consello Escolar e por último, debemos de facer partícipes a todos os demais membros da Comunidade Educativa colgándoo na páxina web do noso Centro.

Nós colgámolo na páxina do centro e dímoslle difusión entre o claustro. Ademáis implicamos a un tercio do profesorado no plan de formación que tiña duas liñas claramente dixitáis e de polos creativos co que a implicación dese profesorado na liña dixital está conseguida. O que se tratará o vindeiro curso será seguir implicando a máis profesorado.