1.1. Datos básicos do centro
O Conservatorio profesional de Música de Ourense localízase na Rúa Pablo Iglesias s/n,da cidade de Ourense. Nel impártense ensinanzas de Grao Elemental e Grao profesional nas seguintes especialidade: Acordeón, Canto, Clarinete, Clave, Contrabaixo, Fagot, Frauta de bico, Frauta traveseira, Gaita, Guitarra, Óboe, Órgano, Percusión, Piano, Saxofón, Trombón, Trompa, Trompeta, Tuba, Viola, Viola da gamba, Violín e Violoncello. O centro conta no curso 2023-2024 con 510 alumnos e con 58 profesores.
1.2. Contextualización do Plan Dixital no centro. Contribución ao Proxecto Educativo do Centro
O motor económico da provincia conta con sectores moi diversos que desenvolven o seu proxecto empresarial na zona. Así atopamos unha actividade industrial que convive co sector agroalimentario, cada día máis puxante e que podemos ver nas numerosas explotacións que progresaron nas derradeiras décadas. Subliñar tamén a ampla oferta turística que ofrece a cidade tanto na Ruta Xacobea como no Plan de termalismo. Dentro do sector primario, as familias dos nenos que asisten ao conservatorio adícanse á agricultura e á actividade vinícola. Hai que lembrar que a comarca de Ourense e o seu entorno ten dentro de sí unha das denominacións de orixe máis importantes no sector vinícola: O Ribeiro. Por outra parte é fundamental o comercio. Moitas das familias adícanse a esta actividade sen esquecer unha amplo abano socioeconómico medio alto formado por aquelas familias de profesións liberais: médicos, profesores, avogados, etc. e incluso funcionarios na súa maioría traballadores do Sergas ou da Xunta.
Nestes últimos dous anos, por mor da pandemia, o uso de novas tecnoloxías no centro aumentou exponencialmente, ata o punto de ser a única vía de impartir docencia durante o período de confinamento, ainda que no caso das materias instrumentais precisaríamos dun material moito máis específico tanto para profesores como para alumnos para poder desempeñar cun mínimo de garantías o noso traballo docente. Dende ese momento o seu uso ven sendo máis habitual, sobre todo nas materias teóricas, polo que o PD ten moita máis utilidade nestas materias. Nas materias instrumentais en ningún caso pode suplir á presenza física na aula. A súa función sería complementaria.
A Programación Xeral Anual do curso 2023-2024 vai ter en conta tódolos aspectos relacionados co Plan Dixital, sobre todo nos obxectivos específicos da programación, entre eles a mellora do funcionamento do centro a nivel pedagóxico, administrativo e tamén se incluirá nas programacións didácticas específicas de cada materia.
1.3. Breve xustificación do mesmo
Figura a continuación a contextualización normativa en relación á elaboración do Plan Dixital no noso centro:
· Art. 111 bis, Art. 121 e Art. 132 da LO 2/2006, de 3 de maio, de Educación
· RESOLUCIÓN do 6 de xuño de 2023, da Dirección Xeral de Ordenación e Innovación Educativa, pola que se ditan instrucións para o desenvolvemento das ensinanzas de educación infantil, educación primaria, educación secundaria obrigatoria e bacharelato no curso académico 2023/24.
· Lei orgánica 2/2006, do 3 de maio, de educación (BOE do 4). Modificada pola Lei orgánica 3/2020, do 29 de decembro, de educación (BOE do 30).
· Decreto 198/2007, do 27 de setembro, polo que se establece a ordenación do grao elemental das ensinanzas de réxime especial de música (DOG do 25 de outubro).
· Real decreto 1577/2006, do 22 de decembro, polo que se fixan os aspectos básicos do currículo das ensinanzas profesionais de música reguladas pola Lei orgánica 2/2006, do 3 de maio, de educación (BOE do 20 de xaneiro de 2007). Modificado polo Real decreto 1953/2009, do 18 de decembro (BOE do 18 de xaneiro de 2010).
· Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
1.4. Proceso de elaboración
Para a elaboración do Plan Dixital do centro creouse específicamente un grupo de traballo que coa axuda tanto da coordinadora do CFR como do responsable de zona do Plan Dixital levaron a cabo un traballo concienzudo basado nas necesidades específicas do profesorado e do alumndao do centro.
